بنات وين مشاركاتكم في موضوع بيت العمر!!!!
نبي حلول تجارب لناس تعرفونهم أوقصة سمعتوها عن واحد من ذوي الدخل المحدود قدر يحقق هالحلم
نبي مواضيع في ولو من البحث من خلال النت أهم شي نطلع بنتيجة مرضية
نبي نحقق هالحلم ببيت حلو على ذوقك ومو شرط انه يكون مثل الحلم عشانه بيت العمر لا
المهم بيت صغير حلو بسيط ومافيه مانع من الاهتمام بتصاميم الصالة والمجالس أما بقية البيت يكون عادي ومع الوقت نرمم اللي نبي شوي شوي
وبالتوفيق لكل البنات اللي يعملون بالتجارة والله يفتحها عليكم
نيراز
حلو الرابط انا قريته قبل هالمرة فعلا لازم يكون للانسان مصدر ثاني غير الراتب وعليه ينوع في اختياراته ومايعط فلوسه في جهة وحدة
حتى لو خسر في شغلة تتعوض خسارته بالثانية
والله يرجع لاهلك وبلدك بالسلامة
jojo-a
•
يعطيك العافيه ياجوجو قصه رائعه جدا
ان شاء الله لي عوده مع قصه خالي وكيف قدر يبني بيت عقب ماخسر كل املاكه بالاسهم
الله يعوضه ويعوض جميع المؤمنين يارب
ان شاء الله لي عوده مع قصه خالي وكيف قدر يبني بيت عقب ماخسر كل املاكه بالاسهم
الله يعوضه ويعوض جميع المؤمنين يارب
jojo-a
•
"الاقتصادية" من الرياض
شهد معرض الرياض للعقار هذه السنة عرضاَ مميزاً لأحد الكتب المختصة في بناء المنازل، فخلال أيام المعرض شهد جناح الكتاب الكثير من الزوار لاقتناء كتاب : كيف تبني منزلك خطوة خطوة وبأقل التكاليف للمهندس مذكر القحطاني , في خطوة فاقت التوقعات مما دفع المشرفين إلى توزيع الكتاب بطلب المزيد من النسخ من الموزع الرئيسي .
حيث ذكر العديد من زوار الجناح أن أول ما شد انتباهه هو العنوان اللافت حيث جاء في وقته المناسب جداً .
فنحن معاشر الشباب لا نعرف كيف ومن أين نبدأ في بناء منازلنا ؟ ولذلك فقد وجدت ضالتي في هذا الكتاب وسأبدأ في قراءته ، كما أن الكتاب موجه إلى المواطنين الذين يرغبون في بناء منازلهم بطريقة صحيحة وفي نفس الوقت اقتصادية وغير مكلفة .
من جانب آخر فإن الهيئة السعودية للمهندسين المشرفة على الكتاب ذكرت في كلمة لأمينها العام حول الكتاب أن الحاجة أصبحت ماسة إلى مثل هذا الكتاب الذي تميز بشموله ولغته السهلة وبعده عن الغموض .
وقد قامت الهيئة بمراجعة الكتاب مراجعة شاملة من قبل عدد من المختصين والمعنيين بموضوع الكتاب لتقديم معلومات فنية وهندسية معتمدة على المصادر الموثقة في البناء .
وبين القحطاني أن الناس يريدون التوازن ويرغبون في دليل شامل ومتكامل من بداية الأرض مروراً بالتصميم ثم التنفيذ بطريقة سهلة ومباشرة وعلى هيئة نقاط محددة بعيداً عن الغموض والحشو الذي لا يفيد ولذلك جاء الكتاب محققاً لرغبات شريحة كبيرة جداً من الناس.
وقال القحطاني أود أن أشكر الراعي الحصري لهذه الطبعة من الكتاب وهو حمد بن سعيدان الذي ما إن رأى الكتاب حتى بادر بدعمه ورعايته لحرصه الشديد على كل ما ينفع الوطن والمواطن .
وقد ساهمت رعايته الكريمة للكتاب في تخفيف تكاليف الشراء على المواطن إلى النصف تقريباً .
فتكاليف الكتاب كانت كبيرة رغبة منه في إخراج الكتاب بأفضل المواصفات والمعايير.
شهد معرض الرياض للعقار هذه السنة عرضاَ مميزاً لأحد الكتب المختصة في بناء المنازل، فخلال أيام المعرض شهد جناح الكتاب الكثير من الزوار لاقتناء كتاب : كيف تبني منزلك خطوة خطوة وبأقل التكاليف للمهندس مذكر القحطاني , في خطوة فاقت التوقعات مما دفع المشرفين إلى توزيع الكتاب بطلب المزيد من النسخ من الموزع الرئيسي .
حيث ذكر العديد من زوار الجناح أن أول ما شد انتباهه هو العنوان اللافت حيث جاء في وقته المناسب جداً .
فنحن معاشر الشباب لا نعرف كيف ومن أين نبدأ في بناء منازلنا ؟ ولذلك فقد وجدت ضالتي في هذا الكتاب وسأبدأ في قراءته ، كما أن الكتاب موجه إلى المواطنين الذين يرغبون في بناء منازلهم بطريقة صحيحة وفي نفس الوقت اقتصادية وغير مكلفة .
من جانب آخر فإن الهيئة السعودية للمهندسين المشرفة على الكتاب ذكرت في كلمة لأمينها العام حول الكتاب أن الحاجة أصبحت ماسة إلى مثل هذا الكتاب الذي تميز بشموله ولغته السهلة وبعده عن الغموض .
وقد قامت الهيئة بمراجعة الكتاب مراجعة شاملة من قبل عدد من المختصين والمعنيين بموضوع الكتاب لتقديم معلومات فنية وهندسية معتمدة على المصادر الموثقة في البناء .
وبين القحطاني أن الناس يريدون التوازن ويرغبون في دليل شامل ومتكامل من بداية الأرض مروراً بالتصميم ثم التنفيذ بطريقة سهلة ومباشرة وعلى هيئة نقاط محددة بعيداً عن الغموض والحشو الذي لا يفيد ولذلك جاء الكتاب محققاً لرغبات شريحة كبيرة جداً من الناس.
وقال القحطاني أود أن أشكر الراعي الحصري لهذه الطبعة من الكتاب وهو حمد بن سعيدان الذي ما إن رأى الكتاب حتى بادر بدعمه ورعايته لحرصه الشديد على كل ما ينفع الوطن والمواطن .
وقد ساهمت رعايته الكريمة للكتاب في تخفيف تكاليف الشراء على المواطن إلى النصف تقريباً .
فتكاليف الكتاب كانت كبيرة رغبة منه في إخراج الكتاب بأفضل المواصفات والمعايير.
الصفحة الأخيرة
ويواصل ابو راجح :
قالي المقاول ابو أحمد....نبي حديد يابو راجح....
جيب 6 طن عشان بالمرة....نبدأ بالعمدان....بعد صب الميدة مباشرة ....وكلها اسبوعين.....وبناك مرتفع ...باذن الله..
توكل على الله......
يعني يبي لي 7 الاف ريال...
يا ورطتك يابو راجح...7 الاف؟!
من وين اجيب 7 الاف خبطة وحدة وانا راتبي كله 3 الاف؟!
مشيت من عنده وانا مقهور ...واشمت في الحظ الردي واشوف الطريق مسدود واشوف المستحيل بعينه واشوف الصعوبات وانا مازلت باول المشوار.....وحسيت بالضعف ..والانهيار....
حسيت مثل اللي كان يمشي على الرصيف ومطمئن ومرتاح ..وفجأة يغير مساره ويقفز في نص الخط...السريع....ثم يقف..لان ماعاد يمديه..يواصل.....بسبب ان السيارات المسرعة...تبي توطاه..
صرت ماعاد اقدر امشي قدام..ولايمديني ارجع ورى...
اول مرة احس بان راسي مجوّف واشعر بالفراغ الفاضي اللي بين الجمجمة والدماغ
كنت ماشي رايح للدوام بس اني سهيت ومادريت الا انا جمب البيت ..وارجع للشارع العام...واسهي مرة ثانية...واتعدى المكتب....
وصلت خوياي..وصبحتهم بالخير...وكنت متأخر حول نص ساعة....وشافني الريس يوم دخلت...
الله يكره هالرّيس ياجماعة....والله انه مسلّط...واني دايم اجي قبل الدوام ومايشوفني....وتروح الايام...واليوم اللي اجي فيه متأخر....القاه...مسنتر..بوجهي....ومن خساسته..يحيي ويرحب بي....وانا عارف...اللي بقلبه....وهو بعد...عارف...وش شعوري ..لكن كلنا...ساكتين...
المهم...دخلت على الزملاء...وانا متجهم...واسلم عليهم باختصار...واقعد على طاولتي..واتحرّف..وانحني افتّح الدروج...واني اسمع....ابو مبارك....ينادينا...ويقول :
ياشاري الوايت...ياشاري الوايت الطيب؟
ياشاريه...تراى ماعاد اتحمل...شوفته..
"قلت في نفسي...ياسبحان الله...شف الناس اللي مضايقها حلالها....وتحرّج عليه..."
قال: ابو سعد....يارجال دابل كبودنا..الغثا...اللي عندنا....لكن شف ابو راجح....كانه...تالي هالوقت....يبي يشتري غنم...ويحط عندها وايت....
هاه...يابو راجح....خذ الوايت....تراي بعت الغنم قبل امس...وبقى وايتها...اللي شروه العيال..لي العام....وانا خلاص تركت الروحات يم البر...وتركت شغل الغنم..
قلت له...انا والله ماعندي فلوس....والغنم ماتصلح لي....وانا متوهق بالبنيان....والحال يعلم به الله...
قال...اشتره يارجال وابي اديّنك الى راس الحول...واللي عندك ماهوب ضايع....اشتره..تراه يمكن يجيب لك 55 الف ..وانا بابيعك اياه ب 60 الى بعد..سنة....
"لا اله الا الله الرزاق...سبحان من خلق الظروف ورتبها...وسبحان الميّسر على عباده... من حيث لانحتسب..ولا نعلم...وباهون سبب"
كانت صفقة جاهزة بدون كفالات ولا وكالات وجت في الوقت الحرج...وجت في مكتبي..بدون لا اروح ولا اتعب...
"شف وشلون تتغير الحال...ويقرر...احد..ما....ان يغير طريقته ونمط حياته...ويترتب عليه ان يتخلص من شي...زايد عن حاجته يكون غيره في نفس اللحظه..هو في امسّ الحاجه اليه؟!...."
بعت الوايت ب 55 مثل ماقال....ولو صبرت شوي يمكن ابيعه ب 60....عداً ونقداً.....واشتريت الحديد....
كنت اقضي الساعات...عند العمارة واراقب العمال....واحيانا...اتدخل...واقعد اومي..بايديني...واعطي الاشارات...للعمال...بحكم اني صاحب الملك...."والملك لله"....ولابد لي..من كلمة...ورأي.....رغم اني...مافهم "طبسة"..
صبينا الميدة.....وجبنا الشيول...ودفنا الحفرة اللي بين القواعد....وبانت روس العمدان...وبعد يومين...صبينا...ال 10 صانتي الارضية....وانتهت مرحلة....الاساسات ....وخرجنا....من الحفرة....ولله الحمد....
والان....نحن على مستوى صطح الارض...واذا جلست اشوف الشارع على نفس مستوى جلوسي....
الله...الله...
كنت اجيب المرة والبزران...ونقعد العصر نشرب الشاهي على الصبة...المكشوفة....كنا ماندري انا فارشين فرشتنا....وجالسين جمبها...وناسين ان جبنا فرشة اصلا....
كنت اتسمّع في ام راجح وهي تخطط وهي تفّصل...وهي تمدح....وهي..تشرح....
الله يشرح صدرك ياام راجح
المهم...
ماطولنا....وجانا النجار...والحداد...وكلها يومين وان العمدان جاهزة للصب.....ورحت لشركة الخرسانة....وانهم يبون....7 الاف....واعطيهم 10.....والباقي على الحساب مثل ...ماقال ابو..احمد....المقاول....يوم توسط لي عندهم الله يوفقه...
صبينا...العمدان....وبعد 3 ايام...شلنا...الخشب......
ياربي...ياحلو...عمداني...
من زينها....تقل عمدان...جسر الملك فهد....
والود ودّي....نخليها..مانبني عليها...لانه حرام ...يندفن هالجمال..وها القوة ..وهالنظرة....وهالهيبة...ماشاء الله تبارك الله..
كنت ودي اني شاعر ....واتغزل...في عمداني...