مع اقتراب الاختبارات النهائيه للفصل الدراسي الاول حبيت افيدكم بهذي الفكرة
طبعا لبنات الثاني والثالث ثانوي علمي يعذروني بنات الادبي
اولا رح نبدا المذاكره مع بعض بحيث نبداء من الاصعب الى الاسهل
الاختبارات في 16\2 رح ناخذ قبلها ثلاث اسابيع ونسوي لنا جدول مذاكره
طبعا انا مسويه لي جدول مذاكره رح احطه هنا يمكن تستفيدو منه
والافضل انك تسوين جدول خاص بك عشان تكونين مرتاحه له
ثانيا قبل المذاكره لازم تسووين هالاشياء
1\ تقفلين جوالك لان بعض الصديقات الله يهديهن مايجيهن بلا على السوالف الا في وقت الامتحانات
2\ تقفلين اللابتوب واذا ماقدرتي تستغنين عنه هو والجوال عطيه الوالده وربي انها بتصرفه لك
لاني جربتها وفادتني صار ماعندي شي اسويه وقابلت دروسي بفضل الله وثم بفضل امي بعد ماطلبت منها تخبيهم عني :)
3\ حافظي على صلاتك بانتظام والدعاء لانها رح تفتح نفسك ورح تعطيك دافع للثقه بالنفس
4\تذكري ان ابوك وامك واثقين فيك ونجاحك في مدرستك رح يفتخروون فيك
وهذا نوع من حقوق الوالدين وهو اسعادهم ..
5\ لا تستصعبين اي شيء اذا ذاكرتي كرري هالكلمه {انا كلي ثقه في الله انه رح يساعدني }
6\ بعد الانتهاء من مذاكرة اي ماده وعرفتي انك صامتها صح :icon28:
صلي ركعتين واحمدي الله .
7\ لا تقولين مااقدر اجيب نسبه اعلى من 90 بالعكس انتي تقدرين
لا تقللين من نفسك واعتبري ان كلمة مااقدر ومااعرف {اهانه لك }
8\ لا تهملين ماده الرياضيات لان النسبه اكثر شي معتمده عليها
ثالثا جدول المذاكره ::
مثل ماقلت رح يبداء بالسبت
جدولي حق مذاكرتي
اذا رجعتي من المدرسه مو على طول تفتحين وتذاكرين لانه بيرهقك
خذي راحه ومن بعد صلاة العصر تبدين
لازم توفرين جوا حلوو وتكون الغرفه اللي تذاكرين فيها هادئه
السبت { رياضيات }
الاحد {راحه }
الاثنين { فيزياء }
الثلاثاء {كيمياء }
الاربعاء {انجليزي}
الخميس {احياء }
الجمعه {رياضيات}
السبت {راحه}
الاحد {فيزياء}
الاثنين {كيمياء}
الثلاثاء {انجليزي }
الاربعاء {احياء}
صار 12 يوم تسع ايام مذاكره ويومين ايام راحه
نرجع مره ثانيه مع اننا انتهينا عند الاربعاء
نبداء بالخميس لكن هالمره على مادتين
الخميس {رياضيات }
الجمعه {فيزياء } +{توحيد}
السبت {راحه}
الاحد {كيمياء }+{حديث}
الثلاثاء {احياء}+{نحو}
الاربعاء {راحه}
الخميس {فقه}
الجمعه {ادب }
السبت {انجليزي}
الاحد { راحه}
عشره ايام ثلاث ايام راحه وست ايام مذاكره
وبكذا رح يبقى الاسبوع اللي قبل الامتحانات رح تسهل عليك المذاكره
وبتكون خفيفه مرره ... والله العظيم يابنات بفضل الله وثم جدول المذاكره ان نسبتي العام في ثاني اعلى من 94
مو شرط تاخذين هالجدول سوي اللي انتي مرتاحه عليه
رابعا نبداء بالمذاكره
بالنسبه للرياضيات ::
رح تكونين مجهزه قلم رصاص ...> لازم ماتستغنين عنه :42:
دفتر ثاني غير عن دفترك الرياضيات
وبعض البنات يكونون متجاهلات الكتاب ..>هذا غلط كبير الكتاب مهم عشان القوانين الغير مفهومه ترجعيلها عن طريقه
بالنسبه للفيزياء ::
نفس الرياضيات مجهزه قلم ودفتر
وركزي على القوانين صح لانها متشابهه شوي
ولا تحذفين اي فقره طويله او قصيره
بالنسبه للكيمياء ::
قلم ودفتر
اكثر البنات مستصعبينه .. مثل ماقلت لا تقولون صعب خليك ثقه وانك بتجيبين درجه عاليه
لا تحذفيين مسأله طويله وركزي على المسال اللي حددت عليها المعلمه سواء طويله او قصيره
لا تنسين المصطلحات خصوصا الحمض والقاعده متشابهات
بالنسبه للاحياء ::
قلم ودفتر
الاحياء سهل مرره ... بس لا تهملينه
ركزي على الرسمات اللي حددتهم المعلمه
والتعاريف والمصطلحات مهمه
بالنسبه لمواد الدين والعربي ::
لا تهملينهم ابدا لانه اذا جبتي درجات عاليه فيها رح ترفعك وتزيد من عدد مواد التفوق
بالنسبه للانجليزي ::
نركز على القواعد والوورد ستدي واكملي والتعبير
والقطعه اللي عليها اسئله بعض المعلمات تجيب خارجيه
بالنسبه للحاسب ::
احنا اختبار الحاسب رح يكون قبل الاختبارات النهائيه ...ماادري انتم مثلنا او لا
نركز برضو على المصطلحات وعددي
والعملي رح يسهل عليك اذا طبقتيه على الكمبيوتر ... لكن بشرط بعد ماتخلصين مذاكره تعطين اللابتوب امك :42:
نجي اللحين لطريقه المذاكره ::
بالدفتر والقلم :) كل شي رح يسهل معك
كرري المسأله :
بحيث يكون ثلاث مرات تكررينهم وانتي فاتحه دفترك حق الماده طبعا تكررينهم بالكتابه
وثلاث مرات بدون ماتشوفين الدفتر واذا نسيتي شي استغفري لين تتذكرينها
واذا كان غلط عليك شي ارجعي للدفتر وعيدي مره ثانيه بدون دفتر
تذكري ان الرياضيات اكثر شي رح تجي مسائل ..فلازم تركزيين عليها
كرري المصطلحات وعددي او اكملي ::
كرريهم نفس الحاله ست مرات
ثلاثه وانتي تكتبينهم وفاتحه الدفتر
وثلاثه بدون الدفتر .
خامسا كم ساعه اذاكر ::
حددي الوقت ..
اذا كنتي من النوع اللي يحفظ ويفهم بسرعه :
اخذي اربع ساعات طبعا وخلي لك راحه بينهم
يعني انتي تبدين مثلا من الساعه 3 العصر وخلصي الساعه 4 والساعه خمس راحه وكملي الساعه 6 و7
اذا كنتي من النوع اللي مايحفظ بسرعه ::
اخذي ست ساعات .. لا تقولين كثيره بالعكس قليله اذا كررتي بالكتابه
اهم شيء لا تجهدين نفسك كثير
سادسا تصدقي ::
اي نعم تصدقي مو لازم على الفقراء والمساكين
شوفي اخوانك اللي يقربولك الصغار اشري لهم اي شي ياكلونه
او عطيهم ريال ريالين خمسه اي شي
كذا رح تسعدينهم وقولي لهم يدعون لك
واعرفي ان كل ماتسعدين شخص رح يسعدك ربي في الدنيا والاخره ويوفقك وهذي عن تجربه
وبكذا كلنا نسبتنا اعلى من 90 باذن الله:icon28: ولا تنسون خليكم واثقين في نفسكم
اسأل الله لي ولكم التوفيق بالدنيا والاخره
واي مساعده انا جاهزة
اختكم gold of girl
تقبلي مروري
دعواتك