السلام عليكم ورحمة الله وبركاته
كيفكم حبيباتي \\ طبعاً أن أستفدت الكثير من هالمنتدى الغالي ع ألبي وحبيت كمان أفيدكم
وأحمسكم لأني بصراحة لما أحس نفسي مسدودة عن الشغل في البيت أفتح هالقسم وأفرفر فيه لحد ما ألقى الحماس وصل الحد الإئتماني وأقوم من حاااااااالي أشتغل
طبعاً نظفت أنا المطبخ من إلى الدواليب والبتوجاز والأدوات الكهربائية والمخزن والأرضيات
والأفضل من كدة إني حوريكم مطبخي بحلتو الجديدة
أول شيء هذولي هم شلة النظافة الأبضايات ألي أعتمدت عليهم في تنظيف مطبخي
وتتكون من ( صابون الوزير - العملاق جل الأخضر - والعملاق تبع غسيل الصحون - داك - موبي للأفران )
وبعد كدة شلت كل الإكسسوارات ألي ع الدواليب وحطيتها في مكان آآمن بعيد عن الماء
ثاني شي \\ جبت زبديتين وحطيت في كلهم الإثنين صابون الوزير وذوبتو في موية ساااخنة
أقلكم ليش زبديتين ؟؟
الأولى عشان أنظف فيها الدوالين من جوا والثانية عشان أنظف فيها الصحون
ألي حأنظف فيها الدواليب حطيت عليها جل العملاق الأخضر وداك وألي حأنظف فيها الصحون حطيت جل العملاق الأبيض وشوية فيري وزدت عليها الإثنين موية فاترة وجبت إسفنجتين وشمرت عن ساعدي وأستعنت على الشقى بالله
أول شي نزلت كووول الصحون حقت التقديم حقت الضيوف وهذي صورتها
حطيتها في المغسلة وبدأت أفرك فيها
في هذه الأثناء شلت النوايل كووولها وحطيتها في غسالة الملابس مع شوية إريال وديتول لقطة وهيا تنفرك في الغسالة
ووبدأت أنظف الدولاب بإسفنجة وأمسح بعدها بفوطة نظيفة
وبعدين لما خلصت تنشيف كل الصحون قيدها نشفت النوايل رجعتها في الدولاب ورجعت الصحون وهكذا كملت كل الأغراض ألي في المطبخ من كاسات وصحون وملاعق وقدوور حتى الدولاب حق الزاد ما سلم من الحملة التنظيفية
وهذي لقطات لدولاب الزاد لما طلعت الأغراض منو ولقطات للمطبخ أثناء الحرب العالمية أقصد الحملة التنظيمية
يتبع
رجاءً لا تردون
بس لو أتأخرنا أعرفو إنو النت سواها فينا ..
