كوبونات الراقية تسجيل الدخول

*الشيماء*
*الشيماء* •
الحلوة ام الحلوة الحلوة ام الحلوة :
موضوع جدا ممتاز من الحماس كلمت زوجي وهو في الدوام وقلت له عن الميزانيه وقال لي ايه ان شاء الله بس مدري يسكتني ولا مقتنع ولا اذا درى انها بتكون بيدي اخاف مايردني الا الدرجه بس اللع يعيني ويقويني اني اقنعه من جد تعبت من الطفره قبل لايخلص الشهر مطفرين ولي طلب بسيط عند اختيraianh2007 اللقافه شبت في سبدي سديراويه عاد وش يشتغل زوجك بعرف ماشاء الله لاقوة الابالله
موضوع جدا ممتاز من الحماس كلمت زوجي وهو في الدوام وقلت له عن الميزانيه وقال لي ايه ان شاء الله بس...
ياعسل 2000 كثيييييييييييييير كانت تصير لي انا وزوجي ويوم سألنا قالو لنا الفاتورة تطلع كل شهر ويحسب الوات بكذا من الريالات خلينا نقول ريال يعني يحسبها العداد بريال اذا ما تسددت الفاتورة اول ما تصدر يبدأيحسب الوات دبل يعني بريالين وتصدر الفاتورة الثانية دبل وما تسدد يصير يحسبها ب اربع ريالات وهكذا الوات يضرب في 2 كل ما تأخرت في التسديد عشان كذا توصل الفواتير لهالمبالغ وانا خايفة بعد ان الاتصالات نفس الشي لأني ملاحظة كل ما تأخرت بالتسديد تزيد بشكل مو طبيعي لكن الكهرباء متأكده منها عشان كذا اول ما يجي الراتب اول شي نسويه نسدد الكهرباء والجوالات والكهرباء ماتتعدا ال 200 ريال|...

ملاحظة ...ماادري هو اسمه الوات اللي يحسبها العدادات والا ايش مو متأكدة المهم وصلت الفكرة:p


ياعسل عشان تحلون مشكلة الفيز لازم توقفونها وهذي اول خطوة للحل عن تجربة والله
raianh2007
raianh2007 •
مشكوووووووووووورة اختي الشيماء

والله انا شااكه انه من التاخير لان قبل كم سنه ايام العز كانت الفاتورة ما تتعدي ال400 ريال بس يوم فقرنا وقل الراتب صارت تضرب العالالي يا ربي كانها والزمن علينا بس الظاهر اننا ناخرها واحنا ما ننتبه كله نبي نوفر نقوم ما نسدد طبعا هذي خطه زوجي المصون يخلي كل شي يتراكم مثل الي يقول طنش تعش تنتعش

لكن ولا يهمك من الشهر الجاى باجلس للفاتورة عند باب البيت ههههههههههههه ويا روح ما بعدك رووح لازم اوفر للمستقبل

.....................

الغاليه الحلوة ام الحلوة

انا شاكه انك بنت اختي ههههههههههههههههه
لكثرررة الطلب لمعرفة مصدر الراتب المجهول راح اقول لاني بصرااحه ما لي خلق على الخاااص ما عندي وقت ابي افور حتى الوقت مو المااااال هههههههههههه طق عقلها

زوجي مشترك مع واحد من اهلنا بمشرووع تكساي ولزوجي نسبه والنسبه ذي هي المعنيه بالراتب الثاني

اما راتب ال8000 الاف فهذ شقى عمرنا يعني راتبنا الحقيقي

وسلامة قلبك يا السدراويه


ومعكم في الحل والترحااال

يا رب نقضي على الديون ونوفر من رواتبنا

يا الله يا بناات كل وحده تقول وش اخر التطورات معها خل نستفبد
جلكسي مالح
جلكسي مالح •
نبي نسوي لنا قروب ويصير تواصلنا يوميا علشان نساند بعض ونعزم بعض ويصير بتواقيعنا

((قروب حملة رتبي حياتك المادية )) ها وشرايكم ؟؟؟؟؟
سندريللا 2000
سندريللا 2000 •
وانا ايدي بايدكم يابنات تصدقون انه كان معي بشعبان 3 الاف ريال وطارت على اشياء مادري وش هي اطلع ومعي

500 او الف وارجع ويدي مابها شي يسوى على بالي ابخلص ملابس العيد قبل رمضان .. ويدخل رمضان واضرب

الفين ريال وما خلصت ملابس العيد الا ليلة العيد وبعد من المصروف اللي يعطيني اياه زوجي ...

والله اني ابموت من القهر .. مو حرام الاف تروح هدر لو كانت بيد حكيمة كان عمر بها بيت ...

وانا والله ولا لبسة خلصت منها ... وهذي الفلوس من جيبي الخاص يعني غير مصروفي اللي يعطيني اياه زوجي ...


يمديكم على التعبير .. اهم شي الاخلاق ويدا بيد انا معكم بالقروب


طيب اخر المستجدات ... اقتنع زوجي وعطاني المصروف ورحت للعثيم انا وولدي نتقضى ..

المهم وانا اتسوق الاحظ ولدي كل ماجيت الف يمين يسار قسم الشوكولاتات والحلويات قال هاه يمه لاتخربطين .. حتى ودخلت قسم المعلبات اباخذ نسكافيه ..
والقى علب اشكال والوان شي قهوة وشي كابتشينو وشي اكسبريسو .. واطول عندها شوي ودي اخذ ومترددة لاني

وعدت زوجي اني ما اجيب الا اللي محتاجينه .. واعجبني كم نوع وقمت اقلب فيهم ساعة وفيه نوع اعجبني شكله مرة واخر شي مديت يدي واخذت شي واحد فقط اللي هو غرضي وهو النسكافية ..

واقول لولدي اه ياوليدي اول اذا دخلت السوبر ماركت مع ابوك يروح يتقضى الفاكهة والخضار ونا اسفط على قسم الحلويات والمعلبات اضف كل ما اشتهيه

اخذت الاغراض وخلصنا ورجعنا للبيت الصراحة احس اني تقضيت اشياء اساسية للبيت .. هذا كان احساس فقط
ودخلنا الاغراض وناديت ابو الشباب وقلت تعال شف وش شريت ... يوم شافها صار كذ ا:o

وش تتوقعون يلا انتظر توقعاتكم يابنات علشان اكمل السالفة ... وفيه حركة سواها زوجي انقهرت مرة منه

بس انتظر توقعاتكم اولا .
سندريللا 2000
سندريللا 2000 •
جلكسي مالح جلكسي مالح :
نبي نسوي لنا قروب ويصير تواصلنا يوميا علشان نساند بعض ونعزم بعض ويصير بتواقيعنا ((قروب حملة رتبي حياتك المادية )) ها وشرايكم ؟؟؟؟؟
نبي نسوي لنا قروب ويصير تواصلنا يوميا علشان نساند بعض ونعزم بعض ويصير بتواقيعنا ...
فكرة روعة يلا انا اول وحدة بس شوفي لنا توقيع مناسب