الله يجزاك الجنة يالف معنى الصراحة انتي منقذة الحملة ..كل مااتازمنا وماعندنا مواضيع تجيبين لنا مواضيع روووعة زيك ..الله يسلمك ..هاه وش رايك بطريقة اننا ندخله ضمن حوار موجه للبنت..



وطن : يازينك ويازين افكارك ...اعجبتني مرررة فكرة اننا نحط شعار لحملتنا على المطوية احس كذا تحمس ناس كثير انهم يدخلون معنا ويساعدونا ..عشان تتنوع افكارنا ..تسلمين يالغالية ..يلا هل من مؤيدين لفكرة وطن غيري..

الغالية امون الحنووون ..معليش توني رديت على اللي كتبوا اخر شي الف معنى ووطن ..بعدين رجعت لردك وقريته ..

الله يجزاك خير على تصحيح الحديث ..بس ترا انا كنت اقوله دايما كذا حسن ظن عبدي بي ..بس لما دخلت على موقع للاحاديث القدسية عشان اتاكد منه ..لقيتهم حاطينه على الصيغة اللي كتبتها من غير كلمة حسن ..فماادري وش هو الصحيح ..صراحة شككتيني ..

والله يجزاك خير على التشكيل ..


شرائح الباور بوينت ..ايه اكيد طبعا لازم لها خلفيات ..عشان تصير احلى ,...بس عن وشو بتسوين شرائح ..يعني مواضيع جديدة عندك ولا شلون ..؟؟



وفكرة اننا نفتح موضوع جديد مغلق لوضع المشاريع والله هذا احسن شئ قلتيه واايده مية بالمية ..بس هل تعتقدين مسموح بهذا الشي اتوقع ان هاالفكرة خاصة بمواضيع الادارة فقط ..

ياليت تحصل ..



وانا وياك وكم مرة قلت ..ان ماودنا نقتصر على شي واحد ..وياليت ننوع واللي عندها شي تقدر تسويه لحالها ياليت ..أحنا قدها وقدود ان شاء الله ..
ولما تخلص تاخذ مشورة البنات قبل ماتعرضه للطبع عشان نتلافى الاخطاء ..

لأن فعلا فيه اشياء سهلة ..مثل البطاقات هذي احسها سهلة ..خاصة لما تكون نسخة مصغرة ومختصرة من مطويات سويناها ..يعني خلفية جاهزة وكلام جاهز بعد ..مافيها تعب ..


بالعكس لما يتوزع العمل راح يزيد الانتاج ولا انا غلطانة ..اهم شئ مايكون العمل عشوائي ونتحرى الدقة قبل كل شئ..




وبخصوص وجن هي قالت انها راح تتغيب لفترة الظاهر عشان الاختبارات..الله يوفق بنات المسلمين لما يحبه ويرضاه ..

ويسكنك الفردوس وكل الغاليات هنا

بكل بساطة يالغالية وشرايك بدل كلمة فلبينية نحط كلمة أجنبية

لان هالكلمة مدلولها أوسع وهم مبهورين بالغرب


؟؟؟

بالنسبة لطريقة الحوارية مع البنت مدري هل يمكن تضربين لي مثال

لاني أخشى أن تكون غير مناسبة

فالحوار أخذ وعطاء مع المتحدث هذي رحه لكن على الورق لا أدري كيف ستكن صورته

أخواتي العزيزات..

رفع الله قدركن..وأسعد أيامكن..

أعلم أنني مقصرة ولكن أنشغالي بالامتحانات هو السبب..

فامنحنني العذر عفا الله عني وعنكن..

بكل بساطة ..أود أن أسأل أنا لم أمر على جميع الصفحات..ولكن مامجال نشر هذا الموضوع؟؟

أفكر لو نكون من كل مجموعة برنامجاً متكاملاً يفيد المعلمات ودور تحفيظ القرآن..

مارأيك؟؟

بوركتم..

هلا وغلا بالحلوين كلهم ...

اف معنى ...ضحكتيني ..ههههه..

انا قصدي يعني وش رايك اني حطيت قصة الفلبينية بشكل حوار ..اللي باللون الازرق ..

يعني مقدمة انتي متضايقة وكذا ..طيب تعالي شوفي المراة هذي ..وبعدين حطيت قصتها
ورجعت اسال البنت انتي لسه كسلانة عن الصلاة وكذا ...خخخخخخخ..يعني كل اللي قلته فوق ..هذا قصدي من الطريقة الحوارية ..يعني مااحط القصة كذا جامدة من غير مقدمات ..

عشان ماتصير زي قصة سعادتي بفراقك ...بعدين تعالي يالغالية ...وين الموضوع اللي تقولين بتحطينه تراني متشوقة ...



شموخ العز ...الله يوفقك دنيا وأخرة ويسمعنا عنك الاخبار الزينة اللهم آآميين ..


مافهمت وش تقصدين من سؤالك ..وشو يعني مجال الموضوع..

حنا نبغى نستمر متجمعين ونتعاون بانتاج اي شئ سواء كان مطويات او غيرها ..بس تكون موجهة لفئة المراهقين ..

صحيح الصفحات وااجد ..بس انا اشوف ان فيه مواضيع صفحاتها اكثر بكثير وتكون مجرد هذرة بهذرة ...وانا وحدة منهم كنت مسويتلي موضوع بالمجلس الترحيبي كله هذرة وضحك ..

فليش بدال مااحنا قاعدين مانستغل وقتنا وعقولنا بشئ ينفعنا وينفع امتنا ..


واحس المراهقين ..هم احوج الناس لمجهودنا ..لأنهم فئة مغيبة وليس لهم مشاريع موجهةلهم باسلوبهم ..


وانا كنت اتمنى يشاركونا اخوات تربويات عشان يعطونا اساليب افضل للحوار مع المرهقين ..

بس هذانا نشتغل والتوفيق منه سبحانه ..والله كريييم ..

دور التحفيظ والمعلمات ..مافهمت وش فيهم يعني ..ان كان قصدك نتوجه لهم ..

مدري احس اللي بتدخل التحفيظ ان شاء الله ان فيها الخير والبركة ..لو بتحتاج توجيه بيكون شئ بسيط ماهوب مثل هالفئة الكبيرة الضايعة من المراهقين ..الله يردهم لدينهم ردا جميلا ..اللهم آآآمييين ...

وجزاك الله خير يالغالية...