لسلامي========لي======لجميع

ياقلبي انا اعاني بعد من عدم التنظيم زوجي وولدي ماخذين وقتي راح اتبع هذي الجدول واشوف

هلا وغلا بدبدوبتي

بالعكس خيتي انا اهتم وايد بالنظافة

لازم امسح الغبار يوميا

اكنس طبعا يوميا

يوميا اغسل الحمام

لكن اذا تبين الصج يا خيتي

ابي شي يريحني

تعبت من مكاني

حتى لو نظفته ما تبان فيه النظافة

راح اصور لج المكان ان شاء الله و احط لج الصور الاسبوع الياي

واحكمي بنفسج

واله اني ما افكر ببيت كبير

كل اللي ابيه مكان نظيف ومرتب وتكون لي فيه خصوصية

ادعي لي

بالنسبة لسؤالج

ايه نطبخ وننام وننشر الغسيل وكل شي نسويه بهذي الغرفة

ما عدا الحمام ( هذا اللي ناقص ) خخخخخخ

اااااه على الروايح الحلوة

ذكرتيني بايام قبل كل من يدخل غرفتي ببيت ابوي يقول لي يااااااااسلام

الحين محد يدخل علي

ولا احط روايح بعد

لان ولدي حبيب قلبي عنده ربو

لكن احيانا استخدم لملابسي انا وريلي كومفورت

المهم خبريني شنو المنظفات اللي تثقين فيها وتعجبج؟؟

ايه ذكرت شي بقولج عنه

قبل جم يوم رحنا السعودية

شريت من هناك شي واحد بس

تخيلي مشوار علشان 15 ريال خخخخخخخ

شريت معطر اسمه

الحجر الاسود من بانافع للعود

ورشيته على جدران الحمام وصارت ريحة الحمام رووووووووعة

من امس لين الحين الريحة حلوة

اتمنى اذا عندج حركات جذي ورخيصة تخبريني عنها

ويالله يا خيتي الحين استأذنج عفسني ولدي الله يهديه

في امان الله

سارة لونا

منورة حبيبتي اعذريني اضطريت اطلع قبل ما ارد عليج

والحين توني ارد

الله يكون بعونج

هلا وغلا فيك يامجهوله والله يااختي انا احترت في امرك وسامحيني اذا قلتلك انى تخيلت اصعب الظروف اللي تمر على الحرمه منا وعجزت الاقي اكبر منك تضحيه اشلون قادره تعيشين بهالشكل والله والله لا انا ابي احطمك ولا ابي اتدخل بامورك الشخصيه سامحيني بس مو قادره افهم ليش ظاغطه نفسك هالشكل يعني ظروف زوجك صعبه لهالدرجه<<< اذا اسأ لتي فيها لقافه لا تردين وماراح ازعل
المهم شوفي ياقمر يعني انا عارفه انك نظيفه طبعا كونك تدورين حل هاذا اكبر دليل على نظافتك وكون المحل مأزمك هاذا دليل تنظيمك وترتيبك وله كان مافرقت معاك بشي
طيب شوفي ماتقدرين تلوين على الاقل هالغرفتين بلون جديد مشرق يغير نفسيتك على البيت لو صعبه الدهان في دهان ورق سهل مرره انك تلصقينه بس لازم زوجك يوافق ويساعدك بهالشي
او مثلا اشتري صور علقيها على الجدران او ارفف تحطين فيها حركات كذا علشان تغيرين ترتيب الغرفه وكذا
انا ماادري ميزانيتك كيف ترى الورق مرررررررره مو غالي واذا مره مره ضاقت فيك جيبي انتى علبه الدهان والطشي يمين ويسار ياخيتي العمال ماهم ازين منا بشي بس هاا انتبهي لريحه الدهان على ولدك
ارجع واقولك انا مااعرف وشي ظرووفك في حلول كثيره اختاري اللي يناسبك وسويه
شوفي ياقمر بالنسبه للمنظفات اكذب عليك لو اقولك انها رخيصه انا اشتري منظفات بالهبل ادعك فيها حمامي بس اذا تبين في ريحه نافتلين عند ابو ريالين انا احطها بحمامي ترى تطلع ريحه نظافه وريحه حلوه وعلقيلك وحده عد بالغرفه تطرد الحشرات وتنظف الهواء وبالتوفيق ياقمر اي مساعده اي سؤال مايردك غير اصباعك طقطقي معاي للصبح ماعندي شي وحاضرين للغالين