حملة الشعر الي تحت الجلد

يابنات انا اقول وش رايكم نسوي حملة لتخلص من الشعر الي تحت الجلد
بحيث تكتب كل وحدة مرة بهذي المشكلة وطريقة حلها بحيث تكون الطرق مجربه وليست منقولة
وانا قلت كذا عشان في كثير من بنات المنتدى يشكون من هذي المشكلة
والرجاء من العضوات الي يوجد عندهم الحل بمشاركتنا بالموضوع
وانا اتوقع ان في حل لاني اختي تعرف وحدة كان عندها نفس المشكلة (شعر تحت الجلد) وما كانت تقدر تلبس قصير وكانت تشتكي لكتي واختي مسكينه ماتعرف الحل لانها صافيه خلقه ولو تعرف اختي كان قالت لي الحل لاني اعاني من هذي المشكلة من زمان وبعد فترة لقت اختي نفس هذي الحرمه لابسه قصير وصافي جلدها فسألتها اختي وش سويتي قالت لها ماسويت شي وتنكر انها كانت عندها المشكلةوتقول انا صافيه من زمان
طبعا اختي ماصدقتها بس وش تقولها سكتت يعني وش تقول لها تقولها كذابه اذا هي ماتبي تقول بكيفها
اناجربت الحجر مال الجسم بس مافادني لانها المسامات الي داخلها شعركثيرة والمقشرات والسونا والصابون المغربي مافدوني ابد ابي من كل وحدة تعاني من هذي المشكلة نوقف يد وحدة
ونسوي حملة الى ان نجد الحل ونبي متبرعات يقومن بتجريب الخلطات واظهار نتائجها عل النحو التالي ممتازة وجيدة وضعيفة نبي نحل هذي المشكله الي كرهتنا من الملابس القصيرة وهزت ثقتنااااااا
ارجو التفاعل