مكاااوية

افكااارك روعة خصوصا اللبنة ... والله انك كنز ماشاء الله عليك

اهلا غادة ايوة والله تكفى اتاكدي لنا بالله

صح فكرتك وعجبتني الواحد لازم ماياخذ كل المحفظة معاه افضل طريقة ومشكورة حبيبتي

مشكورة سندريلا ولاتنسي تجربيها ترى ماراح تشتري من السوبر ماركت ابد

مساء الورد للسهرانين وصباح الورد للمنعنشييين
اخبااركم يا احلا وارق مخلوقات الارض

وحشتوووووني موووت

والف والف مبرووك على التثبيت والله انكم ترفعون الراس

وشكرا لكل من سئل عني وجعلكم ما تفقدون غالي

انا ترى ما اخش كل يوم يعني على حسب المزااج ولفضاوه احينا اكون مشغوله واحينا مطنقرة ههههههههههههه طبعا على ابو الشباب

والله ثم والله اني مبسوووطه من تجباركم وحسيت اني مو برووحي شايله الهم اثاري كل العالم مثلي فيه ناس تكافح وتعبانه

لكن ولا يهمكم مع الاصرار والعزيمه راح نوصل للي نبيه

اهم شي يا بنات اننا ما ناجل الفواتير ونسدد كل شي اول باول

ونحسب حساب المفاجات مثل الضيوف والاعراس هذي هي الي تحوس ام السالفه

وشوي شوي راح نعرف الصادر والوارد وبعدها نستمتع بباقي الراتب نرفه عن انفسنا انا بصرااحه احب الحياة احب المقاهي احب المطاعم يعني مرة بالشهر ما راح تضر بس مو واحنا لسه ما رتبنا امورنا

بالنسبه للخياط انا جربت وفصلت لي فستان والله يا بنات الكل انهبل عليه وكل صديقاتي صافات دور يبون ينسخونه من حلاته طلع مرتب وساتر وبملغ مقدور عليه ولو انه بالسوق كان ما قدرت اشتريه بيطلع غالي

كلفني القماش مع الخياط 650 ريال وطلع رووعه يكفي انه طلع مقاسي وساتر ولونه مناسب لي

وبعدها خلاص قررت اشتري اقمشه وافصل

ومليون بالميه بيطلع ارخص من السوق واحلى بس اهم شي دوري لك خياط يضبط القص وكل شي بيطلع تمام

اما بالنسبه للصابون والاجبان انا وضعي ما يسمح لان عندي شغاله اكووله تاكل الاخضر واليابس فليه ارووح ادلعها واسوي لها خلطات اجباان بعد ههههههههههههه

اشتري الاجبان الكاسات واحطهم بالمخزن وكل اسبوع اطلع علبه كذ عذبتها واعرف كم نصرف من علب الاجبان اما الكيري والاجبان الي تنحط بالثلاجه الله لا يراويكم ما تجلس اسبووع عاد قررت المرة الجاايه ما اجيب شي للثلاجه كل شي باجيبه يتخزن بدون ثلاجه اصرف لي

اما موقف شغالتي من تقفيل المخزن والله يا بنات انها بتنفجر من القهر مرة فتحت المخزن ورحت للمسشتفى عندي موعد وقلت لها سوي الغداء ويوم رجعت حصلتها مسويه الدجاج وما كبت الرز قلت لها ليه ما كبيتي الرز قالت الرز بالمخزن وانا ما ارووح للمخزن

قلت لها بس انا فاتحه المخزن وقلت لك سوي الغداء وش معناها ترى انا ما احب ذا الحراكت القرعه هي عصبت وراحت يعني زعلانه اني اقفل المخزن شفتوا اللعينه

بس والله ارتحت كثير في الصرف بعد ما صرت اقفل على الاغراض

اقل شي صرت اعرف المده متى طلعت لها الاغراض ومتى ابي احط لها وهي صارت تخاف تخلص شي عشان ما اسئلها ليه خلص بسرعه

ومثل ما قلت لكم المرة الجااايه باشتري كل شي جمله وبرااقب الوضع لان الشهر هذ ما رتبنا الوضع لسه قيد الدراسه خخخخخخخخخخ

بس باقول لكم شي عن التوفير

مرة يا بنات من زمااان يوم كنت مدري وين مسدح راسي كنت معزومه عند نااس هومير شبعاانين لدرجة التخمه

تدرون وش حطو لنا على العشاء مع انهم عازمين نااس كباريه ووجهاء البلد حاطين خرووف للرجال وطابخينه عند ارخص طباخ

وحاطين جياكات لبن وجياكت عصير

وبعد ما خلصوا الرجال قلطونا يا الحريم على الباقي

وطبعا لان الطبخ ماشي حاله ما احد كلا منه كثير

تدرون وش سوت راعية البيت اي والله يا بنات جابت اكياس اللحم وقامت تعبي بالالكياس وترص

عاد انا استغربت الوضع سئلت وحده تعرفهم عن قريب قالت يحطونه بالفريزر وكل يوم يسخنون قد حاجتهم وياكلونه

شفتوا التدبير من منكم تقدر تسوي كذ مع انهم يقدرون يشترون نص المملكه خخخخخخخخخخخخخ

لو احنا كان وش سوينا يا ترى لو انا يمكن اتغدي بباريس واتعشي بلندن ههههههههههههه <== عشان كذ ربي فقرك

استغفر الله واتوب اليه

تجارب وقصص روعه
باالنسبه للخدم الله بس يعننا عليهم فسقوا الله يهديهم لمن جوا عندنا
لذا لازم نراقبهم اول بأاول
تجربتي اليوم الاولى

لايمكن ارمي بقايا اللحم او الدجاج انتفها واحطها بالفريزر واذا بغيت اروح للناس اطلعها واحمسها مع بصل وكزبرة واحشيها بالتورتيلا تطلع جنان

تجربتي الثانيه

اذا الساندوش له يومين بالثلاجه وابو الشباب جاب لنا ساندوش طازج اطلع الي بالثلاجه واقطعه حلقات واحطه بصينيه ينشف ويصير احلى بقسماط


ننتظر تجاربكم الروعه بروعة روحكم الطيبه