السلام عليكم اخواتى
انا كنت زيكم من فترة قريبة و الحمد لله من على ربنا سبحانه و تعالى و رزقنى
و انا الان بانفذ الوعد اللى كنت اخذته على نفسي و باكتب ليكم السر اللى حملت بيه
ايه هو السر؟؟؟؟
و الله و الله و الله
هو صلاة الليل و بس...
احكيلكم بقي حكايتى من اولها
صلوا على النبي
تزوجت و بعد سنة من الزواج بدأت اقلق من تاخر الحمل و بدأت الرحلة الصعبة و المريرة عند الاطباء و الكشوفات و التحليل و الادوية...
و لان زوجى و الحمد لله طلع سليم الدكاترة رجحوا ان السبب منى ..
و بعد سنتين و الزواج قرروا يعملولى عملية منظار بطن.. و عملتها.. و كانت صعبة موووووووت و تعبت جدا بس الحمد لله ع كل حال..
و انتظرت الحمل و محصلش .. و بعد سنة كمان بالضبط قرروا يعملولى نفس العملية..
و المرة دى انهرت , لان العملية صعبة و مؤلمة جدا و انا مشفتش نتيجة ليها المرة اللى فاتت..
يعنى تخيلوا و انا ف المستشفى كل اللى تدخل اوضة العمليات قدامى تخرج و هى بتتالم صحيح بس معاها بيبي ... الا انا بتألم و عالفاضي...
الاصعب ان زوجى الحبيب هو كمان انهار و صبره نفد و اذى مشاعري بتعليقات من نوع .. انا سليم .. انا لازم اعاعرف اهلى انه العيب منك عشان مش يؤذوا رجولتى بتعليقاتهم.. ثم تطورت تعبيراته و بقت من نوع .. الزواج الثانى و الشرع و ربنا محللنا اربعه و كدة يعنى ..
طبعا كانت حالتى النفسية ف الحضيض ..
و بدأت اخيل حالى بعد ما يطلقنى و ازاى هاستغنى عنه لانى بحبه جدا , و هو كمان بيحبنى بس ضعف بسبب ضغط اهله عليه و مات ابوه ف الفترة دى و هو كان بيتمنى يشوف خلفته فزاد صعوبة الموقف عليه..
و وصلت الامور لدرجة انه هو اللى طلب منى اروح عند اهلى..
و وانا باستعدد اروح , بصينا لبعض و انفجرنا ف البكاء و اترجانى انى اقعد و قعدت..
و بعدين قررت اتوكل على الله و اعمل العملية التانية ..
المرة دى دخلت اوضة العمليات و انا عندى يقين انا مش هاخرج منها الا على المدافن..
كنت حاسة انى هاموت و خايفة لدرجة انى و انا بافوق من البنج بقيت اصرخ يارب عاوزة ادخل الجنة .. و مش باقول غير كدة..
و الحمد لله عدت و رحت بعدها بشهر للدكتور عشان المتابعة و قلتله انا جبت اخر صبري انا عاوزة اعمل طفل انابيب..
قاللى انا مش انصحك بكدة انت زى الفل و زوجك سليم و لسة سنكم صغير, انصحك بالصبر و لام تكونى على يقين ان الاطفال زى اى حاجة رزق من عند الله سبحانه و تعالى و هو بس اللى يقدر يعطيكى
ع العموم احنا داخلين ع شهر رمضان و كدة كدة لازم ترتاحى من العملية .. بعد رمضان باذن الله نتكلم تانى ...
قمت من عنده و انا على قلبى سكينة عمرى ما حسيتها..
فعلا محدش يقدر يعطينى الا الله سبحانه و تعالى و هو املى الوحيد..
و دخل رمضان و سبحان اللى رزقنى عبادته فيه..
عبدت الله كما لم اعبده من قبل..
صليت التراويح و ختمت القران و صليت قيام الليل و التهجد و انا حاسة براحة عمرى ما حسيتها..
و خلص رمضان و جت البيريود و لاول مرة مش ازعل انها جت , كنت على يقين ان ربنا هيرزقنى و توالت الاحلام بالبشارة ..
و واظبت على صلاة الليل كل يوم و قراءة القران ..
و بعدين؟؟؟
جه معاد البيريود ..
و مجتش ...
استنيت .. و استنيت ... و استنيت .. و انا مش مصدقة..
لحد ما عدى 10 ايام..
و انا رافضة اعمل التحليل من الخوف..
و فاجأنى زوجى و هو جاى من برة انه جايب تحليل حمل ..
و قبل ما ازعقله انه جابه قاللى بالحرف الواحد: انا عارف ان الامل ضعيف لان دة اقل شهر احنا حصل بيننا جماع بس معلش جربي..
و دخلت عملته و انا كل حته في بتترعش..
و اللحظة اللى بنحط فيها الختبار جوة العينه اقسم بالله بقيت مش شايفة قصادى ..
و بعدين لقيت ايه؟؟
شرطتين..
انا حاااااااااااااااااااااااامل
خرجت من الحمام اصرخ و ابكى و صرخ و ابكى ..
و زوجى حضنى هو كمان قعد يبكى...
الحمد لله رب العالمين..
ربنا رزقنى بابنى اللى كل ما ابص له اقول الحمد لله الرحمن الرحيم العاطى الوهاب الحنان المنان..
و اقوله ابنى و نور عينى .. انت هدية ربنا سبحانه و تعالى لى ...
ربنا يخليك لى و يبارك فيك..
قولوا امين..
عشان كدة نصيحتى ليكم
صلاة الليل ثم صلاة الليل ثم صلاة الليل
نفذوها و انصحوا بيها كل اللى تعرفوه
و الله واظبت عليها شهرين بس و ربنا سبحانه و تعالى رزقنى بعديهم على طول
ف الاول ممكن هتأديها كأنها واجب عليك
بعد كدة هتلاقى نفسك حابة انك تقومى
بعد كدة هتشتاقي لمعادها
(اسفة بجد انى طولت عليكم)
rroby @rroby
عضوة فعالة
يلزم عليك تسجيل الدخول أولًا لكتابة تعليق.
فراوله صفرا
•
الله يخلي لك ابنك ويفرحك فيه عقبالنا يارب
اهات RRR
•
و بعدين لقيت ايه؟؟
شرطتين..
انا حاااااااااااااااااااااااامل
خرجت من الحمام اصرخ و ابكى و صرخ و ابكى ..
و زوجى حضنى هو كمان قعد يبكى...
الحمد لله رب العالمين..>> :06::06::06::06::06::06::06::06:
يارب متى يجى ذا اليوم
يارب ارزقنى عاجل غير اجل:
شرطتين..
انا حاااااااااااااااااااااااامل
خرجت من الحمام اصرخ و ابكى و صرخ و ابكى ..
و زوجى حضنى هو كمان قعد يبكى...
الحمد لله رب العالمين..>> :06::06::06::06::06::06::06::06:
يارب متى يجى ذا اليوم
يارب ارزقنى عاجل غير اجل:
الصفحة الأخيرة