فديييت الحلوات
هلا هلا بدبيتي الغالية .. تو ما نور المكان قصدي المنتدى
شفتي شلون رحومة نشيطة ومبدعة مو مثلي بس هياتة من مكان لمكان
<< تبي تقول لكم انها طلعت اليوم
ايه وجااااااااااااااب لي الغالي هدية قصدي وداني وشراالي
شي فرحت فييييييه
تدرين يا دبه شنو؟؟
براون ملتي كويك اللي قلت لج عنها
احس الدنيا مو سايعتني من الفرح
لا وبعد شرا لي عطر من اجمل والحمدلله ريحته حلوة لاني ما احب ريحة عطور اجمل بس طلع حلو
ودي بس انطط وتصدقون الحين اكتب لكم واهي قبالي بس اناظر فيها من الفرح
من اول ما طلعت وانا اقول له ابيها فديته والله
عسى ربي يهديه ويحنن قلبه علي ويجعله قرة عيني ويجعلني قرة عيني
الحمدلله يا ربي
عوض صبري خير
ايه نسيت ما قلت لكم شنو سويت اليوم
<<<<<<<< تغار من دبوه
غسلت ثلاجتي ورتبتها مع انها نظيفة لان محد يفتحها غيري انا وريلي
وغسلت ملابس ومسحت الغبار وغسلت الحمام وووو مو جاي على بالي من الفرحة خخخخ
الله يسعدكم يا بنات حواء ويرزق كل محرومة من الذرية ذرية صالحة ومعافاة يااااارب
فديييت الحلوات
هلا هلا بدبيتي الغالية .. تو ما نور المكان قصدي المنتدى
شفتي شلون رحومة...
لا تفكرين ابد خليها على الله
والله يا خيتي اني كنت ابي هذي البراون من اول مرة شفت لها اعلان يعني قبل جم سنة
وسبحان الله الله قدر وشاء لي اني امتلكها بهاليوم
وانا ما كنت متوقعة ابد
وترى كلنا نتشابه بالظروف
بس ربي فرجها على انسان يكون محتاج اكثر مننا ويختبر صبرنا وايماننا
بقول لج شي من واقع تجربتي
زوجي راتبه 200 دينار يستلمه ويخلص بيومين
ونظل طول الشهر نتمنى ونتشهى لكن هالمرة شركة الاتصالات مسوية عرض
امسح واربح اما نربح رصيد او تلفون سامسونج من النوع الرخيص
زوجي استلف من واحد صديقه 500 دينار وشرا فيها كلها ارقام وطلع له منها ربح رد ال 500 لصديقه
وثاني يوم اشترى بالربح ارقام وتوالت الايام وصار المبلغ اللي عنده 300 دينار تخيلي؟؟
وشرا لي البراون ب 46 دينار والعطر هم مجموعة ب 12 دينار
المهم انه لا زال يبيع ويشتري فيهم
وهالعرض مو من زمان توه يعني باول ما عرفتكم بهالموضوع شفتي شلون الله ينزل الارزاق من حيث لا نحتسب
الحمدلله
ادعي لزوجي ربي يوفقه وييسر عليه وادعي لزوجج ان ربي يرزقه و ييسر عليه
ويحميهم من عيون الحساد ويبعد عنهم الاشرار
الله يفرجها عليكم ويرزقكم الخير الحلال في القريب العاجل يااااااارب