حملة *&^ وبالوالدين احسانا ^&*

بارك الله فيك
بصراحه موضوعك مهم جدا لأن الوالدين هم بابان من ابواب الجنه في الدنيا
فمن انتهز الفرصه وبرهم وأرضاهم وماتوا وهم راضين عنه فقد ارضى ربه وفاز بالجنه
بالنسبه لي لم يعد لي إلا مي اطال الله في عمرها بالصحه والعافيه
اما ابي فقد توفي رحمه الله وغفر له ماتقدم من ذنبه وماتأخر
فبعد وفاته ازددت تعلقا بأمي وندمت على بعض المشاعر التي لم اظهرها لأبي رحمه الله
اتمنى من الجميع التفاعل وإثراء الموضوع بالمفيد

gaamra
وبارك فيك وفي مشاركتك التي اسعدتني جدا
رحم الله والدك
وادام الله الوالده فو ق روؤسكم
ولاحرمكم برها
ولاحرمتي رضاها
طيب ممكن تقوليلنا وش هي المشاعر التي تمنيت ان تظهريها لوالدك حتى تستطيع اخرى ان تتدارك مافات
ولك كل الشكر غاليتي

جزاج الله خير انا دايم ابوي يا جعلني افداه يفتخر فيني ويقول احس ربي خلقها تبرني
واطمع بالجنه اللي هم سببها ...

ديره وفا
الله يخليلك الوالد يارب ويرضى عنك دوم
عاد ياغاليه لاتحرميني الفائده منك
قوليلي وش تسوي للوالد الله يحفظه عشان يفتخر فيك
ومنك نستفيد
والله اني ادور وحده مثلك تفيدني وترشدني
لاخلا ولا عدم منك ومن مشاركاتك

جزاج الله خير أختي عالموضوع الحلو ...

بالنسبة لي .. الوالد عطاج عمره من كم سنة .. الله يرحمه ويغفر له ويوسع عليه ... وأحس اني ما شبعت منه .. وكنت صغيرة .. احس اني ما وفيته حقه .. الله يجمعنا وياه في دار المقر انشالله ..

الوالدة الله يطول بعمرها انشالله ... والله كنت مقصرة في حقها .. وكانت الدنيا ماخذتني ... لكن أحمد ربي وأشكره ألف ألف ألف مرة على الهداية ... والحين والله لو تجيب لي سكين تذبحني فيها ... عسسسسسسسسسسسسل على قلبي ... الله يقدرني على رضاها ... دايما اقول لها .. يمه سامحيني ,.. تقول لي انا راضية عليج يابنتي ..... الله يطول بعمرها ويخليها ...