اخباركم ... ان شاء الله بخير :26:
كنت افكر في حملة اجتماعية هادفة مثل الحملات الغربية حملة منظمة وتكون منتشره وقوية مثل حملة سرطان الثدي بره وهذا شعارها
وحملات المقاطعه اللي صارت عندنا
ويكون تأثيرها قوي
اللي يسوي مثل هالحملات كون له الأجر الكبير في تغيير أحول الناس من حال لحال على يده فجزاه الله الف خير وان شاء الله اجره متصل ليوم الدين ويشفع له عدد اللي تجاوبوا مع الحمله يوم القيامه
هدف الحملة :
حذف قنواة الكابريهات اللي على التلفزيون اما القنواة الدينية مثل قناة الرساله أو القنواة المعتدله مثل قناة mbc (لانها فيها الخير والشر فسوف نساعدها على الخير باذن الله ) هذه القنواة خارج محاربة الحمله . الداخل فيها قنواة الأغاني الرخيصة والقنواة الاباحية اللي كثر الجنس الثالث بسببها
معروف عند كل دول العالم ان الاعلام أقوى قوه مؤثره حتى احيانا ترفع رؤساء وتنزل رؤساء دول فليش نتهاون فيه !!!!!!!
لا تقولون نوجهم ونتركهم . في أمهات يقدرون على عيالهم وفي امهات ضعاف مايقدرون
أمس شفت في السوق شاب في العشرينات مع امه الشاب شعره طويل ورابطه بذيل من ورا ولابس بلوزه فيها شك ذهبي كثييير ومخصره صايره بناتيه وبنطلون برمودا ضيق شكله مسخ استغفر الله صاير لاهو ولد ولاهو بنت وأمه جنبه مو باين منها ولاشي حتى الجونتي بيدها لابسته . هذي الأم تقدر على ولد مثل هذا ؟ انا متأكده انها متقطعه عليه وهي تشوفه بهذا المنظر :( علشان كذا نبي نساعد مثل هالامهات كيف؟
لو تضبط الحمله بصوره حلوه وعلى الموضه بشعار و توقيعات وأساور وتيشيرتات على الموضه و شكلها كووووول على قولتهم بيصير في العقل الباطني لكل الشباب كل ما شاف أغنيه رخيصة او فيلم اباحي ان هالشي خطأ ويتضايق منه لييييين يبطله من قناعه شخصيه . و اذا ما كانت الام قوية بيكون أي فرد من أفراد العائلة قوي سواء اب او اخ او اخت يشوف هالاعلانات في الحمله يتشجع وينظف التلفزيون من اي شي يضر تفكير ومستقبل عياله او عيلته
>نحن امة أعزنا الله بالاسلام فاذا ابتغينا العزة في غيره أذلنا الله<
الشباب .. الشباب .. الشباب
نبغى شباب نظيف هواياته نظيفه تفكيره بناء له ولعيلته ومجتمعه ووطنه
نبي شباب رحوم يرحم الأطفال والنساء والشيوخ مايتعدون على كراماتهم واعراضهم
نبي شباب غيور على عيلته وأهلة ووطنه
نبي شباب طموح في شغله وبناء نفسه ووطنه من الصفر مهما كانت العقبات
شباب يحس براحه مع نفسه لأنه ما اغضب ربه راحه تخليه يحس بعزة نفس وثقة
المستقبل والحاضر للشباب
وييييين يصير هالشي والقنواة قاعده تهدم كل مافيه من عزة نفس ونظافة
لا تقولون احنا نحط الأشياء قدامهم علشان ما يشوفونها بره
انتم تعودونه ان الشي هذا عادي . خليهم يشوفونها بره وهم يحسون انهم مسوين شي غلط
مو يشوفونها دائما ليين يحسون ان الشي هذا طبيعي
أذكر أول مادخلت الدشوش ودخلنا دش في بيتنا تقريبا قبل 15 سنه كنت لما اشوف الأغاني والبنات اللي يرقصون فيها بطونهم باينه كنت احس ان هالشي أوسخ شي شفته فحياتي بس الحين مع الفيديو كليبات الجديده الرقاصات اللي يرقصون ومتسترات وبطونهم بس باينه هذا أنظف فيديو كليب
ليييش لأن صار عاااادي من كثر ما اشوف هالمناظر
وكثير بنات وشباب يقرون موضوعي بيقولون عااادي ليش مكبرين الموضوع وما ألومهم والله
المهم
خطوات تحقيق الهدف من الحملة:
1- تعيين منظمة ومسؤوله عن الحمله موثوقة ولها الأجر العظيم باذن الله تكون هي الليدر والقائده لها ومستقبلا يكون لها راتب
2- شعار للحملة صوره+جملة تكون مؤثره وبسيطه وملفته
3- تصميم توقيع للمنتديات والمواقع للحملة يوضح مدى سوء أو بالأحرى قذارة هذه القنواة
4- شراء أساور دعم الحملة مثل الأساور اللي تنباع في الدول الغربيه لدعم الحملات ويروح ريعها لدعم الحمله والأساور تكون مثل هذي اللي بالصوره هي اسواره لدعم أمراض سرطان الثدي
ولو يكون لونها أخضر أفضل لأنه لون الجنة
5- موقع للحمله على الانترنت
6- طباعة شعار الحملة على التي شيرت تات (فلاين) نسائية ورجالية يكون شكلها كووول على قولتهم علشان تلبسها بناتنا وشبابنا من غير مايستحي منها
مثل هذي التيشيرتات لحملة سرطان الثدي وتلاحظون انها متنوعه صغيره وكبيره للحريم وللرجال مع ان سرطان الثدي مرض نسائي
وهذي صور لتيشرتات رجاليه لحمة مرض سرطان الثدي مع ان المرض نسائي
وهذا رجال لابس شعار الحمله
وهذا واحد لابس الاسواره ما قال مثل اللي عندنا بااااعااااااااااااد لونها وردي
وحتى هذا
فياليت لو في احد او مجموعه تقدر تنفذ هالفكره خصوصا واحنا على ابواب رمضان ولو يبون دعم مادي نتقاط :) وندعم
0000000000000
الفكرة مرة تهبل
ويبيلها تعاون واخلاص العمل لله حتى تهون كل الصعاب والعقبات
الله يجزاك بالخير يارب
اللهم هدي شباب وفتيات المسلمين اللهم امين