بسم الله الرحمن الرحيم
كيفكم بنات ان شاءالله طيبين J
اكيد عرفتوا موضوعي هذا عن ايش من العنوان
..بتكلم فيه وان شاءالله ماكون ثقيله عليكم ..
..لا قلت يمه حنان الاسم يكفيني..
WIDTH=450 HEIGHT=550
بصراحه يابنات لو بتكلم منا لبكره ماراح اخلص
لاني بتكلم عن شي عظيم باب من ابواب الجنه
بس بحاول اختصر الموضوع
آه يابنات شي يعور القلب
واحد قاط امه بدار العجزه والثاني حاطها بملحق والثالث تزوج ونساها لا وبعد كرها لان مرته ماتحبها ولرابع
يعاملها وكنها اصغر عياله وتوصل للضرب !! والخامس مايمد لها ولا ريال ويصرف بالاف على اخوياه ولا يشتري اطقم لزوجته ولا خرابيط للعياله وماذكر امه بشي وغيره وغيره ......
لـــــــــــــــــــــــــــيه ؟!!
ماتدري ان ربي قال
{ وَوَصَّيْنَا الْإِنسَانَ بِوَالِدَيْهِ إِحْسَاناً حَمَلَتْهُ أُمُّهُ كُرْهاً وَوَضَعَتْهُ كُرْهاً وَحَمْلُهُ وَفِصَالُهُ ثَلَاثُونَ شَهْراً حَتَّى إِذَا بَلَغَ أَشُدَّهُ وَبَلَغَ أَرْبَعِينَ سَنَةً قَالَ رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحاً تَرْضَاهُ وَأَصْلِحْ لِي فِي ذُرِّيَّتِي إِنِّي تُبْتُ إِلَيْكَ وَإِنِّي مِنَ الْمُسْلِمِينَ }
وقال
(واعبدوا الله ولا تشركوا به شيئاًوبالوالدين إحساناً).
مستوعبين ربي ربط برها بالتوحيد اعظم شي بالوجود
والله الموضوع خطير ليه كثير متهاونين فيه
عن عبد الله بن عمرورضي الله عنهما أن النبي صلى الله عليه وسلم قال: ((رضى الرب في رضى الوالد، وسخط الرب في سخط الوالد))
رواه الترمذيوصححه ابن حبان].
متخيلين رضى ربي من رضاهم !!! فيه اكبر من كذا
او اسمعي بعد
قول العلماء:
"" كلمعصية تؤخر عقوبتها بمشيئة الله إلى يوم القيامة إلا العقوق، فإنه يعجل له
في الدنيا،وكما تدين تدان ""
يابنات وربي مصيبه لي متى والناس بغفله ومتساهلين بالموضوع
وين قلوب الناس ماتحس
امك ثم امك ثم امك
غيرك يتمنى ام وانت ربي منعم عليك بوجودها تسوي فيها كذا
وربي غيرك يتمناها
WIDTH=450 HEIGHT=450
متصورين واحد نعرفه ظابط شاف واحد يطق امه يابنات والله يطق امه متصورين ولاتقل لهما اف وهذا مد يده عليها
خذاه الظابط حطه بالتوقيف بعد كم ساعه طلع الظابط الا امه قاعده عالرصيف تستنى
تقول ولدي شصار عليه تكفى وان امك طلعه تحاتيه بعد اللي سواه !!
من جد شي يعور القلب!!
ولا ثاني اذا سمعتوا بهالقصه قط امه بمنتزه وقاعده تستنى لوقت متاخر جاها واحد قال فيك شي ياخاله وش مقعدك لهالوقت هنا لحالك قالت ولدي راح يخلص شغله وبيرجع قال وين يرجع بهالوقت واصرت انه بيرجع كان معها ورقه قالها ممكن تعطيني الورقه عطته مكتوب فيها
ارجوا من يجد هذه العجوز ينقلها لدار المسنين فورا
!!!!!!!!!!!!!!!!!!
ليه رميتها عجزان تصرف عليها ..
(ماتدري انها لو تطلب عيونها عطتك اياها)
ولا مضيقه عليك بالبيت..
(ماتدري انها كانت عيونها وقلبها بيت لك وبطنها كان بيوم من الايام بيت لك تحملت ثقلك وماقالت شي بالعكس كانت اسعد ايام حياتها )
ولا زوجتك ماتبيها ..
(ماتدري ان الجنه تحت رجيلها زوجتك وش بتنفعك فيه زوجتك بدالها الف امك بس وحده ولا راحت تسكرت باب من ابواب الجنه بوجهك !!)
مضايقك وجودها ..
(ماتدري انها سبب وجودك )
والله لو تذوق طلقه من طلقاتها ان تقعد سنين تبوس رجيلها !!
وهذا جزاها ..
WIDTH=450 HEIGHT=550
ياليـــــــــــتني خدامة بين اياديك
من شان اشوفك كل يوم برضايا
وبعد كل هذا تدعيله بالهدايه
شفتواا قلب الام
على فكره هذي قصه حقيقيه
مو معقوله تجي منك وترميني لاي انسان
يلملمني ولا يلقى بعيوني غير دمعــــــاتي
انا ماصدق انك انت تنهيني من الوجــدان
وترميني وانا اشوف القبر نادىمسافاتي
وكسرني الشتاء ياوليدي وانت بداخلي دفيان
تحملت الاسى والظيمعشانك يابــــــعد ذاتي
وصحى بي البرد واللاهوب وانت بداخلي غفيان
تحملتالسنين وقلت على الله تلــــــملم شتاتي
انا امك
ياهيــــــــــــــــــه
امك
حملتك والعذاب الوان
ولدتك والالم سكين يركز داخل لهـــــاتي
وانا اثناءالوالده من بكى صوتك طعنت احزان
لاني شفتك بصوتك تنادي كل طموحــــــــاتي
ومهدتك فعين وعين يشرب حزنها القـــــران
وهزيتك وكان النور يتهزهز من دعــــــــاتي
اضمك في يديني لاتجي وتـــــــــقول انا بردان
تركت البرد لضلوعي رح انشد رعشةشفاتي
وزولك من ركض فيني لمست بداخلي اوطان
وتركتك تبني بمجدك على كتفانكـــساراتي
وتذكر يوم مدرستك صدى وكفوفنا الحرمان
وكانت رنته من فلسخنقته لك بشـــــــيلاتي
كبرت وصرت بعيوني شجاعن واشهم الفرسان
وحلفت اني علىعرسك لارقص كل شيبـــاتي
اسولف للبشر عنك اقول ولا به اي نقصـــــان
رضع عزالشهامه شب طموحه في معانـــــاتي
وله شان الصقر لا لا اخذ منه الصـــقر له شان
يجي مثل الوضوء لاطب حنينه فـــــوق راحاتي
يقولون الولد هو خان اقول وليــــــديلا ماخان
وهم يدرون ماغطى منامي غير وناتـــــــــــــي
افااااااااااا وشلون تتركنييكحلني عمى النسيان
وانت ادري فيوم الحشر جنه تحت خطــــــــواتي
لك الله مانطقصوتي لك الا بدعوة الغفــــــــران
ولكن خوفي من حزني ومن دعوات عبـــــــراتي
تديناليوم ياوليدي وباكر للاسف تـــــــــــــندان
ويرمونك مثل امك وتذكر حلم شيبـــــــــــــــاتي
للاستماع للقصيده
هنـــــــــــــــــــــــــآ
ولا يقولكم في واحد دخل محل ذهب مع زوجته وامه شايله ولدهم وراهم شرى طقم لمرته شوفوا كم قيمته يوم دفع الفلوس قاله اللي يبيع باقي 80 ريال قال ليه
..امه شافت خاتم عجبها وبتاخذه للعيد راح صرخ عليها رجعيه قالت مرته يووه خلها تاخذه بعدين من يشيل ولدنا وراح بياخذه لها حلفت مايجيها !!
من جد لا تعليق
طيب تدرين لابريتي امك وش بيصيرلك ؟؟
1_ترضين ربي لان رضاها من رضاه وبرها من احب الاعمال له ..
2-بكرا يحطك عيالك فوق راسهم لابريتها برك اولادك ومن فينا ماتبي عيالها يبرونها !!
3-اذا بريتها كانك معتمره ولا حاجه ومجاهده وانتي قاعده بالبيت احد منا يعيف الاجر ولا مايبي يصير بمنزلة مجاهد
4-تدرين برها افضل من الجهاد!!
5- الجنه تحت رجلها احد منا مايبي الجنه ومن بر والديه فقد قرب نفسه للجنه
6-يطول عمرك ان شاءالله وتفتحلك ابواب الرزق
7-تنفتح لك بابين من بيبان الجنه
8-دعوتك تصير مستجابه
9-برها يكفر الكبائر، والدليل على ذلك: أن رجلاً أتى النبي عليه الصلاة والسلام، فقال: (يا رسول الله! إني أصبت ذنباً عظيماً، فهل لي من توبة؟ قال: هل لك من أم؟ قال: لا. قال: هل لك من خالة؟ قال: نعم. قال: فبرها) حديثٌ صحيح رواه الترمذي
وغيرها كثير
النقطه الثانيه ..
((بروا آباءكم تبركم أبناؤكم))
حطي فبالك أي شي تسوينه معها بكرا عيالك بسوونه معك بريتيها حطيتيها فوق راسك عيالك بيبرونك وبيحطونك فوق راسهم عقيتيها ماحترمتيها عاملتيها كانها اصغر عيالك عيالك بسوون معك نفس الشي
كما تدين تدان وفيه قصص كثير ياليت نعتبر منها ..
قالوا عنها ..
هذه عبارات رائعة عن اجمل ما قيل عن الام
الجنة تحت أقدام الأمهات
(الرسول عليه الصلاة والسلام)
وَاخْـضَـعْ لأُمِّــكَ وأرضها ................. فَعُقُـوقُـهَـا إِحْـدَى الكِبَــرْ
( الإمام الشافعي )
لَيْـسَ يَرْقَـى الأَبْنَـاءُ فِـي أُمَّـةٍ مَـا لَـمْ تَكُـنْ قَـدْ تَـرَقَّـتْ الأُمَّـهَاتُ
( جميل الزهاوي )
أَحِـنُّ إِلَى الكَـأْسِ التِي شَـرِبَتْ بِهَـا ............. وأَهْـوَى لِمَثْـوَاهَا التُّـرَابَ وَمَا ضَـمَّا
( المتنبـي )
الأُمُومَه أعظمُ هِبَةٍ خَصَّ الله بها النساء
( ماري هوبكنز )
ليس في العالم وِسَادَةٌ أنعم من حضن الأم
( شكسبير)
قلب الأم مدرسة الطفل
( بيتشر )
من روائع خلق الله قلب الأم
( أندريه غريتري )
الام التي تهز السرير بيمينها تهز العالم بيسارها
(نابليون)
إني مدينٌ بكل ما وصلت اليه وما أرجو أن أصل اليه من الرفعة إلى أمي الملاك
( لينكولن )
**
لن أسميكِ امرأة، سأسميك كل شيء
( محمود درويش)
حينما أنحني لأقبل يديكِ
وأسكب دموع ضعفي فوق صدرك
و استجدي نظرات الرضا
من عينيكي . .
حينها فقط . .
أشعر باكتمال رجولتي
WIDTH=450 HEIGHT=550
كيف ابر امي؟!!
طبعا اشياء كثيره ابر فيها امي اقلها ابتسم فوجهها ولا احب راسها
وبقول كذا طريقه ان شاءالله تستفيدون منها:
1- ماتنادينها باسمها تحترمينها وتنادينها بالاسم اللي تحبه ومافي احلى من كلمة يمه عندها
2-عطيها بوسه عالراس وعلى يدينها لاشفتيها وربي ان هالبوسه هذي تسوى الدنيا ومافيها عندها
3-كل يوم حاولي تقعدين معها تشوفين وش في خاطرها تسألين عن اخبارها واذا كنتي متزوجه زوريها باستمرار واذا انتي بعيده عنها حاولي تتكلمينها باستمرار وماتنقطعين عنها وبينيلها انك مشتاقه لهاا
4-انتبهي تجرحينها واختاري الكلام الحلو معسول قوليه لها
5-اوقات استجابة الدعوات او بالسجود ادعي لها باستمرار
6- تصدقي عنها لو بريلين
7-اجمعي اخوانك وقعدوا حولها بتنبسط توددوا لها تقربوا لها ..
8- بالمناسبات قدمي لها هديه لو بسيطه ماراح تاسعها الدنيا من الفرحه فيها
9- اذا عندك اطفال ازرعي بقلبهم مكانه كبيره لها وربيهم على احترامها وكل هذا بينعكس على معملتهم لك
10-لبي اغراظها حاجاتها شوفي شنو تحتاج جيبيه لها اغراضها الشخصيه جيبيها لها
11- كل نجاح يصيرلك بحياتك انسبيه لها تقدمتي خطوه لو وحده بس قولي بفضل الله ثم فضل امي بتنبسط وبتشوف ثمر تربيتها
12-ماتجادلينها لو كان الحق معك حاولي تفهمينها وجهة نظرك او اللي عندك باسلوب حلو
13-لاتقللين ابد من شئنها قدام الناس او أي احد مهما كانت وش ماسوت امي تاج عالراس وانا ستر وغطى لها ..
14- واذا كانت جاهله بشي علميها لاتقولين ماراح تفهم ياما علمتك اشياء واشياء
15-لاترفعين صوتك عليها وتعبسين بوجهها ولا تشمئزين منها ولا تضحكين وتستهزئين بشي تحبه
ترى يأثر مره على نفسيتها
16-أي خبر حلو عندك علميها هي اول وحده وفرحيها قبل غيرها
17-لاجوك صديقاتك لاتفتشلين منها مهما كانت قدميها لصديقاتك وافتخري فيها خليها تشاركم الجلسه
18-انتبهي لصحتها وراعيها
19-لاتنتقصين ابد من تربيتها لك فلانه صارت وعلانه صارت تراها تعبت عليك اثني على تربيتها ولا تذمينها ابد
20-استشيرها بامورك الخاصه واطلبي رايها
وغيره كثير وكثير بس هذا لخصته عشان ما اطول عليكم
واللي متوفيه امها عسى ربي يسكن امها فسيح جناته ويرحمها ويغفرلها ويوسع قبرها
حتى وامك متوفيه تقدرين تبرينها
((إذا مات ابن آدم انقطع عمله إلا من ثلاث: صدقة جارية، أو علم ينتفع به، أو ولد صالح يدعو له))
هذا اكثر وقت محتاجتلك فيه ادعيلها بكل صلاه وبكل وقت وتصدقي عنها اذا حالتك الماديه كويسه لاتبخلين عليها بصدقه جاريه
اخر شي ابيه منكم يابنات كل وحده تروح تبوس
راس امها واذا غلطتي بحق امك روحي اعتذري لها
وصدقيني بتسامحك وبتستانس وكل وحده تجيب لامها هديه وتفرح قلب امها لو ورده شرايكم ؟؟
واخر شي
عن أبي هريرة رضي الله عنه قال :جاء رجل الي رسول الله صلى الله عليه وسلم فقال :يارسول
الله من أحق الناس بحسن صحابتي ؟ قال :أُمك قال :ثم من ؟ قال :أُمك قال :ثم من ؟ قال :أُمك
قال : ثم من ؟قال : أبوك ) متفق عليه ..
اللهم يا ذا الجلال و الإكرام يا حي يا قيوم ندعوك باسمك الأعظم الذي إذا دعيت به أجبت! ! ! ، أن تبسط على والدتي وامهات كل من قرأ موضوعي من بركاتك ورحمتك ورزقكاللهم ألبسهم العافية حتى يهنئون بالمعيشة ، واختم لهم بالمغفرة حتى لا تضرهم الذنوب ، اللهم اكفيهم كل هول دون الجنة حتى تُبَلِّغْهم إياها .. برحمتك يا ارحم الراحميناللهم لا تجعل لهم ذنبا إلا غفرته ، ولا هما إلا فرجته ، ولا حاجة من حوائج الدنيا هي لك رضا ولهم فيها صلاح إلا قضيتها, اللهم ولا تجعل لهم حاجة عند أحد غيركاللهم و أقر أعينهم بمايتمنوه لنا في الدنيااللهم إجعل أوقاتهم بذكرك معمورةاللهم أسعدهم بتقواكاللهم اجعلهم في ضمانك وأمانك وإحسانكاللهم ارزقهم عيشا قارا ، ورزقا دارا ، وعملا بارااللهم ارزقها الجنة وما يقربها إليها من قول اوعمل ، وباعد بينها وبين النار وبين ما يقربها إليها من قول أو عملاللهم اجعلهم من الذاكرين لك ، الشاكرين لك ، الطائعين لك ، المنيبين لكاللهم واجعل أوسع رزقهم عند كبر سنهم وانقطاع عمرهم
اللهم واغفر لهم جميع ما مضى من ذنوبهم ، واعصمهم فيما بقي من عمرهم، و ارزقهم عملا زاكيا ترضى به عنهماللهم تقبل توبتهم ، وأجب دعواتهماللهم إنا نعوذ بك أن تردهم إلى أرذل العمراللهم واختم بالحسنات أعمالهم..... اللهم آميناللهم وأعنا على برها حتى ترضى عنا فترضى ، اللهم اعنا على الإحسان إليها في كبرهااللهم ورضها علي!نا ، اللهم ولا تتوفاها إلا وهي راضية عنا تمام الرضى ، اللهم و اعنا على خدمتها كما ينبغي لها علينا، اللهم اجعلنا بارين طائعين لهااللهم ارزقنا رضاها ونعوذ بك من عقوقها
اللهم ارزقنا رضاها ونعوذ بك من عقوقها
اللهم ارزقنا رضاها ونعوذ بك من عقوقها
اللهم آمين اللهم آميناللهم آمين
وصل الله على نبينا محمد وعلى آله و أصحابه ومن تبعهم باحسان الى يوم الدين
اتمنى ذكر المصدر عند النقل
الحين سلمت المايك لكم كل وحده تسدحلي مشاركتها
والي تبي احد هالفلاشات تحطه توقيع تراسلني اعطيها الرابط:)
ورحم الله من توفاه الله وجمعهم بأحبتهم في دار الرضوان..
لفته طيبه منك ياغاليه..
سلمت يمينك...؛