وهذه واحدة من البطاقات التي أشارت عليها ذكرى الغرباء


http://up5.w6w.net/upload/10-04-2006/w6w_20060410180957c1664d58.jpg

ياربيييييييييييي...والله ان جسمي كش علي ..الله يرحمنا برحمته..بس امون ماتحسين انه يخوف البنات..يعني نفس اسلوب التخويف المتبع بالمطويات المتعودين عليها..

والله ..هذا انا وانا كبيرة ومحافظة ان شاء الله على الصلاة ..قشعر علي جسمي ..كيف البنات..








اخواتي بضرب لكم مثال وانتوا احكموا بناء عليه ..وكل وحدة تسترجع نفسيتها لما كانت مراهقة ..


مرة لما كنت بالثانوي ..مدرستنا الله يسامحهم ..جاتهم فترة ..كل كم يوم كذا ..يشغلون البروجكتر بطابور الصباح ..وتخيلوا على ايش ..


على مواضيع عن اهوال القبر ..والموت ..وكذا ..وكنا نبكي بعض الاحيان ..ونقعد منغمين طوال الحصص الاولى ومنسدة نفسنا...

لين مرة مدرسة الدين عندنا الله يجزاها خير ..كلمتهم وقالت لهم مايصير كذا ..

البنات محتاجين مع الصباح لاشياء حماسية ..مثلا عن بطولاتنا ..فتوحاتنا ..اشياء تنمي فيهم المجد والحماس والفخر ..مهو اشياء تغمهم ..وتجيب لهم الكآآبة..


وانا لاحظت هالايام ..ان اغلب الاشياء الناجحة اللي فعلا اثرت بالشباب ..هي اللي تحمسهم ..

وتعطيهم دفعة ..وفخر بانفسهم ..وتذكرهم برحمة ربي..

امثلة ..مع اني ذكرتها ببداية الموضوع ((قديمة مرة ..ههه)) :

الا صلاتي ( الانشودة الروعة اللي اغلب الاولاد اتاثروا فيها))..كلمتين بس مؤثرة عن مقال كامل وباسلوب بسييييط ..


الا صلاتي مااخليها ....اهي حياتي ودنيتي فيها
وعد اصلي فرضي بوقته ..وصيتك لا ماني ناسيها ..


بذمتكم ..جابوا طاري عن العذاب ..والعقاب ..وان انتوا شريرين عشان تتهاونون بالصلاة ..
ولا جابوا طاري حتى فوائد ولا حكم ولا شي..


لييييييش ..

لانهم يتعاملون مع فئة ..بسيطة ..وابسط الطرق للوصول لهاذة الفئة هو الطريق السلس البسيط ..


لو اتبعنا الاسلوب التخويفي او السرد الطويل للفوائد ..وما نجنيه من الصلاة ..
بالامانة ..هل بيقرونها ولا بيهتمون فيها ..لأ,,,لانهم مالييين من هالاسلوب اللي متبعته اغلب المطويات..


احنا الكبار نتاثر لما نتذكر العذاب او العقاب من غير ماتنسد نفوسنا او شي ..لاننا وصلنا لمرحلة السيطرة على النفس والتمييز لجميع الطرق ..

لكن هم ..ضايعييين ...بالله عليكم لو حنا حطينا على طريقنا كل انواع العذاب والتخويف او الكلام الممل ..برايكم راح يدخلونه ..؟؟

وبالمقابل ..هناك طرق اخرى ماتذكرهم الا بالوناسة والبساطة ..يحسون انهم ينجذبون لها زي الفراش ..



خلونا نسايرهم ..ونجذبهم ...بشي واحد ..

ان انتوا احسن الناس ..ليش لان انتوا عيال مسلمين واجدادكم فاتحين ..وانكم مهما ضيعتوا الطريق ..مسيركم ترجعون ..لهذا الطريق ..ليش لانكم ..اهل لذلك ..

والشيطان مايقدر عليكم ..ضعتوا شوي ..قصرتوا شوي ..مش مشكلة ..احنا نستناكم ..

وخلوا الضياع والفساد ..لاهلهم ..لان هذا مايليق ..يعيال المسلمين ..

ومايمنع ..اننا بين الكلام او الخطاب ندق دقة او دقتين هنا وهناك ..يعني قرصة قلب ..

ونقدر نحط بينها وحدة او اثنين من العقوبات المنتظرة لتارك الصلاة ..

بس نخلي اكثر الكلام ..دافع لثقتهم بانفسهم وان احنا متعشمين فيهم كل الخير..

ونقدر نخليها استعراض لوحدة مثلا تكون قدوة تتكلم ..


مثل اللي يجيبونه التلفزيون دايما...يجيبون بنت او ولد ..يكونون عايشين حياتهم ومستانسين ..
على الاخر ..ولما يجي وقت الصلاة يصلون ..ويقولون بالفم المليان لزملائهم ..((صلاتي شي اساسي بحياتي))..وبس وصلوا للمراهقين ..انك مهما كنت صلاتك ماتروح عنها ..وباي حال ..








حبيبتي امون ...شكلك بتكفخيني تكفيخ ..بكل قوتك ..بتقولين مايسوى علي ..حشا ..ماصارت كلمتين وحطيتهم ..بس معليش يالغالية انتي ..والله لاني عارفة انك غالية ..وانك بتفهميني صح ..وعشان خاطر الموضوع ..لان انا لما حطيته بالبداية كان عندي قناعات معينة بخصوص الخطاب الموجه للمراهقين ..فما حبيت اتنازل عنها ..ونصير خطابنا لهم كخطابنا للبالغين ..



وخذي بوسة ..عشان ماتزعلييين ...(( هذرتي وااجد ..خخخخ)))

بعدين تعالوا اقولكم شي ..

الرسول صلى الله عليه وسلم خير قدوة لنا ..لما اتاه الشاب الذي يطلب الزنا ..ماذا فعل له الرسول صلوات الله عليه..

هل اخذه جانبا وسرد عليه عقوبة الزاني بالدنيا والاخرة ليرتدع ويصرف النظر عن الزنا ..لأ..

هل ..اخذ يسرد له ..فوائد العفاف ..وتاثيره على صحته ..ومالفائدة العظيمة التي سيجنيها من ترك الزنا ..ايضا لأ..

ماذا فعل ..بابي هو وامي ..؟؟

كان امامه هدف واحد ..ان يجعله ..يكره الزنا ..ويحببه بالطهر ..من دون اكراه او ترغيب ..

يعني من غير تاثير ..يقتنع هو من الداخل ..يعني يغير تفكيره ..(( وهذا اللي احنا نبغاه ..نبغى نغير تفكيرهم ونقنعهم بالمواضيع اللي نبغاها سواء الاغاني او الصلاة ..او غيرها ..نبغى نقتحم افكارهم وعقلهم وننظفهم من اللي فيهم ونزرع افكارنا بدالها ..))..

ماذا فعل حبيبنا وقدوتنا صلوات الله عليه وسلم ..


اخذ يحاوره بهدؤ وباسلوبه ..ترضاه لامك ..الى اخر الحديث ..وبس كم كلمة وكم سؤال ..افحمه يهم ..من غير ان يسرد لائحة لا بالعذاب ..ولا بالثواب ..(( وان كنت افضل ذكر الثواب ))...

عزيزتي بكل بساطة

أنا فاهمة قصدك ..

لكن أنا حطيتها عشان تستفيدين منها وتحورينها بأسلوبك الرائع ..

مثلا ..

الستة اللي بالدنيا ماتنفع إنا ندخلها بقصة ..

وهكذا .. فهمتي

هل تعلم أن الصلاة مفتاح كل خير ؟

قال ابن القيم الجوزي رحمه الله : ( الصلاة : مجلبة للرزق . حافظة للصحة دافعة للأذى ، طاردة للأدواء ، مقوية للقلب ، مبيضة للوجه ، مفرحة للنفس ، مذهبة للكسل ، منشطة للجوارح ، ممدة للقوى ،شارحة للصدر، مغذية للروح ، منورة للقلب ، حافظة للنعمة ، دافعة للنقمة ، جالبة للبركة, مبعدة من الشيطان, مقربة من الرحمن ).