اهلين بنات كيفكم ودي انضم معكم لحملتكم لانها جدا رائعه

وانا بعد نفسي ارتب حياتي الماديه وارفع شي للزمن

المهم يابنات انا افكر ابيع ذهبي راح يجيبلي تقريبا حدود 10 الاف واشتري ماكينة كوفي واحطها في معهد قريب من بيتي

بس ابسالكم وش رايكم في الفكره وكم تكلف وكيف انفذها يعني من وين اشتري الماكينه

ساااااعدوني يا حلوااااات

8
8

والله ماعندي فكره عن هاللماكينه تمنيت افيدك

اماني الحلوه :mad: ابفهم ليه التشاؤم يعني انا قد قلت اني موظفه بارامكو مثل ما قالت وحده من الخوات ههههههههه والا وزيره تراني مثلكم ربة بيت والا الوظايف موجوده عند خشمي بس ما ابي احد يامرني بشي والا التزم بشي وبيني وبينك الوظيفه تقيد الحرمه ما تخليها تطلع وتدخل وتسافر توظفت فتره وطقت براسي سفره قالي زوجي اشلون وانتي موظفه رحت للمدرسه قلت يالله انا بكره مسافره وناقله من الديره كلها وطلعت وصلى الله وسلم وريحت دماغي

بعدين انا ما قلت لك اجمعي مليون اذا جمعتي 5 الاف ممتاز جدا خلينا نقول اقل شي نحاول نوفر 5000 الاف ريال على اقل تقدير خلال الــ 6 شهور وصدقيني راح اخليها لك مبلغ حلوو يعجبك باذن الله تعالى بس انتي وفري وثقي فيني عندي خطه حلوه راح اقولها بعد 6 شهور والكل فيها راح يستفيد وخصوصا العاطلات راح ينبسطو كثير وحتكون سبب باذن الله تعالى لدخل اضافي لاصحاب الدخل المحدود مرررره لكن الوعد بعد 6 شهور من الان باذن الله

صدقيني اماني الحلوه قرايبي موظفات وراوتبهم حلوه وانا لا موظفه ولا شي بس في نهاية الشهر الكل يرجع نيراز نبي سلف رغم اني لا موظفه ولا شي بس احب استثمر اي مبلغ في يدي وراح نتساعد مثل ما تساعدنا في هالحمله باذن اللي ما تنام عينه راح نكون راضين تماما عن حملتنا



والله ما ودي اقلب المواجع بس قصصكم اللي تثرو فيها الموضوع تكون اكبر دليل على كلامي واللي البعض يقولي انتي قاسيه وتبين تخربين بين العالم رغم اني ابي الخير للبنات ولا ابي وحده فيهم تكون مغفله وينضحك عليها بسهوله وبعد يضيع العمر ما ينفع الندم الله يطرح فيك وفي عيالك الخير والبركه يارب وعلى قولتك مصير اللي خسرتيه يرجع لعيالك الله يبغلك برهم يارب



طيب حلوو التوفير اكلم على اهلي بالسعوديه الكل يقولو فصلنا جوالتنا من الاتصالات شكل الشركه لعبت في العالم لعب الله يعين



الله يسلم قلبك يالغاليه انتي طمنيني عنك ان شاء الله بخير

وبعدين تعالي مين اللي زعل :mad:علميني وانا اوريك فيها بجلس على راسها قرقره الين تصدع وقتلها لا بندول ولا شي بينفعها ههههههههههههه

كل البنات خير وبركه في القسم ماشاء الله بس انا احب الهذره شوي الله يعينكم علي

بالنسبه للجامعه الله والله فقدتها هالترم وحشتني وحشوني البنات فيها والدكاتره عن جد وحشتوني

بس كيف وضع الجامعه صحيح مررره مدمره ووصخه بعد اللي حصل ؟؟؟ او قسم البنات ما جله ضرر كثير ؟؟

صح الجوو بيكون خيااال مرررررررررره وانبسطي هنااك واستانسي

المجمعات هناااك فيه كم مجمع حلوو للتسوق يمكن عشانه قريب من عندي احسه حلوو ما يدخلني في زحمه ومتاااهه

عندك رد سي مول هذا حلوو بصراحه وانصحك تاخذي العربه اللي مثل الدباب في التجول بحكم انك حامل
وعندك مجمع العرب هذا امي تعشقه هو والروشان مول


بالنسبه اذا تبين تفرفرين لعيالك بشي رخيص وفيه قطع حلوو يعني الماركات اللي تنزل على عشره وعشرين عندك سوق تاج توج هذا مفتوح محلات كنك بالعويس تلاقين بضاعة اوكايدي والسواني وزارا وغيرها على 10 وعلى 20 لا وفيه بضاعه اسبانيه اتذكر مررررررره حلووه بس كانت غاليه مررره هههههههههه لاحظي غاليه مقارنه بسعر تاج توج على 45 ريال

عندك كمان سوق الشاطيء هناك عاد اذا تحبي البلايز الاقطان البارده وتكون حلوه والبناطيل حتلاقيها على 20 ريال شي مرتب وحلوو وللبيت وغسيل ولبس وعادي لو شفتي ورقتها برومود والا زارا والا حتى نعومي والا دزني ترا انا رحت انصعقت بس الكلام على وقت نزول البضاعه كل المحلات السابقه

عندك اذا لك نفس طويل على المحلات القديمه الشعبيه بس روحي على انها تمشيه وتغير جوو من الغلا روحي لباب مكه وباب شريف وخلي عباتك قصيره واقفه عليك والبسي كوتش عشان رجولك ما تسود بالصندل والا الشبشب وانتي بكرامه واذا بتوقفون خليه يحطك في مكان ويروح يوقف بعيد بعدين يجيك مشي بعدين تمشي بالسوق وتقضي واذا خلصتو خذو تكسي لسيارتكم هذي اسهل طريقه والا ترا ممكن تحصلي سياراتك بين اربع سيارات ما حتطلع الا بكره ههههههه حصلت للوالد والوالده هههههههههههههه رجعو اخذو تكسي على البيت ومن بكره راح جاب السياره الوالد

فيه محلات كثيره جده كل اسواقها الشعبيه تجنن بس روحي وانتي مروقه حتشوفي كل شي حلوو

ولا تشترين شي من السوق والمولات الين تروحي المحلات الشعبيه لانك راح تنقهري كثير بفرق السعر

بالنسبه لاغراض البيبي فيه محل في التحليه مول فيه شغلات غريبه والوانه حلووه بس غالي روحي شقري عليه يمكن يعجبك شي

ولا تنسي جده مول احب اروح له لانه تعجبني شخصية الحريم وكل وحده ماسكه محلها بنفسها وتستقبل زباينها وتساعدهم بالخيارات للتسوق طبعا فيه رجال يبيعو في المحل بس صاحبة المحل هي اللي موجوده وتعلمك هالبضاعه من البلد الفلاني وهذي من البلد الفلاني ومرات تكون فيه قطع مميزه وغريبه وحلووه وسعرها حلوو

هذا مافي جعبتي لجده والا فيها شغلات كثير حلووه والله

لا تنسي تمري على الساحل الغربي وخذي لك سمك مقلي هناك وخذي جلسه لك انتي وابو الشباب وعليك بالسمك مع الحمر ياااااه لذيذ اذا كنتي تحبي تاكلي بحريات وعندهم الربيان يجي داخل سحن بالقصدير حبة ربيان وشريحهبصل وليمون وطماط بعدين ربيان وهكذا مررره طيب بس لا تفوتي اكل السمك هنااك محله قبل محل بن مهري في شمال جده على طريق المدينه الطالع

ويالله موفقه يارب

ايه نسيت ولا تنسي تمري على مكاويه موت وتاخذي من عندها الاجار الحامض حلوو يجنن عاد وانتي وحام متاكده حتفطري عليه مثلي هههههههههههه


مكاويه طلبتك تكفين علمني طريقته

والله جمعت شغلاته من كذا محل وكذا ولايه بامريكا لاني ادورها دواره بالبقالات العربيه

عاد الحين ابي الطريقه عشان اشوف اللي ناقصني اشتريه واسويه مررره مشتهيته مع ذا البرد ابي احط عليه قرون فلفل

:cook: وانبسط فيه تكفين لا تقولين لا

اول شي حياك الله في حملتنا رغم اني اشوفك داخله تسالي عن تجاره مش تنظيم ههههههههه

ثاني شي والله كلنا نشوووف ولنا عيون واللي نظرها ضعيف تلبس نظاره بس خلي الخط صغير الله يرحم والديك :44:

ثالث شي رغم اني قلت ما راح اتكلم بخصوص اي مشروع لو مين ماكان بس عشانك جديده ولا ابيك تهجين من اول يوم <<<< كل هالطقاق اللي فوق وتقولين مهيب هاجه هههههههههه :35:

ما علينا الفكره حلوه اذا انتي فاضيه وبتجلسين على الماكينه وخذي الاب توب معاك عشان توسعين صدرك بعد

المكينه حتلاقيها عند عضوه هنا بالقسم اسمها النوري المكينه اكثر من رائعه تعطي من 3 الى 5 اصناف من الكوفي بس يبيلها احد واقف عليها هي ذاتيه بس عيبها انها ما تتعرف على العمله السعوديه عشان كذا يبيلها موظف يجلس عليها هو اللي يطلب للزباين وياخذ المبلغ كاش منهم فهمتي علي ابحثي في القسم عن النوري** اتوقع كذا اسمها فيه نجمتين وراسليها حشوف لك البريد عندي اذكر راسلتها اذا موجد ارسلته لك معرفها والله يوفقك يارب

المكينه الذاتيه للقهوه

هذا اسم العضوه جبته لك

النوري *

وقولي لها انك من طرف نيراز راح تعلمك خصم باذن الله تعالى

والله يسهل امرك





اذا هذي اللي في بالك فهي اللي توفرها الاخت النوري*