رجعتلكم مرة ثانية بعد الغدا .. والله راحة نفسية ما بعدها راحة وحكايتي كان عندي حبشية كويسة بس بعد ربي رزقني بالطفل الثاني لقيت نفسي وقفت منها فجاءة وبعد مامشيت أكتشفت أنها كانت مع سواق الجيران والعياذ بالله .. ربنا كان كاتب لها رزق معانا وهي خايفة ربها على العموم قمت أشكل بعدها لغاية ماقرفت نهائي والله يستر بس صدقوني هذي المرة غير وحاسة نفسي قوية ولله الحمد بالتسبيحات سبحان الله 33 الحمدلله 33 الله أكبر 34 وأتوكلي على الله وأسأليه أنو يعينك على خدمة بيتك وشوفي النفس بس قد إيش حلوة في الخدمة .. بس لسه عندي مشكلة في الأكل وتنظيمه ..والسلام :cook:

معاااااااااااكم وبقوه وأسال الله أن يجعل تعبنا أجرلنا ويسخر أزواجنا لنا

كانت عندي شغاله وراحت قبل اسبوووعين وانا موظفه
عيالي كلهم اطلعهم للروضات والصغير للحضانه
وبسم الله عليهم كل واحد مسكته شغله اقولهم ترا ان تعبت يطيح اخوكم من بطني عاد هم مايبون هالطاري وكل واحد
يقوم بشغله اللي اعطيه
وماشالله ماحسينا بروحتها
بالعكس صرنا ارتب واحسن
وصاروا عيالي اقرب لي من الاول وانا اقرب لهم

ما شاء الله عليــــــــــكم ....ربي يوفقكـــــــــم.

وجود الخادمة في البيت ..مهما كانت خلوقة وأمينه .. فهو شيء متعب من الناحية النفسية .. حيث تكون أشبه (بالطفل)
لابد لها من عناية ومراقبة جيدة ..لكي لا تعيث في الأرض فساداً ... (باختصار زيادة هم ومسؤولية على ربة المنزل).

من أرادت التخلص من الخادمة ..إليكي بعض الأمور ..:

- العزيمة وقوة الإرادة ..تقهر أعتى الصعاب ..فإن عزمتي بقوة ... فلن يبقى شيء اسمه صعب.

- الاستعانة بالله ..والدعاء ثم الدعاء ..أن الله يقويكي ويمدك بالصحة والعافية ...

- المحافظة على أذكار الصباح والمساء ...وقراءة القرآن ..والتسبيح والتحميد والتكبير قبل النوم ..فذكر الله يمد الإنسان بقوة جسدية عجيبة.

- ثم البحث عن الحلول..مثلاً إذا كنت موظفة ..اتفقي مع زميلات العمل باحضار مربية وتكون من جنسيتك..تمسك الأطفال أثناء فترة العمل وتقاسمن أجرها .. بالنسبة لترك الأطفال في البيت مع الخادمة بعذر خروج الأم للتنزه والتسوق بمفردها ..فأنا أعتبره غباء وأنانية .. (ولو ما جابت أطفال كان لها أبرك).

- بالنسبة لأشغال البيت ..من تنظيف وترتيب وتنظيم .. فيعتمد ذلك على مدى خبرتك بتنظيم الوقت ..فصدقيني بتنظيم الوقت
تستطيعين فعل أي شيء تريدينه .. أيضاً سيتبقى لك وقت للراحة والقيام بهواياتك...

- عودي أطفالك ..ذكوراً وإناثاً ..وزوجك على مساعدتك ..والمحافظة على غرفهم وأشيائهم ..وعوديهم النظام في كل شيء.

موضوع رائع جدا
وانا معكم باذن الله تعالى
وقبل ما اقول مواقفي وتجاربي مع الشغالات برد على اللي تقول الشغل يجيب المرض والتعب
اقول مااااااااااااااااااااااافيه انشط من الشغالات شوفي شغلهن وحركتهن بسهوله واحنا اللي مانشتغل جانا عجز وكسل وبالعكس كثرة الجلوس والتبطح يسبب الم المفاصل والسمنه والسكر بسبب عدم حرق الاكل
الموهم انا ماكان عندي شغاله بس كلام اهلي وهذا لاحظته على الغالبيه ان الاهل يحطمون بناتهم بقولهع من يقدر على بيتك ومن يقدر على الشغل وهم هدفهم طبعا مصلحة بنتهم بهالكلام مايدرون انهم يسببون الف كسل للبنت وتتخيل انها ماتقدر على شغل البيت......
يعني حاله نفسيه تسبب استصعاب العمل في البيت
بس لو نلقى تشجيع كان الوحده مبسووووطه وتستسهل الشغل ....
قصتي مع الشغاله بعد الزن من الاهل وان بيتي كبير ومن يتحمله ومن هالكلام قررت استقدم اندنوسيه ووالله اني كنت بهم من قدمتها وكنا في اجازة طويله وسافرت وانا مهمومه من تفكيري فيها
جات الشغاله بعد الحاح في الدعاء ان الله يكفينا شرها
استلمت العمل ومن اول يوم جاتني فيه وهي تقرقر وتفضح في كذا ناااااااااس اشتغلت عندهم !!!!!!
شفتوا هذا من مساوئهم افشاء اسرار البيوت ناس معها طيبيبن فصفصتهم لنا
قلت الله يستر بتفصفصنا مثل مافصفصت غيرنا اتخذت طبعا اجراء حازم معها لها الشغل بس اما الطبخ والاطفال لي
بس تعالو يابنات والله مااااشفت رااااحه نفسيه في البيت الا انحرمت من اللبس والراحه بتقفيل ابواب الشارع خوفي انها تكلم سواويق وحارتنا ماشاء الله ملياانه
علاقتي مع ابنائي احسها تغيرت لاني مو مرتااااحه مدري ليه
احس ابتعدنا عن بعض مو مثل اول مترابطين
غير كذا والله اني اخصص لها فوطه تمسح الحوش اذا كنسته اكتشفت انها تمسح المطبخ بنفس الفوطه برغم اني معطيتها فوط الوان
المغاسل كذا مرة ضبطتها تغسلها بيدها تكبكب مويه عليها من دون صابون واذا قلت لها قالت طيب وتروح جيب اسفنجه وصابون ويومين وترجع تغسل بيدها وبالماء
الغرفه اللي تنام فيها وحمامها وانتو بكرامه وسسسسسسسسسسسسسسسسسسسسسخ واذا قلت خير ان شاء الله نظفي قالت ايه انا نسيت
وانا اتابعها لاني احب النظافه واكتشف غبار مامسحته وفرش مانفضته وكل ما واجهتها عذرها ايه نسيت الحين امسح
وهكذا والله اني في دوامه معها اول كنت اشتغل بقلب ويجلس نظيف لذلك هذا سؤال اطرحه للي يقولون مانقدر نستغني عن شغلهم لاتشوفون الظااهر لكم تابعوهم وشوفوا قذارتهم
بعدين يكفي شفاحتهم وانا لاحظت واحده تقول كل شئ يقضي بسرعه في وجود الشغاله مافيه بركه من شفاحتهن الله يكفينا شرهن
واي واحده تقول شغالتي طيبه تابعي شغلها وبتشوفين الخافي اعظم
الغسيل ضبطتها تغسل ملابس بيضاء مع ملونه ويالله هات هذا على هذا
ملابس داخليه مع ملابس رسميه وهكذا اهم شئ تخلص
والله ان متابعتها جدااااااا متعبه لو انا اشتغل كان اريح لي
المهم بعد ماشفتها وشفت اللي عليها قررت اسفرها بعد سنه ونص ماعاد تحملتها غير التكسير يابنات والله على ما اقول شهيد كسرت اشياء كثيررررررررررررررررررررررره وتحف روعه من غير ماتجي تخبرني واذا اكتشفتها قالت بكل برود وعليش اسف
غير لمن سفرتها اكتشفت كذا تحفه جديده وغاليه مكسورة حسبي الله عليها ونعم الوكيل
لدرجة كرسي طاولة الطعام لقيته مكسور ومشمعه عليه بشمع فلوس وكذلك باب دولاب المطبخ ولي الغساله منقطع هذا كله اكتشفته بعد ماسفرتها الله لايحللها
سفرتها الحين لي تقريبا اسبوعين صح انه تعب واجو ائنا غبااااااااار وما تساعد واحيانا يجيني ضيق اذا جا غبار في الجو اني بمسك البيت واطلع متضايقه لاني افكر بالشغل بس صدقوني بالتعاون يخلص الشغل وتحسين براحه نفسيه
الاستغفار مع الذكر والتسبيح والتهليل 33 مرة ينشط الوحده وترى شغل البيت نشاااااط للجسم ورياضه
دعاء ربي اعوذ بك من العجز والكسل ينفع باذن الله الاتكال على الله في كل عمل مهم جدااااا
حبيت انقل لكم تجربتي وان شاء الله اكون افدتكم دعواتكم لي بالثبات وتيسير الشغل