كيفكم يابنات حواء ان شاءالله يارب تكونون بصحة وعافيه وايامك حلوة
ندخل دغري على الموضوع اللي يتكلم طبعا عن الشعر تكثيفه وتطويله
وانا بصراحه احب اعتني بشعري وحابه افيدكم بالفصيييل الممل الممل عن الخلطات اللي استخدمتها وهي تقريبا ثلاث خلطات من الزيوت وايش سوت معي
واتمنى انكم تجربونها يمكن الاغلبيه منكم قد سمع عنها <<< مالكم بالطويله
الخلطة الأولى
هذي ياطويلات العمر كنت أشتكي لخالتي من شعري انو تساقط من الرضاعة وقالتلي على خلطة قالتلها لهم خبيرة تجمل والظاهر والله اعلم انا الوحيدة اللي طبقتها منهم هههه << خلطة الزيوت السبعه >>
عبارة عن : زيت عافيه /زيت خروع / زيت النارجين /زيت اللوز / زيت الحبة السودة /زيت السمسم /زيت زيتون
وعشبة سابلة وماسكة وساق الحمام ..<< جميع الزيوت والاعشاب عند العطار طبعا الاعشاب تكون مطحونة وخذيها من عندهم كميه قليله طبعا تكون الاعشاب مطحونة مع بعض
الطريقة:
ناخذ من هذي الزيوت مقدار فنجال الشاهي وكمان نفس الشي من الاعشاب ونحطها بقدر ونخليها تغلي مع بعض تقريبا غليتين بس ونطفي النار ونتركها لما تبرد وبعدين نحطها كلها في قارورة نظيفه طبعا راح يكون لها ريحة مش ولا بد ولون الخليط يكون اسود طبعا في البدايه لما تستخدميها بيطيح شوي من شعرك لاتخافين هذا التالف ياقلبو ويبدأ بعدين المعالجه تستخدمين الاسبوع الاول يوم ايه ويوم لا والاسبوع الثاني كل يومين وبعدين خلاص تستخدمينها مرتين بالاسبوع تدهنيها بشعرك لمدة ساعتين فقط وبعدين غسليه
>>>> هذي الخلطة والله العظيم كثرت شعري يعني في فترة قصيرة ينبت شعرك الي فقدتيه حتى اللي شعرها خفيف
انا طولت مع هذي الخلطة تقريبا سنتين وماشاء الله تبارك الله شعري مع الاستشوار كل الناس يقولون كانو باروكة لاحول ولا قوة الابالله العلي العظيم
الخلطة الثانيه
هذي الخلطة استخدمتها وانا حامل بالشهر السابع والله العظيم طوووووولت شعري مررررررة وهو شعري خلقته اصلا لين كتفي هذا حده بس استخدمت هذي الخلطة والله بس 4 شهووور يعني من الشهر السابع لين ماخلصت نفاسي طبعا اقاربي شافوا شعري وهم كمان ماصدقوا طوله اول مرة يشوفوا شعري بذا الطول ..>>> يعني هذي الخلطة تطول الشعررر اكثر شي اولا وتكثفه كمان
عبارة عن : زيت الخروع / زيت اللوز الحلو / زيت جوز الهند / زيت دوار الشمس / حبوب ملتي فيتامين
طبعا الزيوت من العطارة وحبوب ملتي فيتامين من الصيدليه علبتها بيضاء ولون الحبوب برتقالي وسعرها 10 ريال طبعا هي السر الاول في تطويل الشعر
الطريقة:
تاخذين من كل نوع من الزيوت مقدار 5 مل يعني تقريبا فنجال شاهي وتاخذين حبتين من الملتي فيتامين وتطحنينها زييين وتحطينهم كلهم بقارورة وترجينها حتى يختلطون زين مع مسحوق الحبوب وتستخدمينها عادي مثل الخلطة اللي قبلها
الخلطة الثالثة
اهاااا عاد هذي معروفه وانا الحين قاعدة استخدمها تقريبا لي 6 شهووور وانا استخدمها وهي تكثر الشعر وتطوله بعد قالتلي عنها صديقتي الله يرزقها يارب
<< خويتكم تحب تجرب كل شي وهذ آخر شي راح اجربه هههه خلاص اقتنعت بالنتايج المذهله ولله الحمد
عبارة عن : علبة زيت عافية الصغيرة / نص كاس حلبة مطحونة يفضل حلبة يمني ترى مو شرط / فنجال قهوة حبة سودة مطحونة ... طبعا الحبه السودة عشان ريحةالحلبة
الطريقه:
تحطينهم مع بعض بقارورة كبيرة واتركيها 10 ايام تتخمر وكل مرة تعالي ورجيها واتركيها بعدين استخدميها مثل بقيه الخلطات اللي فوق ... طبعا الريحه مقبوله ولما تغسلين شعرك بالشامبو مافيه ريحة ابدا
ملااااحظة
انا نوعية شعري جاف ومو مرة ناعم ومو مرة مجعد يعني نص ونص بالاستشوار يطلع حلووو ماشاء الله
الخلطات انا مجربتها شخصيا ولمدة طويله مو اسبوعين ولا شهرين
الخلطة الثا لثة شفتها على صديقتي لها سنتين مستخدمتها ولاحول ولاقوة الابالله العلي العظيم شعر غزير وهي نفس نوعية شعري
امشوا صح على المكاييل حتى تعطيكم نتيجه ملحوظة بالاخص الخلطة الثانيه والثالثة مهم مهم المقدار
الزيت بشعرك ساعتين على فكرة ان استخدمت الخلطة الاولى وكان يقعد بشعري اكثر من ساعتين للامانه فقط
خلطة الحلبة ترى ماخشنت شعري مع ان شعري مو ناعم ذاك الزود ولما استشوره احسه ناعم بزيادة
شي مهمم ومرررة مررررررررة حلو والله العظيم اسمه (( تونيك بجوز الهند )) ريحته حلوة واكيد تعرفونه علبته بلاستيك شفاف وغطاه ازرق وهو عبارة عن زيت خفيف مرة مو دهني طبعا يعتبر منشط لفروة الراس فيه منه بالفازلين والله يابنات عجييييييييييييييييب وترى من زمااان واهالينا يستخدمونه << الزين جنبنا واحنا مادرينا عنه >>
طريقته: لما تغسلين شعرك وتجففيه يكون رطب يعني مو مبلووول تاخذين شوي منه وتحطيه براحت يدك وتمسحيه على راسك وتسوين فيه مساج خفيف للفروة وبس خليه على شعرك انا كذا اسوي مااغسل شعري
قللوا من الاستشوار تراه يقصف الشعر << ماجبتي شي جديد
فيه شي اسمه عشبة الآس انتبهوا مر ريحان لااااا زي مايقولوا الناس ريحته تشبه الريحان بس مو هوشوفوا كيف استخدمه.؟.. آخذ كميه كثيرة واطحنها مرررة ناعمه بعدين آخذ 3 ملاعق كبيرة منها واغليها 5 كاسات مويه يعني تغلي ببراد مع خمس كاسات مويه وبس اطفيه واخليه يبرد واحطه في علبه يصير لونه كذا احمر على بني وريحته تصير زي الشاهي الاخضر المهم كل يوم قبل لاانام فنجال شهي اصبه على شعري واسوي مساج واخليه ينشف واروح انام واليوم الثاني برضوه ولاريحة ولااااشي هذي طريقتي مالي تقريبا الا 3 ايام
كل اللي اتمناه منكم دعوة حلوة من قلوبكم وتراه اول موضوع لي وحبيت افيدكم فيه
انا صاحبة الموضوع لا منقول ولاشي واللي تبي تنقله اتمنى تذكر اسم المصدر لاني تعبت والله وانا اكتب:44:
ويالله شدوا همتكم وخلونا نسوي الحمله وكل وحدة لها حرية اختيار اي خلطة من اللي كتبتها او من الخلطات اللي عندها وجابتله نتيجة ملحوظة اهم شي وشووو؟؟ المداومة ومانتكا سل حتى نحصل على شعر كثييير وطويل ان شاء الله :)
أختكم المحبة : && لمسة أناقة &&