...حملة نوري اكتمل ...

السلام عليكم ورحمه الله وبركاته

قبل كم يوم شفت لقاء مع الشيخ نبيل العوضي وتكلم عن المشاريع اللي يقومون عليها ومن ضمن هالمشاريع مشروع نوري اكتمل

اعجبتني فكره المشروع وقلت مالي الا بنات حواء انقلها لهم عسى الله ينفع بها ويوفق الشيخ وجميع العاملين معه خير الجزاء

والشيخ قال حقوق النشر غير محفوظه اللي يبي يسويها الله يوفقه

فكره المشروع زي ماذكر الشيخ

انهم سوو حمله بالكويت وكانت حمله مره متواضعه ولا استعدوا لها زين لكن بتوفيق من الله جابت نتائج غير متوقعه

يقول الحمله تستهدف البنات الصغار وتحثهم على الحجاب ويسجلون معهم وبعد ماتنتهي الحمله يسوون حفل يكرمون فيه المشاركات اللي تحجبوا ويقول العدد فاق الاستعداد لدرجه انهم حددوا عدد معين للتكريم


فكره الحمله مره حلوه وتنفع نسويها عندنا بالمدارس والجامعات وبالاجتماعات العائليه

تبدا بأناشيد وبروشرات ومطويات وفلاشات وكلمات وكل شي ممكن ينعمل ومشاهد ممكن تكون خلال مده معينه وبعدها اللي تبي تغير حجابها وتغير عباتها من العباة المزخرفه الى عباة ساتره ولايوجد بها زينه وحتى اللي ماتتغطى تتغطى

وتتسجل اسماءهم وينعمل حفل على مستوى المدرسه او العائله ويكرمون فيه حتى لو بشهاده تقدير مو لازم شي مكلف


وانا فتحت الموضوع نجمع فيه فوائد وافكار للي يبي يطبق الفكره


الحين بالاسواق بناتنا متزينات ومتعطرات واعمارهم مره صغيره وهم فيهم خير لكن محتاجين من يوجههم


وش رايك بالفكره اذا اعجبتكم نحاول نقلها لاكبر عدد ممكن واتمنى ان احد يتبنى هالفكره وتطبق على كل المدارس متوسط وثانوي وحتى لو ابتدائي كلهم فيهم خير


يالله ابي تفاعل وابي شعار للحملة

نبي هالموضوع يصير ملف نجمع فيه الافكار

شاركي لو بفكره ماتدرين يمكن الله ينفع فيها


اللي تبي تنشر الموضوع وتنقله الله يجزاها خير