أنا أشوف بما أن المطوية عن الغناء فلازم نذكر فيها حكم الغناء مع الأدلة ..
وعقوبة الغناء..في الدنيا والآخرة

ممكن نسوي دعوة للمصارحة .. ماذا يعجبك في الغناء ؟؟

ونكتب كم سؤال..

ونجيب أدلة وكلام لأشخاص من الواقع


وش رايك ؟

حلوة افكارك امون ..بس الحكم والدليل ..زي ماقلت من قبل الصغار اذا تأثروا بالكلام ..ودخل قلبهم مايطلبون الدليل ويتلككون ..زينا حنا الكبار العقد ..كل ماجيتي تقولين شي قالتلك ..وين الدليل ..لا وياليتهم يقتنعون عقب الدليل ..عاااد..

بس فكرة الأستفتاء..أو اللي قلتي عنها دعوة للمصارحة الصراحة رهيبة ..

حلو ..يعني نحط ..أسئلة ..مثل ماقلتي ..وش يعجبك بالغناء ..؟؟

هل جربتي تسمعين اناشيد ..؟؟

هل تحسين ان ربي راضي عنك ..؟؟

بصراحة ..تتوقعين نجوم الفن ..اذا مابطلوا الغناء ..بيكونون مع الرسول الكريم ..صلى الله عليه وسلم ..؟؟

انتي تحبين رسولك ؟؟

تتوقعين رسولك ..يحب البنت اللي تتمايل على صوت رجال ..يدندن بكلام عن الحب ..؟؟

وغيرها ..

وحلو زي ماقلتي نجيب ..كلام ناس وتجاربهم ..بس ميييييييييييييييين...؟؟

((يلا شرايك ..انتي حطي اسئلة للحوار ..وأنا بعد ..))

..

بس عمر18 و20أحس إنهم محتاجين يعرفون شي زي كذا .. وأشوفه لازم إنهم يعرفون الحكم الشرعي والدليل

افرضي -وبإذن الله -إن المطوية تكون سبب في هداية أحد إذا جاء يبي ينصح حد ثاني مو ممكن الحد الثاني هذا يسأله وش الحكم ووش الدليل ؟


بعضهم يركزون على هالشي ..

وإحنا راح نكتبه بشكل سهل ومبسط .. زيك <<ههههه

تحسين بالسعادة عند سماعك للأغاني ؟
دائما أسمع اللي يسمعون للأغاني يقولون إن الأغاني تزيدهم طفش في ظنك ليش ؟
وش استفدت في حياتك من الأغاني ؟ وش تعلمتي منها ؟
هل تكتب لك حسنات لأنك تسمعين الأغاني ؟
م
أقول .......فرررريت مخي وما طلع إلا هذولي

وتجارب الناس هذه قصة داعية كانت معنا في الحج ..اكتب حسب كلامها اللي أتذكره .

تقول كنت مدمنة على الأغاني والحمد لله إني اهتديت .
.
والشي اللي اكتشفته بعد ماتركت الأغاني إنها فعلا ما منها فايدة

لأنها ما عمرها حلت لي مشكلة وإذا كنت طفشانة أتسمع لها .انبسط شوي بس بعدين يرجع الطفش أكثر من أول

الأغاني كلماتها دايم متكررة ... الحب .. الهجر .. ..الشوق

لكن الأناشيد غير ..فيها عن الوالدين ..عن الصديق .. عن الطبيعة .. عن الحياة
الأناشيد كل شي فيها متنوع وحلو ومتجدد وأنا أحمد الله إني تركتها لأني أحس هالحين إني صرت مثقفة أكثر..

هذا اللي ببالي ..

خلاص يابسوطة ، يبي لنا كم فكرة كذا ونبدأ بالعمل .. صح ؟

صح ياأمون ..اللحين الحمد لله تصميم المطوية بيتكفلون فيه قسم التصميم ..خاصة الأخت وجن ..

ونستنى الواحة الأدبية عشان يساعدونا بالكتابة ,,

بالنسبة للتنسيق العام ..وش رايك امون ..نبدأ بمقالة ..((يعني قصة او خاطرة او اي شي اللي هو الموضوع الأساسي ))..بعدين نحط الأستفتاء او الأسئلة ..عشان البنت تجاوب عليها بينها وبين نفسها..ونقدر نحط فيها اجابات عليها من عينات من اللي كانوا يسمعون الأغاني وتركوها ..وأولهم انا ولله الحمد تركتها من ست سنين ..بس انا ودي يكونون بنات صغار عشان نفس التفكير ..\\

بعدييين ايش ...؟؟ ,,,فيه خاتمة ولا شي ...ولأ خلاص كفاية..

والمطوية تكون صفحة وجه وقفا ,,مقسمة الى ثلاث اقسام ولا ستة ..يعني اعمدة ..

استنى اجاباتك اختي امون ..واجابات اللي يقرون الموضوع ..ساعدونا وعاونونا على الخير تكفون ..ترانا لسه ماخلصنا ومحتاجينلكم ,,,

لأ,,,ولسه لما نخلص ان شاء الله ..بنسوي شي ثاني عن موضوع ثاني ..كلها موجهة للمراهقين ..

لأن عنوانا ضد محبطات الهمة ,,وهي كثيرة..

جزاكم الله خير مقدما..

أخواتكم في الله بكل بساطة وامون الحنون..وكل من شارك ..