معذرة على التأخير والتقصير .. لدي من الظروف ما يمنعني من المتابعة أول بأول

وجن .. جزاك الله خيرا ..وبارك فيك غاليتي ..
وبالنسبة للصورة برأيي حتى إذا لم تكن واضحة فالأولى الإبتعاد عنها ( دع ما يريبك إلى مالايريبك )

بكل بساطة .. سدد الله خطاك
وبالنسبة للكلمة كان مقصدي منها ..كيف أن حالها تبدل وأصبحت تنعم بنعم الله بعد تركها لما يغضبه .. وإلا فالطمع في كلتا الحالتين ..
عموما أبديتها أنا كوجهة نظر وربما أخطأت فيها

المهم .. عزيزتي

الغلاف لا خلاف فيه ..اعتمدي تصميم وجن ..
والمطوية الأخرى .. هل لدينا ما يكفينا لتنفيذها ؟
لدي أيضا العديد من الأفكار سأرسلها لك فيما بعد لتنقيحها وأخذ الجيد منها
بكل بساطة .. شدي الهمة أخية وسيري فنحن معك ..

...........................................................

وجزى الله خيرا من قامت بتثبيت الموضوع ..
وجزاك الله خيرا يا ألف معنى ..

الله يجزاكم خير ياللي ثبتوا الموضوع ..وحابة ابشر كل المهتمين ..أن أنا وأخواتي امون الحنووون _وجن _طفشت وانا ادور اسم _وطن ...وكل من يريد ان يتشارك معنى سايرين على هاالطريق ..ولما نخلص من هاالمطوية ان شاء الله بنبدا بوحدة غيرها عن موضوع ثاني لان الامر بالمعروف والنهي عن المنكر وعمل الخير باب واسع مايتقفل باذن الله..

عشان كذا الرجاء من كل اللي يقرون وحابين يشاركونا يجهزون افكارهم من اللحين لمواضيع اخرى ..ولا تحرمونا تفاعلكم ..

أما بخصوص المطوية الحالية اللي عن الأغاني فبحمد الله سنعملها مطويتين باذن الله ..

اللحين الحمد لله ..شكلنا بنسوي مطويتين مش مطوية ..((سبحان الله اول كنا نشحذ مطوية وحدة))...

المهم الأولى فيها التالي..:
1-الغلاف راح يكون اللي سوته وجن بس عقب مانزيد الوانه ..الثاني اللي مكتوب عليه اغاني..
2-اول شي عقب الغلاف راح احط القصة اللي ارسلتها الف معنى واحط اسم الكاتبة ..
3-الاستفتاء..يعني الاسئلة اللي قلناها ..
4-شخصيتي قوية اللي كتبته طفوشة ..وعقبها الخواطر اللي بالحروف..


يعني هذي المطوية الي تكون باللغة الفصحى وشوي رسمية ..

الثانية :

راح تكون مثل ماطلبت وجن بالعامية شوي وبالفصحى شوي ..وهي عبارة عن مقارنة لاربع بنات...كتبت وحدة اللي هي عنوانها حياتي حلوة..((هذي ماتسمع اغاني وتحكيلهم كيف انها سعيدة ومبسوطة بحياتها ..وكيف طعم الحياة يكون ..وتسال كل شويالبنت اللي تقرا كلامها انتي زيي..؟؟

الثانية ...هي القصة اللي عن هذيك البنت اللي امها وابوها يتهاوشون ..

الثالثة....عن وحدة تسمع الاغاني وعارفة بحرمتها وودها تتركها بس ماهي عارفة يعني ((متنحة )),,وهذي اللي انا قاعدة اكتبها اللحين ..

الرابعة ...عن وحدة ..تسمع اغاني وعندها انها عادي ولا يانبها ضميرها ولاشي..

يعني قلبها قاسي..

بالنهاية البنت تشوف نفسها وين ..واي وحدة منهم تبغى تصير..



هذي كانت النبذة ولو كان فيه تعليقات اونقد او تصحيح نتمنى ماتبخلون به علينا...




والف شكر للغالية الف معنى على المساعدة الكبيرة ..((هذي كانها هدف كورة جاء على اخر الوقت وانقذ الفريق...هههههه....داخلة عرض صح..)) :)

رفع الله قدرك حبيبتي بكل بساطة

والغاليات...امون الحنووون _وجن _طفشت وانا ادور اسم _وطن

ولي الشرف بالمشاركة معكن واللتحاق بركبكن المخملي


والحمدلله ان الموضوع أعجبكم ونسأل الله ان ينفع به

لانه بالفعل هذه الفئة العمرية مهملة

والإلتفات إليها شيء رائع

أحب أن أضيف هذا الموضوع وهو مضار الغناء بشكل هل تعلمين لعله يكون فيه جذب


هل تعلـــــــــــــــــــــمين..؟؟

هل تعلمين أن للغناء تأثير في صبغ القلب بالنفاق ونباته فيه كنبات الزرع بالماء؟

هل تعلمين أن من خواصه أنه يلهي القلب ويصده عن فهم القرآن وتدبره والعمل بما فيه؟

هل تعلمين أن الغناء يهيج النفوس إلى شهوات الغي فيثير كامنها ويحركها إلى كل قبيح؟

هل تعلمين أنه جاسوس القلب وسارق المروءة وسوس العقل يتغلغل في مكامن

القلوب ويدب إلى محل التخييل فيثير ما فيه من الهوى والشهوة والسخافة والرقاعة والرعونة والحماقة .؟

هل تعلمين أن الانسان يُرىوعليه سمة الوقار وبهاء العقل وبهجة الإيمان وحلاوة القرآن فإذا استمع للغناء ومال إليه نقص عقله وقل حياؤه وذهبت مروءته وفارقه بهاؤه وتخلى عنه وقاره وفرح به شيطانه وثَقُل عليه قرأنه واشتكى إلى الله إيمانه؟

فاستحسن ما كان قبل السماع يستقبحه وأبدى من سره ما كان يكتمه وانتقل من الوقار والسكينة إلى كثرة الكلام والكذب ؟

هل تعلمين أن النبي صلى الله عليه وسلم قال (ليكونن من أمتي أقوام يستحلون الحر والحرير والخمر والمعازف ولينزلن أقوام إلى جنب علم (أي جبل) يروح عليهم بسارحة لهم يأتيهم لحاجة (أي طالب حاجة) فيقولون : ارجع إلينا غدا فيبيتهم الله ويضع العلم ويمسخ آخرين قردة وخنازير إلى يوم القيامة) علقه البخاري في صحيحه بصيغة الجزم

حياك الله ,, يا ألف معنى

وجزاك الله خيرا ..

ما أضفتيه رائع جدا.. لكننا سننتظر عودة الأخت بكل بساطة حتى نعرف رأيها...

أختي الف معنى من جد الله يجزاك خير ..حلو الأسلوب اللي كتبتي فيه عن مضار الغناء..

بس الحديث عندي لك سؤالين عنه ..((ايش معنى معلق بصيغة الجزم))

ثاني شي المراهقين احسهم ينفرون من التذكير بالعقاب والأخرة وانا هذي مجربتها ..وبعد عندك كلام الاخت وجن اكبر دليل ..خاصة انها عمرها 17 سنة..

فماادري انا من رايي نحط هل تعلمين بس بالمطوية الاولى ..وان شاء الله تكفي شكلي بصغر الخط ..

وفلا الله يجزاكم خير اخواتي على هالهمة العالية اللي ساندتوني بها ..وان شاء الله نشوف عملنا وينفعنا يوم القيامة ..واسئل الله ان يتقبله ويكون خالصا لوجهه الكريم ويجمعنا بالجنة مثل ماجمعنا بها العمل ..آآآآميييين....الله كريم ..