صباح الخير يا حلوين
كيفكم واش اخباركم
....................
هاله هذي الليفه مره احبها ما اقدر استغنى عنها ابد وهي تنباع محلات العطاره
......................
دبدوبه بشري كيف الحال
........................
يللا هذا يومي صحيت متأخره الساعه 11 ونص مو العاده بس يمكن التعب المهم هذا الله يسلمكم اليوم يوم الغسيل العالمي عندي يوم السبت يعني كل شي الابيض والملون والمناشف وحتى لو في ستاير حتتغسل يكون اليوم ومناشف المطبخ كل شي لانو انا ما اغسل الا يوم واحد بالاسبوع وهو السبت وكل شغلي مويا في مويا حتى غسيل الحمامات وانتو بالكرامه واطبخ وتنظيف البيت العادي مسح كنس وبس
يعني انا مشغله الغسالتين ومولعه الفحم عشان ابخر تصير ريحت الملابس وهي رطبه خيال
نسيت ما اقولكم اني فطرت بناتي وغيرتلهم ودحين بروح اصلي الظهر وبعون الله لي رجعه

صباح الخير والنور والسرور عليكم ياحلويين كيفكم :26:

مشكوريييييييين كلكم ياخواتي على سؤالكم والله دعيت لكم كلكم هبة انا رحت مع زوجي وبناتي الثنتين وابني الصغير يعني الاسره كلها انا افتكرت انها عشرة ايام بس طلعت اسبوع واحد بس الحمدلله والجو في مكة حاااار انا اخذت معايا ثياب صيفي وشتوي اما في المدينة الجو حلو مش حر

لما رجعت البيت بالسلامه كان الجو مغبر عندنا والبيت من الداخل كله غبااار كل حاجة عليها طبقه من الغبار وانا من امس وانا بنظف وامسح واكنس ولسه ما خلصت وتسلمون

{{{{

اقووووولكم انا مره معصبه لاني مااشوف ردودكم الا اذا كتبت رد علشان كذاا حتشوفون هاذي كثير <<<
المهم
غسيلي بالغساله موكثير لاني غسلت الخميس غيارات الجمعه بس وجالسه اطبخ مكرونه باللحمه المفرومه لبناتي لاخلصت منها اصورها لكم << انتى حلي مشكلتك الاول خخخخخخخ
كلي لك
غريبه ليش تغسلين مره وحده ؟ تعب عليك انا يوم كنت عروسه وكمان عندي بنت وبنتين كنت اغسل ممرتين بالاسبوع واكوي مرتين بس الحين مع الصغيرونه الله يحفظها كثر الغسيل وطبعاا بيكثر الكوي صرت اغسل يوم ورى يوم واكوى يوم ورى يوم الجمعه بس راحه لاغسيل ولا كوي
اريحلك مايتجمع عليكي الغسيل تتعبين وياخذ وقت ويربطكي بالبيت اذا عندك خرجه ولا روحه من هنا وله هناك
الستاير انا مااغسلها كل اسبوع ؟ ماشاء الله عليك انا كل شهرين ثلاثه زي كذاا بصراحه شغلتها شغله نزلي وعلقي ولا تسالين عن المساعده الهسبند على قوله ليمو انسي انسي << هين اقدامك ولا تهين لسانك < هاذا مثل ماما الله يحفظها
وسلالالالالالالامتكم بطس اخلص غداي وشغلي اللي تعرف حل لمشكلتي تعلمني << اهئ اهئ ائهئ

مساء الخير ياحلوين . كيفكم ايش اخباركم . طبعا صحيت اليوم على الساعه 11 طبعا غير صحوة الفجر . وركبت على الغداء ونظفت الصاله وغرفة البنات بسرعه بسرعه . واجو اولادي واتغدينا وريحت شويه وساتابع كمان شويه في عندي تطبيق غسيل وشوية كوي الله يعين . وطبعا غير فريان حقون الامتحانات الله يهديهم .
والله كتير قلقانه على دبدوبه ايش الي حاصل الها . وطبعا رسالتك الخاصه وصلت ورديت عليها يادبدوبه ويارب تلاقي لك حل او تشوفي المشرفه او اي شيء بس يروح هالاشكال .
هبة يا عسوله منوره ويعطيكي الف عافيه .وام هديل ما شاء الله عليكي واحنا بنستمد العون من الله ثم من الناس الطيبين الي مثلك .
الوفا مين قال نسيناكي ينساكي الموت ان شاء الله .بس احيانا بنكون مستعجلين فبنكتب يومياتنا وبنطلع نكمل ولازم ولا وحده تحسب انه احنا ناسيينها لانه احنا يد وحده ان شاء الله .
كلي لك يعطيكي العافيه بحس انه في يوم واحد تغسلي كتير تعب وبيتكوم كتير غسيل احسن تغسلي كل يومين او تلاته انا بس بقترح وانتي ادرى طبعا .
غروبه يا عسل يا هلا فيكي وطبعا غايبه عن البيت كذا يوم اكيد حتكون الدنيا كلها غبره الله يساعدك .يا بنات عندي مشكله بدي اقول لكم عليها . عندي في الحمام الله يكرمكم قاعده جالسه عليها الغساله هده تنباع عند حقون اجهزة الكهرباء يمكن عرفتوها المهم هالحين صارت مصديه وابغى اغيرها والارض صار فيها شوية صدا مين عندها طريقه مجرباها شخصيا لازالة الصدا ...
وكمان مين عندها قاعده الها مده طويله ما صدت ومن فين شاريتها . اتمنى الي تعرف منكم تفيدني الله يخليكم .واكون شاكره لها .
يا بنات وين الباقيين ان شاء الله يكونو بخير ويرجعو معنا .

ويعطيكم العافيه جميعا .