كيفكم بنات
المهم يابنات انا توني اعرف وش يعني سيلوليت على بالي اول انها خطوط بيضا فيوم عرفتها اكتشفت انها عندي وانا على بالي اني متنت لأنها طلعت لي فجئه يخرب بيتها
اللي ماتعرفها(هي مثل الغمازات تطلع في الفخوذ او اي منطقه في الجسم)
السيلوليت عبارة عن دهون مختزنة في الطبقات العليا من الجلد
مكونة بما يشبه قشرة البرتقال وغالبا يكون موجود في الأرداف والفخذ وفي الساقين من الخلف
وإذا تبين تعرفين أن كان فيك سيلوليت أو لا ؟
اضغطي بالسبابة والإبهام بفخذيك أو في أي منطقة بالجسم إذا وجدتِ تعرجات بمايشبه
قشر البرتقال فمعناته أن فيك سيلوليت
وإذا كانت الحالة قوية مجرد النظر تلاحظين الجلد متعرج
وطبعا هالشي يشوه جمال الجسم
هذا شكلها
المهم قمت احوس بقوقل لين لقيت خلطه أقتنعت فيها وصار لي يومين وانا باديه فيها كل يوم الساعه 10 الصبح اسويها بكره بيكون لي 3 يوم
وهي:
قهوه تركيه(مطحونه)
زيت اللوز الحلو
زيت الزيتون
رشه ملح لحفظ المكونات
علبه فاضيه لحفظ المخلوط
انتي اخلطي على حسب الكميه اهم شي ماتكون سائل مره تحطينها تطيح يعني سوي خليط مضبوط
وقبلها بساعه حطي خل التفاح مخفف بماي وادهنيه على المنطقه وخليها لين تتشربه البشره والبسي ملابسك وطبعا تخليها ساعه بس وبعده تروحين تغسلينه بماي دافي عشان تفتح المسام وتستفيدين من الخلطه اللي سويناها وبعده حطي الخلطه وسوي مساج بشكل دائري وخليها 10 دقايق او 15 دقيقه وبعده غسليها ورطبي المكان انا استخدم زبده الكاكاو وبعده خلاص البسي ملابسك وبلعافيه..
ولو تعملي رياضه لمده نص ساعه حتى لو تمشين حلو
المهم اللي حابه تبدء معي عشان نتاكد من الخبر حياها الله يمكن انا ماستفيد من الخلطه وغيري يستفيد عشان كذا نكون مع بعض ونساعد الناس اللي تشتكي من السيلوليت
النتيجه خلال هذي اليومين:
حسيت بنعومه في المنطقه فقط
وبإذن الله راح احط النتيجه كل اسبوع
اما المده اللي نحتاجها شهر يكفي أو حسب المنطقه كيف التراكم فيها..
وشفت مدح على نيفيا بس انا ماستخدمته اللي تحب تستخدمه وتعلمنا الله يجزاها خير
Goodbye cellulite
وبلنهايه دعوآتكم لي بلتوفيق و آن الله يسهل آمري
مع السلامة