ناردين يا قلبي كلن على همه سري

دامك ما تحبين الذهب شوفي لك جمعيه واشتركي فيها وكل ما استلمتيها سوي لك ادخار بالبنك واذ صارت ملبغ زين اشتري لك ارض

وهذ الي انا افكر فيه ودي اشتري لي ارض واخليها لين ترتفع وابيعها واشتري ارض ثانيه وهكذ لين يصير عندي مليون خخخخخخخخخخخخ <== حلم الفقراااء

وحددي وانا اختك وش تبين واحنا ان شا الله بنحاول ل نساعدك

صدقتي .. ياثر فيني كلامها ..

درر درر ..:p

خلاص نسميها ابلة نيراز :22:

تستاهل الاخت نيراز

والله اثبتت انها فعلا انسانه حكيمه وقد المسؤليه

الله يشفيها من وجع ظهراها ويردها من غربتها سالمه غانمه

جالكسي مالح

ياحبي لك انتي مثلي كل شوي دتخلة اشوف وش الجديد بالموضوع

اختي ريانة انا اقترح عليك تقنينين اكل الخدم انتي اغرفي لهم وسكري على مقاضيك

انا ببيت اهلي كان عندنا ازواج ونشتري كل شيء بالكرتون والله مايجي عشرين يوم الا المخزن مصفر

اقترحت على الوالدة انها تقضي وتقفل مع انها مو متعودة على التقفيل والله ان المقاضي قعدت ثلاث شهور

تدرين وش يسوون ؟؟؟

اكتشفنا بعدين انهم ياخذوا المعلبات والدجاج والصابون والرز والسكر والشاي والزيت

ويبعونها على السواقين والعمال بقيمة ارخص حسبي الله عليهم

هلا والله فيكم حبايبي ابشركم يوم كويسه ويوم نسأل الله العافيه والرحمه يارب

ريانه بالنسبه لجدول الطعام انا حطيته على اساس انكم عيله كبيره بس تقدري تغيري في البنود للامانه انا مع عيلتي بنت وولد وزوجي صنف واحد بس مع سلطة سيزر وعلى حسب اللي يحبوووه وكل ما اعتمدوو شي وحبوووه ريحوني اكثر بصراحه انا احط جدول عام لكن كل وحده تقدر تعمل اللي تحبه وتنوع على حسب رغبة العائله فيه ناس ما تحب تدخل اللحم بيتها وفيه ناس السمك بشكل يومي فانتي اللي تحددي رغبتك والجدول ليس الا مساعده او توضيح نقاط لا اكثر

نرجع لنقطه تركتها وهي الشغاله والسواق

وحده من ثنتين لا ثالث لهما

يا تغرفين لهم الاكل بالكميه المناسبه والمرضيه من طبخ بيتك وغير كذا مافي شي ينطبخ خاص لهم

او احسبي لهم مصروف شهري للاكل ومالهم دخل في طبخ بيتك لكن على قولتهم سردي مردي وبكره يعزمون ويطبخون للعالم اللي برااا وانتي ما تدرين لا ياحلووه بكره ما تدرين هم بعد يمكن بسطون ابها ويبيعون ولا دريتي انه من مخزنك

فحددي يا مصروف غير الراتب وما يتجاوز 200 ريال يا ياكلون ممن اكل ببيتك

بالنسبه للشباب كويس انك وضحتي لهم انه خلاص كل واحد يكتفي براتبه ويدبر نفسه بكره وراهم مسؤليه زواج وغيره لازم يفكرون يوفرون من الان للزواج حطي هالموضوع بروسهم حتى لو تشوفيهم صغار معليش خلهم يحسون بالمسؤليه شوي

بالنسبه للبانزين ترا احنا ارخص دوله بانزين حتى لو ثلاث سيارات متاكده السواق ما يتكس عليها والبانزين عليك <<<< بشككها فيهم هههههههههه لا والله بس ما ودي احد يستغفلك لانه كان عندي سواق والله ينزلني السوق وياخذ كم لفه يتكس في العالم عبال ما اطلع واذا مرررررره مررررررره خلاهم يجلسون بالسياره هالهنود يشغل لهم المكيف وياخذ عليهم الين اكتشفته ولعنت خامس خامسه وهالحين مافيه سواق الله يعين

ايش فيه شي ثاني كنت حابه احكي معاكي فيه والله ما ادري برجع اقرا الردود واذا فيه شي بقوله باذن الله