زوجةالأمير حسن :

أولاً مبروك يا مشرفتنا الغاليه ثانياً أضم صوتي معاكم لا للخادمات بس في حاجه ما أعرف أسوي الشعار في توقيعي ما أعرف كيف أنزله لوممكن واحه تسويه أو توريني كيف إذا ما عليكم أمر:35:

أولاً مبروك يا مشرفتنا الغاليه ثانياً أضم صوتي معاكم لا للخادمات بس في حاجه ما أعرف أسوي...

اطلالة القمر :

ماشاء الله لي كم يوم مادخلت الموضوع واشوف الحملة بدت تكبر والله ودي اوزع الشعار بالشوارع عند الاشارات :hahaha: نصيحة مني للي عندها شغاله وشايفه انها ماتستغني عنها الشغاله للتنظيف والكوي والغسيل لا تخلينها تسرق احلى شيء في حياتك واحلى لحضاتك مع عيالك لا تخلينها تاكلهم وتروشهم وتلبسهم وتنومهم وتجلس معهم ياناس اللي ماتقدر تتحمل عيالها ليش تجيبهم ؟؟؟؟؟؟؟؟؟؟ من جد سؤال يقهرني تجيبون عيال بريئين وتتركونهم مع وحده لا تعليم ولا ثقافة بالتعامل مع الاطفال مابي اقول انهم اردى طبقة بالمجتمع لان الفقر مو معناه انهم طبقة رديئه لا لا بس النوعيات اللي تجي للخدمة بالبيوت هن بالاساس هناك مشردين ولا جايه من مجتمع متعود على الرذيلة والله والله لو تشوفونهم هناك بديرتهم ان تكرهونهم وتقولون وشلون اخلي هذي تجلس مع عيالي 24 ساعة لان الطبقات المتعلمة والمثقفة ماتجي للخدمة لانهم يشتغلون بالتمريض والشركات سواء في بلدهم او بلدان مجاوره ومايجي الا الناس اللي بدون شهادات ولا اخلاق للخدمة عندنا ياربي شلون نثق فيهم !! ربي يكفينا شرهم

ماشاء الله لي كم يوم مادخلت الموضوع واشوف الحملة بدت تكبر والله ودي اوزع الشعار بالشوارع عند...

الحلوة 2009 :

&السلام عليكم ورحمة الله وبركاته & رجعت عشان أحكي لكم قصة أثرت فيني ..طبعاً قبل ما أتزوج .. قصة زوجة خالي ..هي معلمة وعندها 3 أولاد ..وبـــنتــين ..بيتها كبير جداً ..فيلا دورين وملحق وحوش كبير ...وما عندها شغالة ...وعيالها يدرسون بس واحد صغير تحطه عند أمها ..إلي محيرني ودائماً كنت أتساءل ..كيف هالإنسانة تقدر تدير بيتها من غير شغالة ..لأنه أنا متعودة أشوف كل المعلمات الي أعرفهم لازم عندهم شغالات حتى لو ما عندها إلا ولد واحد .. وزوجة خالي ما شاء الله عليها ..دايماً مهتمة بنفسها ورشاقتها حتى الكرش ما عندها ..تقول إنها تسوي تمارين ..وبشرتها حلوة ما شاء الله..والأعجب إن بيتها دايماً مفتوح يعني كل ما طليت من الدريشة أشوف ناس جايين يمها ..وعزايمهم ما تنقطع..وبيتها ترتيب ونظافة بسم الله الرحمن.. أعجبت في هالإنسانة .. قررت إني أراقبها عن قرب وأشوف إيش سرها.. المهم بعد جولاتي وتحرياتي .....لقيت إنها حريصة على الوقت لدرجة رهيبة ..تحرص على كل دقيقة لتستغلها ..والله يابنات حتى أولادها علمتهم كلهم منظمين ما شاء الله عليهم .. عيالها إلي يسوون أغلب شغل البيت ..هي علمتهم الأعتماد على النفس من يوم الواحد صغير .. لما تجي من الدوام تحط الغدا على النار ..ولا عمرهم جابوا غدا من بره ..وفي هالوقت يستحمون ويلبسون لبس البيت ويتغدون سوا ..بعد الغدا توزع الأعمال بين عيالها ..واحد المواعين ..والثاني الطاولة ..والثالث الأرضية ..الرابع الفرن والأسطح ..وهي ما تسوي شي تروح تنام قيلولة هي وزوجها .. أولادها ما شاء الله عليهم يخلصون شغلهم ويستغلون وقتهم لين العصر في المذاكرة وحل الواجبات ..عشان العصر هي مخصصته للقعدة والقهوة والحلا .. وعرفت كيف بيتها يجلس نظيف ..لأنها علمت عيالها ما يوسخون وإلي يوسخ مكان ينظفه هو وإلا يتعاقب حتى إلي عمره سنتين ..وبكذا صاروا يحبون النظافة والترتيب من أنفسهم ..ولو واحد منهم يلقى شي مو مرتب صلحه ورتبه.. خلت عيالها كل واحد يسوي له جدول يومي ..إيش إلي يسويه باليوم ولازم يستغل كل دقيقة ..وقت للعب ووقت للمذاكرة ووقت للتسلية ووقت للإنترنت... وهي سوت جدول للتنظيفات كل واحد وش عليه ينظف اليوم..هم إلي يمسحون الجدران وينظفون الأبواب والدرايش والتحف والسراميك ..طبعاً غير ملابسهم وغرفهم ..لأن هذي معروفة تكون عليهم.. وعندهم مكافآت ..مثلاً البلايستيشن عندها بطاقات ..بطاقة ساعة.. بطاقة ساعتين..وإلي يخلص شغله تعطيه بطاقة عشان يلعب فيها ..وقت محدد وتقفله. وبالنسبة لغرفهم ..تاخذ ورقة وقلم وتمر عليها كل يوم أربعاء ..تشوف نظافتها وترتيبها ..وتكتب مين الأول والثاني وهكذا ..وتعطيهم هدايا ..لكن إلي غرفته فيها لو لبسة واحدة مو بمكانها تعاقبه ..ههههههههه يعني ماله فكه.. ولا تحسبون إنها شديدة ..لاوالله هي بغاية اللطف والهدوء ونفسيتها مرة حلوة وفرفوشة وعيالها وزوجها يحبونها ويموتون عليها ويحترمونها ..لأنها طيبة وحازمة في نفس الوقت.. وهي طبعاً عندها شعار ..إنه شغل الدوام ما يدخل البيت حتى التحضير تحضر بالمدرسة.. وأنا بعد ما تزوجت ..إتمنى إني أكون زيها وأقتدي فيها ..الله يحفظها ..ويوفقني لأن أكون ربة بيت ناجحة.

&السلام عليكم ورحمة الله وبركاته & رجعت عشان أحكي لكم قصة أثرت فيني ..طبعاً قبل ما أتزوج...