حملت بعد اسقاطين وعلاج سنتين تعالوا تجربتي بالداخل مابي غير الدعاء ..

السلام عليكم

بنات انتوا غالين علي وفيه بنات هنا وكثير غيرهم يتمنون يجيبون اطفال
انا وحده كنت منهم بس الله من علي بالعوض الحمد لله
واحب اذكر تجربتي لبنات المنتدى شكر اولا لله عز وجل
ومحدثة عن نعمه..
بذكر معاناتي بإختصار شوي..
انا بعد زواجي بعشر شهور حملت بس سقطت على طول
كان كيس بدون جنين ونزل.. وبعده على طول حملت بالثاني
وكان نفس الاول كيس بدون جنين ما تتخيلون قد ايش تحطمت نفسيتي
وتخيلت اني عاجزه انجب ثاني او احمل بجنين كامل..
الدكتوره طلبت من تحاليل وعملتها وطلع عندي الهرمون البرولاكتين
مرتفع مره(هرمون الحليب)واخذت دوستنكس وبعده دوبرجين
وخلاص وقفت لانه انتظم عندي وما صار حمل بعدها
راجعت مره ثانيه مستشفى عسكري وطلع الهرمون مرتفع
واخذت الدوستنكس وعملت اشعه وقالولي المبيض ضعيف وطلعوا بلاوي الدنيا كلها..:icon33:
واخذت ابره منشطه مره بس وكلوميد ولا صار شي ..
وتعبت من كثر المواعيدقعدت تقريبا سنتين
حتى خلطات من المنتدى جربتها ما خليت شي بس الله ما كتب
وقررت اوقف ما اخذ شي .
سبع شهور وانا موقفه العلاج..
استخدمت شي كلنا نعرفه والرسول ذكره
مـــاء زمـزم (ماء زمزم لما شرب له)
قررت اني اشربه وفعلا جبته وكنت اشرب على الريق
وادعي انه يتكون في رحمي جنين ها الشهر ويكون كامل
وكنت لما انام استغفر كل يوم..
الله سبحانه ما خيب ثناي حملت بنفس الشهر..
وكان عندي يقين اني راح احمل واحساس قوي الحمد لله
الله رزقني ببنتي قلبي الله يصلحها ويخليها لي..
ويرزقكم انتوا بعد..

هذي تجربتي مابي منكم غير الدعاء وتجربونها..