اهلين حريمات او تبون افرحكم واقول بنوتات ههههههه
الصمت ماشاء الله عليك شرح بالتفصيل الممل
اليوم غسلت الملابس وباقي الرد الابيض حطيته مع كلوركس ينقع وبكره باطلعه
وشيكت على الثلاجه رميت اللي بينرمى والبقي نظيف
وغسلت الحمام تبعي
والصاله عندي الحمد لله كل يوم انظفها لانها هي غرفة المعيشه
أمي نوره
•
:icon35::icon35::icon35::icon35::icon35::icon35::icon35::icon35::icon35::icon35::icon35::icon35:
الصفحة الأخيرة
ياطويلة العمر الاعراس تبدأ من الساعة 10 ونص وتنتهي أذان الفجر وهذي صراحة عادة اكرهها ..
وأنا لي فترة عازلة نفسي عنها لأني بطلت الحمد لله اسمع الاغاني والاعراس تشوفي فيها العجب ..
من لبس عاريييي ومن منكرات وسمعت شيخ مرة يقول لازم تلبي الدعوة بس بشرط تغيري المنكر ..
فعشان كذا صارت روحاتي مررررة قليلة وحتى في ناس يعزموني يقولوا لي اسلامي ولما اروح اتفاجأ انه طرب
وما عاد نفرق بين الاثنين كله غناء في غناء ..
والاعراس مشهورين اللبس بالفساتين لدرجة ما عاد تعرفي تفرقي بين أهل العروسة من أهل العريس من المعازيم ...
كان زمان الي يروحوا الكوافير اهل العرس فقط الحين الكل ماشاء الله ...
أنا مو ضد الوحدة تتزين وتتزبط وتتجمل بس مو كل فرح فستان جديد وتفصيله شكل وكوافير ....
أكمل لك ..
طبعا اغلبية الزواجات في قصور أفراح وفي ناس يسوها في استراحات ..وتكون مجهزة بطاولات وكراسي وفي الطاولات دلات القهوة والشاي وصحون التقديم والصحون يجيبوها أهل العرس يكونوا حاجزينها بفترة والي فيها من حلاويات ومعجنات حسب طلبهم ...
والطقاقة صارت تجي متأخرة مو زي أول كانت بالكثير اذا تأخرت الساعة 11
دحين صاروا يحضروا تقريبا 12 ونص أو 1 وفي ناس 1 ونص يعني ما باقي غير ساعتين وينتهي العرس
تصوري قيمة الطقاقة يبدأ من 4 الألاف فما فوق ...أما الطرب يبدأ من 7 الالاف وانتي طالعة ...
والعشا في بعضهم يسوي رز ولحم مع السلطات والفاكهة وسمبوسة وبلح الشام اذا حبوا يضيفوا ..
وفي ناس يسوي ميز الي هو بوفية كامل ...
كل واحد حسب مقدرته ورغبته ...
ويتخلل العرس توزيعات ورقصات واذا حبوا اهل العرس يتميزوا ويسووا عرضات ...
ولما تجي وقت الزفة وهنا اللحظة الحاسمة ...
يلبسوا العبايات وينتظروا طلة العروسة مع عريسها ومن أول ما يخرجوا تبدأ التعليقات مكياجها فستانها
تسريحتها لونها ولون عريسها ولايقين على بعض او لا يعني يجلسوا يفصفصوا الحرمة فصفصه
اذا ضحكت قالوا يالطيف ماهي مصدقة ويش فيها ما تستحي ولا تخجل ..
واذا عبست قالوا يا الله مسكينة اكيد هامة طيب على الاقل تبتسم يا الله ...
ومن ها الكلام الي لا يودي ولا يجيب ...
وفي بعض عرايس ينزفوا لوحدهم وهذا احسن حاجة ...صح بيجلسوا يقطعوا فيها بس غير لما تكون مقارنة بعريسها ..
وللحديث بقية بإذن الله
وينتقل المايك لك أو الى أي وحدة من البنات لو حابة تضيف اشي :)