صباح الخير على الحلوين
اسعد امراه الله يشفي زوجتس ويخليه لكم وان شاء الله انها انفلونزا عاديه
ياجوجو فكرتس منيحه على بالي
بس وش رايس هي ماتنفع لاهلي لانها عندهم العماره
بس قلتها لزوجي لان زوجي من زمان في باله دخل من العقار ثاني
بس قال انا اخواني كلهم 2 واحد راتبه 3 وشوي واحد 5000 وعندهم 3 بنات يعني ماتصلح قلت طيب انت ادخلها مع اي احد
قال انا ماابي لي شريك وش يفكني منهم خليني بالحالي احسن
قلت اجل الله يقويك احس الفكره حلوه الا متاكده بس لازم اخوان كثيرين فوق الخمسه وراتبهم ماتقل عن 10 وفوق بحيث انهم يقسطون 2000 ويتنعمون بالباقي
الا من تبادل رجلي بهله وندفع عنهم قسطين بعد

صعب اختياري.... والحلوة أم الحلوة
مافيه أحسن من الدخول مع مجموعة من المعلمات وبعد إنتهاء المدة يتقاسمون المبلغ على عددهم وبكذا مايكونو شركاء اذا ماتبون الشراكة
على الاقل يقدر الواحد يشتري أرض إما يبني العمارة أو لازاد سعرها يبيعها ويزيد عليها ويشتري عمارة تجارية جاهزة وياكثرها
وانا أعرف رجال كثير يحبون يدخلون جمعيات مع المعلمات يقولون أكثر حرص على الدفع الشهري من الرجال
هالمقوله سمعتاه من كا واحد ويقولك الرجال مغير يماطلون وتسبب بعض المشاكل بينهم بسبب عدم الحرص على الدفع
ويالحلوة اذا أهلك عنهم عمارة زيادة الخير خيرين
جلكسي مالح
الله يعينك خيتو والله الشغالات مامن وراهن الا المشاكل الاماندر
صدق وش بتسوين مع ولادتك وانتِ ماعندك شغالة الله يكون بعونك مالك الا تجيبي شغالة مؤقته لين الله يفرجها

والله ياجوجو اني متوهههقة مرة خاصة مع الدوام تخيلو اني ألحين أداوم وأخذ بنتي معاي عالدوام وبهذلتها وبهذلتي

وحمل ثقل وقرف بس ان شاء الله بجيب وحدة موقته وأقدم من جديد بس محتارة في فلبينية والا اندونيسية لأن الأندونيسيات مرررررررة مشاكلهم كثيرة

ام فهد وخالد

جالكسي مالح


شككتوني بعمري هههههههههههههههه علموني ان قلت شي غلط في العزيمه انااا اشوفه عاادي اذا تناقشتوو مع رجالكم مو مسالة انكم انتم الي تعزمون مع ان احيانا والله بعض العوائل انا اللي اعزم بصراحه يعني لو كنا متقابلين عند ناس وكانوو عزيزن علي وطلعناا مع بعض والله اعزم الرجال واهله وزوجي معاااي وانا اللي اتكلم وكم عزيمه وعزيمه سويتها رجال وحريم وانا اللي عازمه مو زوجي

هههههههههههههههههه <<<< شكلي بنجلد هالحين من البنااات

ومرات اذا عزم زوجي والرجال الثاني تعذر وانا مصره الى يجون عندي والا انا اللي ارجع الح في العزيمه الين يقول خلاص ابشري تم بس ولله الحمد ماقد شفت ردة فعل غريبه من زوجي يمكن لانه عندنااا عادي الحرمه تعزم وتوجب حالها حال الرجال ...

من جد خرعتووووني


++++

اسعد امراه الله يشافي زوجك

عمي جاله حمى الضنك قبل سنتين وابشرك انه طيب بس دااوم على العلاجات اللي اعطوه وخالتي صارت تبخر البيت مره بلبان شحري ومره بقشر الليمون وبيشربون مغلي اليانسون وابشرك انهم ماشاء الله بس من جد هوو تعب مرررررررررره لكن الحمدلله عدت على خير مع انه اخذت منه فتره كم اسبوع والله يقومه بالسلامه يارب

+++++

شجرة الدر

يعطيك الصحه والعافيه نحن في انتظارك

++++

جوجو


بصراحه انا قلت كملة حق والله الفكره اللي طرحتيها مره تجنن ويوم اقول ويني عنها من زمان كان ما طلعت من وظيفتي اقل شي الين اكمل خمس سنوات ولله الحمد الاخوان موجودين ونقدر نسويها اول ما ارجع بناقشهم في الموضوع حتى لو دخلنا الوالد معانا

يعني انا وامي 2000

4 من اخواني كل واحد الفين
وابوي 2000

والله حلوووه يعني 12 الف بالشهر
12000*12 = 144000
144000*5= 720000 حلوووو

بعدها يا تنحط في ارض تجاريه والخمس سنوات طايره طايره والفلوس طايره طايره ههههههههههه فطريقتك وربي انهااا روووعه

ربي يسعدك على هالفكره


فعلا اللي ما تلاقي اخوان عندها المعلمات انا اعرف كثير رجال داخلين مع معلمات من طرف خواتهم يقولون اسهل في التعامل بسرعه يدفعون ولا ياخرون اي شي واحد قريب لي مره بنى بيته واثثه وكل شي من جمعيات دخلها مع المعلمات على 5000 ريال السهم

وماشاء الله مررره مبسووط وكلمته دايم بينهن لا عدمتهن ههههههههههههه

السلام عليكم ورحمة الله وبركاته
كيف حال الجميع إن شاء الله بخير
جوجو :
فكرة الجمعية مرة حلوه بس يبغالها ناس ماعليهم إلتزامات وديون على رواتبهم وقروض هاده حيلهم ،
يعني الراتب يكون صافي مجرد التزامات المنزل ..
وكمان يقدر الإنسان إنه يقتطع من راتبه شهريا
5000 ×12 = 60000
60000×5 سنوات =300000 ريال حلوه هذي للناس الي ماعندهم إخوان يدخلون معاهم جمعية
وإذا كانت الزوجة موظفة تشترك هي وزوجها وراح يتضاعف المبلغ ..
وتسلمين على الأفكار الحلوة والقيمة

نيرااز :
النساء شقائق الرجال ومافيها شي إذا عزمتي الناس وحلفتي عليهم , عندنا الوالدة الله يحفظها تمسك ضيوفها للعشاء رجال ولا حريم.
ولكن أنا وأخواتي ازواجنا مايرضون بالمرة , أعزم الحريم إيوه , أما الرجال نووووو
هذي تصير فيها علوم ...!!!!!

جالكسي مالح :

الله ييسرلك أمرك وتقومين لنا بالسلامة , وعسى الله يرزقك شغالة سنعة , عدلة .....

وتحية لكل الغوالي ..

وعلى الخير نلتقي