هاله 2 :

يا غروبه انتي ما عرفتي قصد دبدوبه عن الاكلات هي بتقول انه هده اكلات اهل زمان هي الطيبه واظن انها ما بتقصد انها من زمان ما اكلتها خاصة انه امها فلسطينيه واكيد بتعرف هيك اكلات كتير منيح . بالنسبه للمقلوبه هي اكله فلسطينيه قديمه وكانو جداتنا يختبرو فيها البنت ازا بتعرف تطبخ او لا علشان يتقدمو لاهلها يخطبوها .وهي سهله وصعبه في نفس الوقت رح اقول لك عليها . ممكن تعمل بالدجاج او باللحمه الضاني مع العظم طبعا لكن انا شخصيا بحبها بالدجاج وانتي كيفك .اول شي بنسلق الدجاج او اللحمه مع قليل من الحمص المنقوع وبصله وبهار وملح وقرفه وفلفل اسود . وفي اثناء سلق الدجاج بتكوني قليتي باذنجان مقشر ومقطع حلقات عريضه شويه وكمان تقلي بطاطا حلقات وممكن ازا بتحبي معها زهره كمان تقلى ولكن انا بفضلها بدون زهره وبعدين تقلي كمية بصل مقطعه شرائح رفيعه واتكوني نقعتي ارز مصري وقليل من الارز المزه مدة ربع ساعه(وممكن استعمال الارز المصري لوحده ولكن انا بخلط علشان يكون منظرها مش ملبد عندما تقلب )وتفرمي فصين ثوم ناعم . هده التجهيزات جهزناها نيجي للتطبيق . اولا نحضر القدر كبير شويه لانه كل الكميه رح اتكون فيه واذا عندك تيفال بيكون احسن ونضع في كعب القدر شرائح عريضه من الطماطم ثم طبقة الباذنجان وبعدها البطاطا ثم البصل المحمرثم الثوم الناعم وبعدهم الدجاج والحمص المسلوق وبعدها الارز وكمية بهار الي اتفضليه لانه الي حطيناه على الدجاج كميه بسيطه انا بحط ملح لكل كاس ارز ملعقة ملح غير مملوءه وكمان قرفه وهيل وفلفل اسود ويعيني لو كان عندك جوزة الطيب اتحطي كميه بسيطه وشوية كركم ونهز القدر جيدا ونصفي مرق الدجاج عليها وتوضع على نار عاليه لحد ما تخف الميه مش تنحرق وبعدين نهديء النار حتى تنضج وكمان بعد ما تستوي اتركيها شوية على القليله نصف ساعة او اكتر تبرد شويه وبعدين تقلب في طبق التقديم ودوقي احلى مقلوبه (ويا ويلك يا غرويه بعد هدا الشرح الممل ما تعمليها صح )

يا غروبه انتي ما عرفتي قصد دبدوبه عن الاكلات هي بتقول انه هده اكلات اهل زمان هي الطيبه واظن انها...