السلام عليكم ورحمة الله وبركاته
بدون مقدمات لأني أحس إني مترددة وأبيكم تشاركوني بالقرار إلي أخذته..
بصراحة دولاب ملابسي كارثة مصيبة إلا توسونامي وإلا أقولكم الصدق تقل خلاقين أم الخلاقين >> :06:
وما عندي إلا كم تيور يمكن 4 بس تواجه وكشخة وغالية بعد :32:
(( على فكره ما كان لي طلعات لأني كنت بمنطقه لحالي بعيده عن الأهل والجماعة بس الحين سكنت بينهم ولازم اجتمع معهم وصرت أحتار لاجيت أروح وش ألبس بسبب الخلاقين الآنفة الذكر))
مب هنا المشكلة ولا هو القرار إلي أبيكم تساعدوني فيه
القرار يا بنات وتكفون ساعدوني فيه
قرررت إني أشيل كل ملابسي وأتصدق فيها للجمعيات الخيرية مع إني شاكه إنهم بيقبلونها لأنها تفشششل ؟؟؟؟
بس فيه ناس مساكين يفرحون بأي شيء
وأكييد تتسألون ليش دولابي كذا!!
لأني الله يسلمكم أي شيء يعجبني أشتريه حتى لو ما كان عندي مناسبة أو كنت محتاجته !!
وأحياناً تنوره بدون بلوزه أو العكس..
وأحيانا تيور بس بدون كماليات ( أقصد جزمه أو شنطه أو إكسسوار) وما أقدر ألبسه ويروح موديله..
أو جزمه خربت من كثر ما هي قاعده بالدولاب أو شنطة وهكذا دواليك...
وأبشركم لي سنه تاركه هالعادة القبيحة لأني حاولت أغير من نفسي بأشياء كثير وبالفعل قدرت الحمدالله ..
وإليكم قراري
قررت إني زي ماقلتلكم أطلع كل أغراضي إلي بالدولاب لأقرب جمعية خيرية..
واشتري شنطة وحده ماركة أصليه ويكون لونها مناسب للطلعات واترك الخنبقة والتجميع بالشنط تقل مسابقة جينس للأرقام القياسية >> هع هع
أدري إن زوجي بيزعل لأن أغلب الأغراض هو مساهم فيها بس من جد يابنات دوالابي مليان على غير عز وإذا طلبت منه إني اشتري قال الدولاب مليان ..:16:
تأيدوني يابنات بهالقرار وإلا لكم وجهة نظر أنا ما فكرت فيها وإلي حالتها مثل حالتي تجي نشد على بعض ونتساعد ونسوي حملة بعنوان (( دولابي لااااااا للخلاقين )):hahaha:
أنتظركم خواتي أنتم بس قولوا إيه >> مجهزه الأكياس السوداء خخخخخخ :35:
أستاذه قلق @astathh_klk
محررة
يلزم عليك تسجيل الدخول أولًا لكتابة تعليق.
الله يقويك بقرارك
حتى بتلاحظين انو اذا غيرتي هالخلاقين بشي حلو ومرتب راح تتغير نفسيتك و تصيرين تحبي تطلعي وتجتمعي مع الناس
حتى بتلاحظين انو اذا غيرتي هالخلاقين بشي حلو ومرتب راح تتغير نفسيتك و تصيرين تحبي تطلعي وتجتمعي مع الناس
الصفحة الأخيرة
وهذا غير التيورات اللي يحتاج لها رمي بالزبالة