شايفه الصورة كبريها عشان تشوفينها

شوفي كيف الفطيره منفوخه و خامره ومنفوشه و كمان طريه زي القطن

انا معتمده هذي الطريقه بالفطاير واسوي منها انواع حشوات باللحم و الدجاج و الخضار

و اما الفطاير الدارجه عند الحريم مليانه زيت وزبده و سكر هذي صحيه ميه ميه

بعطيك الطريقه و بتطلع معاك زي اللي بالصورة و بطلقين الفطاير اللي تعودتي عليها

هذي الفطاير ممكن كمان تحشينها حشوات حلوه نارجيل او شوكولاته او اي شي

كل اللي تحتاجين له مقادير العجين و الحشوه و قدر المنتو و ورق الكب كيك

الورق اللي يسوون فيه الكب كيك

هذي مقادير العجينه :

كوب ماء

3 كوب دقيق وراح يفرق معاك حسب نوع الدقيق اذا بتسوينه ابيض او اسمر زيدي

وانتي تعجني قليل ماء اذا احتاجت

ملعقه اكل سكر بني

2 ملعقه اكل خميره

2 ملعقه صغيره زيت زيتون

نص ملعقه صغيره ملح

اول شي تذوبي الخميره و السكر في الماء وبعد خمس دقايق تحطي الزيت

ثم الدقيق والملح وتعجني لحد ما تصير عندك عجينه متماسكه و قويه

تحطي عجينتك في زبديه قزاز و تغطيها و تجلسي الزبديه في قدر فيه مويه دافيه لمده ساعه

بعد الساعه خرجي الزبديه و اعجنيها كمان شويه ورجعيها وغطيها كمان نص ساعه

خلالها جهزي حشواتك اللي تحبين

بعدين جهزي قدر المنتو عبيه مويه وحطيه على النار عشان يغلي و على ما المويه تغلي

خذي الصواني حقته وعبيها بفطايرك

ايش تسوين

خذي مقدار كوره صغيره من العجينه و غطيها اشتغلي بسرعه

وافردي العجينه دائره ما تكون نحيفه مره ولا سميكه

وعبيها بالحشوه و سكريها وجمعي اطرافها على فوق زي شكل الثوم

و لما تتاكدي انك سكرتيها حطيها في ورقه الكب كيك وجلسيها في الصينيه و سوي وحده ثانيه

ورصيهم بالصينيه لما تخلصي

لما تجي تحطي صواني القدر في مكانها لازم تكون المويه غليت

رصي الصواني كلها وسكري القدرو ثقلي الغطاء حقه باي شي

و اتركيها حوالي 20 دقيقه بعد عشرين دقيقه افتحي الغطاء و خليه شويه وبعدين شيلي

الصواني و على طول تنأكل وهي ساخنه

مره لذيذه و طريه و خفيفه و جديده

اذا بتغيري نكهات انا ايش اسوي

اجيب الكراث و اعصره و اخذ مويته و احطها مع مويه العجن

تجيني العجينه بنكهه مختلفه خاصه لما اسوي اللحم المفروم مع الكراث تطلع روعه

و ممكن بدل الكراث جرجير او جزر

على كيفك و جربي قبل رمضان وخبريني تجربتك

احنا معاك وكمان قررنا لا للمقلي والدسم لان الوالد الله يحفظه طلع معاه كولسترول
ولي انا و ماما مشان الدايت والباقي مشان صحتهم

شوفي ذا الرابط
الصراحة تيفال بملعقة واحدة زيت ممتاااااازة

http://forum.hawaaworld.com/showthread.php?t=2972736&page=30
جربت فيها من غير هذا
الخضار المقلية من كوسى فلفل وبطاطس وباذنجان و
البروستد والدجاج والسمك ووووو
السمبوسو طلعت بين احلى من المشوية واقل حلاوة من المقلية
بس اهم شي القرمشة
عادي كسنبوسة دايت اعطيتها ٨٠٪

احنا معاك وكمان قررنا لا للمقلي والدسم لان الوالد الله يحفظه طلع معاه كولسترول
ولي انا و ماما مشان الدايت والباقي مشان صحتهم

شوفي ذا الرابط
الصراحة تيفال بملعقة واحدة زيت ممتاااااازة

http://forum.hawaaworld.com/showthread.php?t=2972736&page=30
جربت فيها من غير هذا
الخضار المقلية من كوسى فلفل وبطاطس وباذنجان و
البروستد والدجاج والسمك ووووو
السمبوسو طلعت بين احلى من المشوية واقل حلاوة من المقلية
بس اهم شي القرمشة
عادي كسنبوسة دايت اعطيتها 80٪

الأخوات ماقصروا الله يسعدهم وكل عام والجميع بخير

صراحه بعد قلايه التيفال بدون زيت ودعت الزيت تماما
البطاطس فيها مره مقرمشه ...وكل القلي بملعقه زيت فقط..