nouf ahmad :

ذبحتونا إي وحده تخالف تقولون حسوده على إيش نحسد لكن الحمد الله ربي عطانا عقل نفكر و قلب نحس فيه بغيرنا ولعلمكم أنا أول وحده مستفيده من زيادة الراتب لو 5 ٪ لأن وقتها مرتب زوجي بيكون أكثر من 30 ألف الله يبارك لنا فيه لكن ما أفكر أبداً أدعمها لأن أحنا مو بحاجه أبداً للزياده أحنا بحاجه لأشيء أهم منها ولازم تتصلح و لأن الكل نفسي نفسي نسي الأهم وراح لمصلحته نبغى مستشفيات نأمن فيها على أنفسنا مو يروح الواحد يخلع ضرس يطلع جثه هامده و يكون ضحيه لجزارين يتعلمون فينا نبي مستشفيات توفر أسره مو الواحد يموت و هو ينتضر سرير نبغى مستشفيات تعالج بأمانه مو الغرف الخاصه للمعارف و الأصدقاء و بقية الناس بالأسياب و 20 نفس بغرفه وحده نبغى وظايف للعاطلين اللي ترسو المحاكم بالجرائم والبلاوي وكلها بسبب البطاله صار كله واحد يدرس الواحد أو ما يدرس عندك واو تمشي ما عندك تنثبر لين يصك عمرك 40 بدون وظيفه ولا زواج نبغى محاسبه للتجار الفاسدين اللي مصو دم القلوب ** بطمعهم و جشعهم أجل الدجاجه اللي كنا نشتريها 7 ريال صارت الحين 14 و 16 ريال ليش ما كثر الله إلا مشاريع الدواجن والبيض نبغى تحسين للتعليم نبغى مدارس تخرج أجيال صح مو مدرسين ثلاث أرباعهم مرضى نفسيين نبغى مناهج صح نبغى تربيه صح ما نبغى خربطه وفلسفه يتخرج الواحد من الجامعه لا يعرف يقرأ القرآن صح ولا يملي كلمتين صح لما شاركتو بالحمله ما فكرتو بعقباتها ؟ و الله لو يزيدوها ريال واحد إن يطلعوها منا 100 ريال لا تقولو كل بلدان العالم فيها غلا معيشه بلدان العالم ما عندها نسبة الفساد العظيم اللي عندنا من الأنانيه الواحد يفكر بنفسه وبس أصلحو المهم ثم طالبو بالكماليات لا تجي وحده وتقول بطرانه وشبعانه والله حتى بيت الملك ما أملك و سيارتنا كلها قروض و أيجار بيتي 20 ألف يعني حتى لو وصل راتب زوجي هالكم يروح نصه قروض و أيجار والله لا عندنا بدلات و تأمين طبي و لا حتى شرهات مثل ما يقولون الناس كلها 30 ألف لما يتعين جديد أو ينقل و بدل نقل حتى بدل سكن ما عندنا المسأله كلها مو بطاره و شبع المسأله أني أفكر بغيري أفكر بأمي الأرمله اللي برقبتها يتيمين و 2 شباب طلاب لا وظيفه و عطاليه بالبيت ما فكرتو هل هالزياده بتشمل الكل ؟ أكيد لا كلن ركض لمصلحته وبس وكل اللي أبيه و أرجيه أن الله يصلح حالنا و أحوالنا و يديم علينا كل نعمه و يحفظها من الزوال و أتمنى اللي بترد علي تحترم نفسها صار لكم ثلاث أيام تسفلون فيني و هذا أنا جبت لكم سبب خلافي معكم يشهد الله لا هو حسد ولا أنانيه أنا هذي نظرتي و لازم أشارك فيها سوا أقتنعتو فيها أو لا لكن لا يحل لكم الدعاء و قلة الأدب فقط لمجرد الخلاف معكم كل وحده تحترم نفسها حتى الكل يحترمها و أعيد و أكرر أصحاب الحمله مع الخيل يا شقراء وعقبها بيجون بتبكبكون نبي ونبي ونبي صلحو الغلط من رأسه وقتها والله 5000 ريال تعيشنا بكل عز و رغد أحنا في بلد غني غير عاجز عن توفير كل هذا لشعبه لكن الفساد لعب فينا ولابد من المحاسبه

ذبحتونا إي وحده تخالف تقولون حسوده على إيش نحسد لكن الحمد الله ربي عطانا عقل نفكر و قلب نحس...