مشكوره الله يعطيك العافيه شجعتيني على الحكومي لاني ماحب الزحمه ولا الانتظار
بسألك تعرفين ام عبدالعزيز العطوي كانت زميلتي ؟؟

ماشاء الله عليك
طيب الموديلات من وين تقتبسينها ؟
انا هالايام اروح لاهلي بجلابيات وشايله هم الناس الثانين مدري وش اشتري ووش اللبس؟

انا ماحب ادخل السوق احس اني اأثم كله معاصي وفتن ولاتقدرين تنصحين تحسين انك مشتركه في المعصيه المهم انا احب اول الشتاء اشتري لهم كم طقم وبجايم وافصل لهم ثياب شتويه وتكرمون جزم وشرابات وبعدها خلاص

ماتحسين ان 500 ريال كثيره للواحد؟

من ناحية الملابس اشتري لي ولبنتي ماركات بس احيانا القى موديلات حلوة تكون من محل عادي فاخذه
واغلى قطعه لي بالشيء الفلاني بس اخليها للعيد < خفت منكم تجلطوني> وبرضوا العام شريت لبنتي للعيد فستان وكان غالي مره شافته وحده وسالت عن سعره قلت لها غالي قالت يعني بكم ب300 ميه انا هنا ارتفع الظغط والسكر والقولون انفقع اقول لها غالي تقول ب300 الجزمه كانت 299
وقلت ماني شاريه غالي ماعندي احد يدري وين الله حاطهم فيه بس رجعت وشريت لها ماعندي الا هي الله يخليها لي يخليكم عيالكم

وبالنسبه لبسي اللي مليت منه اعطيه احد من اخواتي او بنات خالتي يلبسونه بس لبس بنتي لبس البيت والبجايم اعطيه احد محتاج بس لبسها الزين ارفعه في الدالوب لان ماعندي احد في سنها من خالاتي كلهم اولاد وبالنسبه للجزم اول مااشتريها واحيانا قبل لاالبسها القاها متصادره من اخواتي العزيزات بس مايغلى عليهم شيء
وانا مهبوله في الصرف قبل لاادخل معكم بس ان شاء الله اني اعقل وبالنسبه للي تقول وش احسن اني اشتري للمناسبه او للموسم يعني مره لشتاء ومره لصيف انا من ناحيتي ماتصلح لي هالطريقه لان احيانا اتفاجاة بعزيمه كبيره بدون احم ولادستور فانا اذا احتجت رحت لسوق وعارفه انها هي اللي مضيعه ماوراي ودوني بس مااحب اكرر اللبس
وان شاء الله اغير هالعاده

بالنسبه للبس اشتري قبل العيد ملابس تكفيني لعيد الحج وإن زدت لبسه وحده
يعني قبل رمضان شريت لبس العيد وركزت على الربيعي أكثر من الصيفي لأن الشتا قرب واستفيد منها لعيد الأضحى
والأولاد قبل ما اشتريلهم أفتح الدولاب واشوف وش ناقصهم وأسجله في ورقه يعني لو عندهم بنطلون بني ولازال جديد ولبسوه في عيد الفطر اروح اشتريله قميص يكون لونه غير الموجود عشان يبان إن الطقم جديد والبنطلون ما أحد ينتبهله ولو كان الجو بارد ادخل عليه جكت أو سديري بلون مخالف وبكذا أنا جددت مهو أحسن من إني اشتري طقم كامل جديد والجزمة الجديده حقت العيد احافظ عليها ما يلبسها إلا في المناسبات وبكذا تكون جديدة يلبسها في العيد
يعني المفروض الوحده ماتنزل السوق إلا وهي عارفه وش تشتري وكاتبه النواقص في ورقه لأن أغلبنا إذا راحت السوق فتحت فمها وقامت تضف من الأغراض واحيان يكون اللون مكرر ما تنتبه تفقد الذاكره وأنا كنت أول وحده ويوم استخدمت هذه الطريقه ارتحت
وبالنسبه للمناسبات ما اشتري بعد العيد إلا إذا فيه مناسبه أروح قبلها بيوم أو يومين واشتري وخاصة لبس الأولاد لأني مره اشتريت كم لبسه وجلست لدرجة إني نسيتها ويوم شفتها انقهرت لأن الولد كبر عليها واكتشفت إني مبذره طبعاً أنا مكتشفه نفسي قبل الحمله واستخدمت هذا النظام ونفع معي وجات الحمله وغيرت ما تبقى من تبذير الله لايحرمنا من ارائكم :26:

ياربي ترزقنا وياكم البركة في الرزق فعلا تجاربكم رائعه واستفيد منها جعلها الله حملة خير ووفق الله كل من اسدة لنا نصائحها

اختي قمرا سألتيني بواقي الاطعمه كلها احطها مع بعض حتى السلطه والايدام واذا معاهم خبز اصب عليه شوية شاهي ويحطهم زوجي بكيسهم ياكلون منه القطاوة والعصافير وبس يشيل اخونا البلدي الكيسه الصباح
ومفكرة اشتري فرشه بلاستيك الي يشترونها الناس اذا بغوا يطلعوا للبحر عشان مايلصق فيها الرمل واحطها بالارض الفاضيه الي جنب بيتنا وبكذا اكون انا والجيران شاركنا في بواقي الاطعمه ولاتخافون والله بسرعه تخلص ولاتسبب روايح الظهر تطهرها الشمس لاني شفتها في ارض بحي المنار وجزا الله من عملها
اتمنى تستفيدون من فكرتي ففي كل كبد رطبه اجر وبنفس الوقت يعتبر من شكر النعمه
فوالله احزن اذا شفت ناس رامين باقي اكلهم بالزباله تراااااااااااااااااكم محاسبين عليهم يااخواتي
والي تعرف احد عندهم حيوانات تجمعهم بالفريزر وتعطيهم اياها



ننتظر باقي تجاربكم

عجبتني افكاركم


بس لو تنضبط العالم كلها


انا لازم اتسوق واروح المطعم وافرفر

مدري شبسووي لاجاء النونو