ملاذروحي
•
الحمدللة انا تزوجت وحملت ع طول وتعبت نفسيا يوم عرفت الخبر لان كنت ادرس في الجامعة وكنت ادوام وطول الحمل تعبانة نفسيا وجسديا من الدوام ووحامي كان صعب جدا حتى الجامعة كرهتة والحمدللة اللحين عند احلى ولد صدقوني يابنات احمدوا ربكم ع الي الله كاتبة لكم أنا اللحين ولدي لة سنتين مجنني لاني طول حملي معترضة وتمنيت في الشهور الاولى انة يطيح الله يغفر لي ***** الله كنت جاهلة فالحمدللة أحنا في نعمة عظيمة
ما شاء الله تبارك الله,,الله يحفظ لكم عياااالكم ويفرحني أنا و زوجي قريب يااااا رب لا تحرمني من الأطفال أنا وكل من تتمنى...
استغفر الله ,,ماااا أتخيل نفسي حامل وانتظر الولادة وأراجع بالمستشفى بس مو عشان التكيس وهرمون الحليب ,..و...و...و...
لا عشان اتابع الحمل واشوف جنسه ولا اتخيل نفسي اجهز أغراض البيبي ,,,استغفرالله عااااارفه ان الله قادر على كل شي وعندي أمل إن الله راح يفرحني هذا الشهر أنا وكل محروووومة ياااارب يا كريم ترزقنا بأطفال يونسون وحدتنا ويملون علي البيت..
استغفر الله ,,ماااا أتخيل نفسي حامل وانتظر الولادة وأراجع بالمستشفى بس مو عشان التكيس وهرمون الحليب ,..و...و...و...
لا عشان اتابع الحمل واشوف جنسه ولا اتخيل نفسي اجهز أغراض البيبي ,,,استغفرالله عااااارفه ان الله قادر على كل شي وعندي أمل إن الله راح يفرحني هذا الشهر أنا وكل محروووومة ياااارب يا كريم ترزقنا بأطفال يونسون وحدتنا ويملون علي البيت..
انا بعد 3 شهور من زواجي انا فرررررررررررحت كثير لاني احب العيال كمان كنت اروح لدكتوره وقالت مافي امل تحمل لان عندها ضعف شديد بالمبايض حسبي الله عليها فكان الخبر مرررررررررره جنان وزوجي طار من الفرحه والحين انا بالسابع والحمد لله عشت ايام حلو سفرات وطلعات
انا حملت من ثالث اسبوع بعد زواجي بس الحمد لله مافي تعب ولا كرشت الا على اخر السابع بس النوم ذبحني في بداية حملي والشهور الاخيرة تنفخت وسمرت وثقلت وبس اكل وانام
الصفحة الأخيرة
انا زواجي كان بعد عيد الاضحى بعد زواجي حملت على طوول يعني تقريبا من اول اسبوع لاني يوم الزواج كانت عندي الدوره تخيلو عروس تتمشى في ششهر العسل وتتوحم خخخخخخخخ
مسكين زوجي ل ماركبنا السياره رايحيين نفطر والا نتغدى يجيني غثيااااان ودوخه والمشكله ماشكيت ولا لحظه اني حامل لاننا كنا نفكر يكون الحمل بعد ست شهور افضل..
هذا موقف في شهر العسل مره طلعنا نفطر الصبح على البحرتخيلو وانا بالسياره جاني غثيان قلت يمكن من الشمس وشوي تجيني دوخه وانزل الكرسي وانسدح مسكين زوجي انفجع يقولي بوديك مستشفى اشفيك اقوله لابس غثيان يمكن من الشمس واخر شي قلت له ابغى ليمون وراح جاب ليمون وعلى الفندق ويعصر لي كاسه واشربها واناااااااام وخربت طلعتنا اممممممممممممممممحق شهر عسل..
وبعد مارجعنا الرياض اشوف الدوره تاخرت وهو كل شوي يسال هاه جات والا لا خخخخخخخخ وانا لا
يقول بنحلل يمكن حامل اقوله لا مايمدي قال صح مايمدي بس نتاكد وراح جاب تحليل منزلي غصصصب الا حللي حللت ماطلع شي اخر شي قالي على المستشفى وانا ااجل ماابغى انصدم واخر شي استسلمت رحت المستشفىى وحللت وطلعت حااامل بشهر واسبوعين وربي انصدمنا بالسرعه ذي ماشاء الله بس
بس والله انه التعب كله يهوون يوم شفت الفرحه بعيون اهله لانه اكبر عيالهم وربي اني فرحت من فرحت امه وابوه واخواته وعماته قلت له تكفيني فرحتهم لمن عرفنا الكل قام يضم ويزغرد والحمد لله الله يتممه على خير الحين ماشاء الله بكمل سنه من زواجي وقد معاي بيبي عمره 3 شهور ..<<< حكيت قصه حياتي خخخخخخخخ بس مجرد فضفضه طفشانه على هالصبح
<< احيانا اقوله كاننا استعجلنا يقولي مو حضرت جنابك جايتني معيده خخخخ قصده عندك الدوره