انا زوجت اب والحمد الله بنت زوجي انا مربيتها على يدي من يوم عمرها 3 سنوات وعلى فكره اول ماتزوجت هي كانت عند جدتها ام زوجي وكانت تجي لبوها خميس وجمعه بعدين انا طلبت من زوجي يخليها عندي مع العلم بانني توني متزوجه وصحيح اني تضايقت من وجودها بس قلت خلني اربيها على من البدايه احسن علشان تعرف طبعي وهي ماكانت متقبلتني في البدايه كانت متعلقه في ابوها واجد والحمد لله حبتني وصارت تقولي يمه ودخلتها الروضه وبعدين المدرسه وصارت من المتفوقات في الدراسه وصارت تحبني لدرجة اذا مرضت هي اللي تذكرني بموعد الدواء والكل يسالني ماعندك غير بنت واذا قلت لهم هذي بنت زوجي مايصدقون يقلون نحسبها بنتك على فكره انا لحد الان ماعندي عيال صار لي 14 سنه لكن بنت زوجي عوضتني كل شي وانا الان اعتبرها بنتي اللي حملتها ومن جد لو الله كتب لي عيال مارح يحترموني مثل بنت زوجي الله يحفظها ويخليها لي ولبوها ويرزقها الزوج الصالح يارب
علي فكره
ترى انا مو على طول ادلعها وانتو تعرفون التربيه شلون لابد الطفل يتعلم وينضرب وينصرخ عليه اذا غلط
وانا والله من درست ابتدائي كنت اشد عليها واضربها بس مو ضرب مبرح لا بس الحد الله كل سنه شهاده تفوق
وفي مرحله المتوسط اشد عليها فقط من دون ضرب ومشت الامور
في المرحله الثانويه خليتها صديقه لي ودائم انصحها واخذرها من رفاق السواء واشتشير والدها في بعض الاموار وهي الان في ثالث ثانوي ودائم اشجعها على النجاح ووفر لها كل شي حتى ماتحس بنقص او تفكر بشي من ناحيتي
وانا عندي ناس اعرفهم والله لوتشفون عيالهم ماتقلون هذولا عيالهم بتقلون عيال زوجهم من ضرب ومعامله سيئه
بس المجتمع ماخذ فكره عن زوجه الاب سيئه ولا من ناحيه الضرب كلنا يضري عياله ويشد عليهم وينصحهم الله يهدي بعض الناس اللي يخذون فكره سيئه عن زوجه الاب
وتهدي زوجات الاب القسيات وبعدين لو فكرنا نلاحظ ان الطفل ماله ذنب وهذا نصيبه في الدنيا والمفروض نفكر ونقول وش ذنب هذا الطفل يعيش بعيد عن امه ونعوضه حنان الام اللي انحرم منه وسلامتكم

صحيح في زوجات أب طيبات وأفضل من الأمهات أنفسهم الله يكثر من أمثالهم ... وفي زوجات أب خبيثات ... مايشتغل دينمو الخبث والكيد إلا بعد خروج الزوج من البيت أما أمامه...فهي الحمل الودييييييع البرئ...

نسيت أن هناك رب يراقبها ويحصي عليها أعمالها كبيرها ودقيقها ... طبعا تبغى الزوج وترفض أولاده الله المستعان ... رغم إن عندها خبر من قبل إن هذا الزوج عنده أطفال...

اليوم إحدى الطالبات شكت من القسوة والتعامل الفظ الذي تجده هي وأختها من زوجة الوالد
حسبنا الله عليها...ستجد هذه وغيرها ممن اسأن التعامل مع أطفال لا حول لهم ولا قوة... سيجدون عاقبته هذا التعامل في أولادهم.... كما حرقت قلب أم على أطفالها ستجد من يحرق قلبها على أولادها هكذا الدنيا فهي دواره...وكما تدين تدان...

آسفه أختي لأن خرجت عن صلب الموضوع...أعذريني صراحه أكثر ما نسمعه عن زوجات الأب القاسيات ... زوجات يتفنن في الظلم..الحرق...التجويع...الضرب...تفريق في المعاملة بينها وبين أولادها..إستغلال بنات الزوج كخادمات في البيت وصرفهن عن مواصلة التعليم...وأفعال يشيب لها الرأس...عندك .قصة زوجة أب رهف...وزوجة أب سمية...وذو السنتين يتيم الأم الذي مات لأن زوجة والده كانت مشغولة بضيوفها...اهملت الطفل ولم يتأثر قلبها القاسي بدموعه عندما شكى لها من الجوع..تركته حتى مااااااااااات حسبنا الله عليها...وكل هذه القصص موجوده في المنتدى...

حسبنا الله ونعم الوكيل في كل زوجة أب قاسية

انا عندي زوجة أب
للاسف ما اشوف منها غير الوجه الحسود والحقود علينا

هذا واحن مو عايشين معها..لو عشنا معاها اظن بترتكب فينا جريمة!
حتى واحنا كبار ما سلمنا
حسبي الله ونعم الوكيل

بالمقابل في حياتي في نموذج لزوجة الاب
وحدة من الاهل
تبر عيال زوجها ولا تفرق بين عيالها وبينهم رغم انه امهم موجودة مو انها متوفية او مطلقة
والنتيجة انه الله موفقها في عيالها وكلهم مكملين دراسة وادب واخلاق وسمعة طيبة والبنات ماشاءالله وحدة ورا الثانية تتزوج

الواحد يدور االاجر بالاحسان
وما جزاء الاحسان الا الاحسان
ودمتم

حذفت المشاركة لأنها مكرره

أم موزة
ماشاء الله عليك إنت إنسانه رااااااااائعه
الله يكثر من أمثالك
الله يوفقك ويعطيك على قدر نيتك الطيبة