مكاوية مووووت :

السلام عليكم ورحمة الله وبركاته هلا والله بكل اللي انضموا لحملتنا وحابين يستفيدوا وباذن الله راح يستفيدوا لان الحملة هذه حصدت خيرها لكل البنات اللي انضموا لها وانا من ضمن البنات اللي استفادوا الحمدلله شوفوا يااخواتي الغاليات اهم شي التنظيم التنظيم التنظيم هذه اهم نقطة في الموضوع يعني مو تقولوا نوفر لا اول شي نظموا حياتكم وجيبوا ورقة وقلم وشوفوا فين بتروح مصروفاتكم كل شهر احسبوا من والى واول خطوة تبداوا فيها تسديد الديون واسهل نقطة لهذه الخطوة الدخول لجمعية مع الاهل او الاصدقاء لسهولة تسليمها ومدتها القصيرة اللي ماتتجاوز 10 اشهر والدخول في الجمعية لو بالف ريال 10 الاف تسوي عمل اما اذا مافي امكانية 500 تسوي عمل يعني 5000 الاف وبعد نقطة تسديد الديون نجي لنقطة التوفير والادخار يعني مقاضي البقالة كنا نقضي بالفين نشوف ايش الاشياء اللي مانحتاجها والله انا لما راجعت الاشياء اللي كنت اشتريها وطلعت مااحتاجها الامرة بالشهر بسسس وهي اغراض الحلى ومنظفات مالها داعي زي منظف سيراميك منظف مغاسل منظف ابواب الــــــــــــــــــــــــخ خلاص ريحت دماغي وجبت العملاق الاخضر وكلوركس ومنظف داك للارضيات والله سويت خلطة منهم ووزعتها في علب في المطبخ والحمام وخلاص ريحت راسي ولو حابين تعرفوا اكثر تلاقوا ليا موضوع في قسم التنظيف والترتيب كاتبة في كل شي عن تنظيمي في حياتي واللي حابة توفر الوقت تدخل ملفي وتلاقيه في مواضيعي تقريبا هذه اللي في راسي دحين وان شاء الله ارجع قريب ومشكورين

السلام عليكم ورحمة الله وبركاته هلا والله بكل اللي انضموا لحملتنا وحابين يستفيدوا وباذن الله...