حملت ابني وصارت تبكي.......................... ...............ز

السلام عليكم يا حلوين كيفكم ان شاء الله أموركم تمام كيفكم مع الأولاد أكيد مشيبينكم بعرف .....................ز
على كلن امبارح أجت عندي صديقتي زيارة طبعا انا عندي ولد الله يخليلي اياه يا رب عمره 6 شهور طبعا صديقتي السنة الماضية كانت في هدي الأوقات حامل ولكن شاء الله انه لما تولد الولد ما يعيش الا أسبوع وبعدين توفاه الله وبتعرفوا انتوا شو شعور الأم يعني بعد تعب 9 شهور وبالأأخير البيبي يموت شوي صعبة مع انه في تفس الوقت كان الموت أرحم اله ولأمه لأنه اذا عاش يمكن يعيش معاق وذلك بسبب الأختناق اللي صابه أثناء الولادة المهم لما حملت ابني صارت اتعيط وتبكي طبعا أنا حزنت عليها بس يا بنات صراحة أنا من داخلي اتضايقت يعني كمان هدا ابني وهاي مو أول مرة بتصير يعني أنا شفقانة على حالها وعارفة انه اللي مرت فيه صعب وبعرف انه هي بتحبني وبتتمنالي الخير أكتر من نفسها بس والله يا بنات حزت في بالي يعني لما أول مرة عملتها حكيت معلش مو مشكلة الله يعينها هي كمان ويعوضها خير بس لما عملتها مرة تانية صراحة أنا اتضايقت بس طبعا ما بينت لها بس بيني وبين حالي صابني تأنيب ضمير أني اضايقت منها لأني والله بحبها من كل قلبي بس يا بنات مو عارفة حاسة حالي عملت غلط لأني اضايقت لما شفتها بتعيط أحكولي الله يخليكم معاي حق والا لأ خليني أرتاح