حملتي مرتين او اكثر بجنس واحد او الاثنين..تفضلي وعلمينا

في اشياء تطابقت معك وفي اشياء لا طبعا انا الحين حامل للمرة الثانية بفضل الله لكن مادري عن جنسه وحملي الاول ولد لكن حملي هذا نفس مواصفات حملي بولدي مافي اي اختلاف بالنسبة للتحليل المنزلي انا حللت متأخر بمكن باسبوع بعد تأخر الدورة وكان خط خفيف ونفس الشي بحملي هذا بالنسبة للوحم اشتهي الحلا في حملي الاثنين وماكل اللحوم ابدا يجيلي غثيان والغثيان كان خفيف ومستمر بس يشتد بالليل الوزن بالنسبة لزيادة الوزن اتفق معك ماكان في زيادة كبيرة وللحين الحمدلله مازدت كثير
والحركة اتفق معك فيها كان حركته يسار وهذا نفس الشي والثقل نفس كلامك بولدي ماحسيت باي ثقل لكن الحين بحملي هذا صرت احس بالثقل هذا الاختلاف البسيط بين حملي الاول والثاني بالنسبة للزوج عادي لامتعلقة ولا نافرة بالنسبة للشهية مثل ماقلتي متواضعة وبالنسبة للخط كمان نفس كلامك بالنسبة للاشعة وتجربة البول والنبض ماجربتها وبالنسبة للاحلام ياكثر ماحلم وانسى
ومشكووووووووورة على الموضوع استمتعت كثير فيه

هلا بنت ابوها

الحمدلله ع السلااااااااامة والف الف مبروووووك قدووم البيبي الا وش سميتيه :35:

انا ملقوووفة شووية لاني ما عندي الا ولد واحد وماافكر في الحمل حالياا الله يخليه لي بس برد عليج بالاعراض الي كنت احس فيها لمن كنت حامل فيه


التحليل المنزلي
ما سويت تحليل بس بالمستشفى لما رحت احلل بول خلال كم دقيقة طلعت نتيجتي اني حامل وكان الوقت المغرب


الوحم

قبل لا ادري اني حامل كنت احس باشياء غريبة فيني ماعرف كيف اوصفها اضافة الى اعراض الدورة واشد
ومن عرفت اني حامل دايما فيني لوعة و غثيان كل الوقت ودورة راس بس بدون استفراغ

ووحامي ماذكر اني توحمت في شي غير اللوز البحريني و كرهت الفاست فود



الزيادة بالوزن


كل شهر كنت ازيد كيلوين تقريبا وبداية الحمل كان وزني 60 واخر موعد لي لما وزنت كان وزني 72 او 73
<< ولدت اول يوم في التاسع فما زدت اكثر
وشهيتي مفتووووووحة على الآخر


الحركة
ماذكرها بالضبط بس اعتقد ان الحركة اكثر شي فووق و طبيعية مو كثيرة مرة ولا قليلة


والثقل من بداية الحمل و دايما تصيدني آلام في الفخوذ من فوق وفي الظهر وماقدر اقوم بسرعه وحركتي بطيئة كله بسبب الثقل


وتعلقي بزوجي في البداية زاد ولما صرت في الشهر الخامس والسادس الى اخر الحمل صرت انفر منه


وماطلعت لي حبوب الحمدلله ولا سمرت بس انفي شوي كبر وكنت دايما احس بالحكة


والرغبة الجنسية في بداية الحمل زاااادت واااااايد اما من الشهر الخامس الى نهاية الحمل صادني برووود

وشعري طول وايد





وكان احساسي اني حامل بولد بس كنت ابي بنت وتضايقت شوي لما عرفت بالسونار انه ولد
وقالو لي ولد تقريبا 5 مرات وكنت مقتنعة انه ولد وتجهيزي ازرق



١-اول كلمة قالها ولددي بابا
٢-دويرتين الراس بالنص تقريبا

والطلق كان في نهاية الظهر و شديد ومتواااااااصل ماكان فيه بريك بين الطلقات هههههههه
وولادتي الحمدلله احسها سهلة بس الي صادني من بعد الولادة مو سهل :44:
تمزق بالمهبل وخياطة كثيرة و زوائد يالله الحمدلله على كل حال


تصدقين صار خاطري احمل مرة ثانية هههههههههه

انا هذا اول حمل لي
وكنت اتوقع اني حامل بولد
بس من كلامك لا والله
شكلها بنت
نفس الاعراااض
بس انا توحمت ع الاثنين كلها في الاكل

واحس اني متعلقه في زوجي مره
ههع زين ياارب انها بنت
ومن غير زياده او نقصان قولوا امين

هذا حملي الثاني ولسى ماني عارفه افرق
خخخخخخخخ

انا عندي الاثنين 000ولد وبنت وعكس كلامك وعلاماتك مرررررررررررره
وبما اني عندي ولدين فيختلفون مررره بالوحم والحمل والثقل والولاده وبكل شي يختلفون0000