الحمدلله حمدا كثيرا طيبا مباركا فيه الله اكبر كبيرا والحمدلله كثيرا وسبحان الله بكرة وأصيلا........ياااااااااااارب لا أحصى ثناء عليك
انا مشتركه فى هذا المنتدى الطيب من فتره طويله ومشوارى مع الحقن المجهرى طويل هحكى القصه كلها لأنها من أعظم العظات وحتى لا ييأس أحد من روح الله....................
حبيباتى ..........انظرن الى آثار رحمة الله.....انا هقولكم ان انا حملت بفضل الله اولا و اخيرا و رحمته وحنانا من لدنه وزكاه هدانى الى انى عملت عملية حقن مجهرى فى جده...................والله كل من تقرأ قصتى لن تيأس ابدا ابدا.............ساتابع التفاصيل على فكره بنتى الان عمرها 5 شهور ونصف الله يخليها ويجعلها ذريه صالحه
الحمدلله والصلاة والسلام على رسول الله.... ثم أما بعد فإنى أحمد الله إليكم وأثنى عليه الخير كله منه والشر ليس اليه ......الحمدلله آناء الليل و أطراف النهار....الحمدلله ينبض بها قلبى يااااااااااربى..يا من تجيب من يدعوك يا ربى وتكشف ضر عبدك يا حبيبى ...........قبل ان اسرد تفاصيل قصتى أحب أقول أن الفضل كله لله وحده لا شريك له و اننى اذا ذكرت الطبيب او المكان بخير فهذا من توفيق الله الكريم لهم فالله هو الخلاق وهو الوهاب وحده لا اشرك معه احدا ابداااااااااا................. ....انا تزوجت من 14 سنه تقريبا جلست سنه ونصف لم يحدث حمل .....فقررنا انا وزوجى ان نذهب للطبيب لنعلم سبب التأخير وطبعا عملنا تحاليل بعدها قال الدكتور ان ما ينفع الا الحقن المجهرى لكن الاول هنجرب التلقيح الصناعى.........وشعرت انا و زوجى بضيق شديد لان ظروفنا الماديه كانت صعبه وكنا لسه فى اول الطريق.........وعملنا التلقيح ولم ينجح ..بعدها ذهبت الى اطباء كثيرين هم اشهر اطباء فى مصر رغم ظروفنا الماديه الصعبه...وكلهم قرروا انه لابد من الحقن المجهرى...........كانت هذه المسأله شديده وصعبه جدا علينا وخصوصا ان اهلى واهله كانوا رافضين المساعده تماما فى هذا الموضوع ولا احد يهتم بنا اصلا خلفنا او ما خلفناش وكان مبلغ العمليه فى ذلك الوقت بالنسبه لنا معضل...................حاولنا كتير ..أى أمل هنا او هناك..أى طبيب ممكن يقول لا داعى للعمليه..كله اجمع<لازم العمليه>..طيب أى انسان من اهلى او اهله يساعدنا...سبحان الله مااااااااافيش ولا بنى آدم واحد قدم يد العون.....كنت فى بادىء الامر علاطول حزينه وحيرانه ومش عارفه اعمل ايه؟؟؟؟؟؟؟؟...كل اللى اعرفهم خلفوا اللى اكبر منى واللى اصغر منى و اختى الصغيره وكل اخوات زوجى واصحابى وجيرانى ...جلست 5 سنوات مكتوفة الايدى حيرانه اذهب بين حين وآخر لبعض الاطباء الصغار هذا يعطينى منشط وهذا يقول ريحى نفسك واعملى العمليه....................وزا د من العذاب اننا مررنا بضائقه ماليه.أظلمت الدنيا فى وجهى وضاقت على الارض بما رحبت وتخلى الجميع عننا ..........الجميع بلا ادنى مبالغه.....لا ادرى اين اذهب ...لمن اشتكى حالى وابث احزانى...........وفجأه انتبهت من غفلتى.. من نومتى العميقه.. .. ..كيف لا ادرى لمن اشكو....وباب ملك الملوك مفتوح لا يغلق ابدا .. .. ..فذهبت الى مسجد من المساجد كانت تلقى فيه بعض دروس العلم...........وقبل صلاة المغرب جلست ابكى فى ركن من اركان المسجد بحرقه.......
تقدمت منى أخت كانت تنتظر الدرس و قالت لى دون أن تسالنى عن سبب بكائى <انا كنت فى مصيبه كبيره وكنت دائما ادعو الله فى كل وقت و كل مكان ففرج عنى همى لا تيأسى من رحمة الله أبدا>...كانت اول مره احضر درس علم ومنذ ذلك الحين وانا ادعو الله وانا قائمه او قاعده او نائمه على كل كل الاحوال وفى كل الاحيان...............وكانت دعوتى ان يفرج الله على ويهب لى الذريه الطيبه ويرزقنى المال......كان ابتلائنا ايضا فى الاهل والاصدقاء.......الجميع قاطعنا ..لم يعد يسأل علينا احد بالمره ....ولكنى الحمدلله عرفت الحكمه من ذلك.....سأخبركم بها فى النهايه...............زاد يقينى فى الله وتعلق قلبى به واشتدت الازمه..........وازداد دعائى و رجائى وتوسلى..واخرجت صدقه صغيره لطفل صغير وقلت ياااااارب هذا ما أملك وأنت ملك الملوك........................أقسم بربى..........بعد ايام قليله جدا دق التليفون واذا به زوجى يخبرنى ان انهم فى العمل اخبروه انه سيسافر الى السعوديه لان الشركه لديها مشروع هناك.........على فكره هو مهندس.........رباه......لم اصدق اذنى........آه يا ربى يا سميع الدعاء
وسافر زوجى الى المملكه وبعد وقت قصير ذهبت اليه لاداء العمره والحج..........واعتمرت وحجيت انا يا من كنت بالامس القريب جدا لا يهتم احد بحالى ..... وبعد مده ليست بالطويله عاد حلم الانجاب .........الآن ممكن <على فكره انا بحاول اختصر عشان ما اطولش عليكم> ذهبت للدكتور مجدى الشيخ فى مصر ......وكان كل اللى معانا تقريبا ثمن العمليه وجهزنى للعمليه الحقن وما الى خلافه وعملت العمليه وكان كل شىء ممتاز لكن سبحان الله لم يكتب لها النجاح ..........لكن سبحان الله رايت رؤيا ولأول مره انى فى الحرم فى مكه وادعو الله بالانجاب فاستيقظت مستبشره جدا جدا وكانت من اعظم البشارات لى ومكثت بعدها حوالى سنه ونصف كانت الاحوال اصبحت افضل بفضل الله فكررت المحاوله عند الكتور محمد ابو الغار فى مصر ونفس القصه جهزونى للعمليه وكان كل شىء اكتر من ممتاز .............وسبحان الله ............لم يكتب الله لها النجاح..........حمدنا الله واسترجعنا والحمدلله وفقنا الله وفتح لنا باب الصدقه الصدقه يا اخواتى من اعظم الابواب للدخول على الله الكريم الودود............كنت انا وزوجى نتصدق سرا وعلانيه وكنت دائما اقول<فى يوم من الايام هتعطف على يا رب>.............وكررت المحاوله مره اخرى بعد سنتين وكانت الامور افضل بفضل الله ومنه وكرمه وعلى فكره انا مقيمه فى جده وكل مره انزل مصر لاجراء العمليه..............هذه المره كررتها عند الدكتور محمد يحيى وزى كل مره البويضات ممتازه التلقيح ممتاز الاجنه جيده جدا وايضا لم يكتب الله لها النجاح............
حمدنا الله الكريم واسترجعنا انا و زوجى و اكثرنا من الصدقه بتوفيق الله بالذات على الناس اللى اتخلوا عننا واللى أذونا ........فى هذه الأثناء توفى والدى الغالى رحمه الله وغفر له وبعده توفيت حبيبتى جدتى التى هى أمى من بعد أمى فهى ربتنى بعد وفاة أمى انا واخواتى ونحن اطفال اسأل الله أن يغفر لها ولابى مغفرة من عنده ويهبهم رحمه وكل اموات المسلمين ...............كانت جدتى تدعو لى و لزوجى وخاصة لزوجى فقد وفق الله زوجى انه اكرم جدتى و بعث لها لعمل عمره مرتين فهى ربتنا وليس لها احد بعد الله الا انا واخوتى.........زواكرمها زوجى وكان هذا من ارجى الاعمال التى كنا نتشفع بها عند الله ودعاء جدتى عندما رأت الكعبه قالت اللهم اكرمهم كما اكرمونى ...........المهم بعد فشل ثالث عمليه ووفاة أبى و جدتى زاد يقينى بالله ووفقنى الله ان تعرفت فى الحج على اخت مصريه علمتنى التجويد واصبحت اذهب الى مجلس قرآن لأعلم و أتعلم القرآن......وزاد الخير وزاد الدعاء والرجاء وعلمت ان من يتعلم اسماء الله الحسنى ويدعوه بها ان شاء الله يستجيب له الله فقرأت كتاب اسماء الله الحسنى لاب القيم ........فازداد يقينى وحبى لله وفرحى بالله.........فاصبحت انا وزوجى بفضل الله علينا نسارع فى الخيرات اى حاجه اى حاجه فيها خير اكرام ضيف ..صدقه..صله..اى حاجه ...دعاء......هذه هى اسباب تفريج كرب سيدنا زكريا.........
بعد فشل ثالث عمليه ووفاة أبى وجدتى رحمهما الله ساءت حالتى النفسيه جدا وحصل لى احباط ولكن ده لم يمنعنا بحمد الله من الصدقه والدعاء .........بعد مده قصيره أخبرتنى صديقتى ان مستشفى الملك عبد العزيز فى جده فيها قسم أطفال أنابيب وان عندهم اجهزه ومعامل كويسه جدا.......وهناك طبيب صديق هيسهل لنا الموضوع ................وفعلا ذهبت وجهزونى للعمليه بصعوبه لان لا يوجد اهتمام مثل المستشفيات الخاصه.........الموضوع كان فيه اهمال لكن قلت ماشى الحال.....زوربنا يسهل لى فيها ..........وحددوا لى ميعاد العمليه و ذهبت انا و زوجى فى الصباح وانا صايمه طبعا..و لبست لبس العمليات و كنت فى غرفة خارج حجرة العمليات فى انتظار دورى..وكنت احكى واتكلم مع اخت كانت تنتظر دورها وكان المفروض دورها بعدى.....وفجأه سمعت طبيبا ينادى اسمى من داخل غرفة العمليات .............قلت خلاص حان دورى..و اذا بالطبيب يقول : <عمليتك اتلغيت>.............ليه يا دكتور قال:العينه غير صالحه......مش عارفه اوصف احساسى لكن قلبى كان بيكلم ربنا وحمدت الله واسترجعت و هدأ حزنى علاطول وجاءت الممرضه لكى تخرجنى خارج الغرفه كنت حاسه بحزن عميق .........نادت على الاخت اللى كنت بتكلم معاها وقااااااااالت أجمل كلمه فى أصعب وقت<لا تقنطى من رحمة الله> وكأنى اسمعها لاول مره ونزلت برد وسلام على قلبى ورجعنا البيت ..............وقررنا ننسى شويه موضوع العمليات...........ولو ان العمر بيجرى ........لكن اللى مع الله واللى قلبه متعلق بالله ما يفكر فى عمر ولا غيره دى الكلمه اللى دائما اقولها لنفسى حتى الآن......كله بأوان
جلست بعدها كام شهر وفى النفس حاجات كما هى واشتد الابتلاء ان فى ناس من أقاربنا اكتشفوا ان احنا راضيين بحالنا وسعداء وحامدين ربنا وعندنا امل كبير فيه فقرروا أن يخرجونا من هذه الحاله الجميله مع الله علشان يدخلوا قلوبنا الحزن والسخط على امر الله فأخذوا يلوكون بالسنتهم ويخوضوا فى الموضوع هنا وهناك ويوصلوا لنا الكلام مختصر اللى قالوه ان انا ما بخلغش والدليل عندهم العمليات اللى عملتها وفشلت و ألفوا قصص وروايات دون ان يخافوا الله فى او فى زوجى . لم نرد بكلمه واحده و لا كلمه واحده وتوجهت بكل كلامى وبثى وحزنى الى الله اشكو له همى وضعفى وقلة حيلتى وقلة حيلة الاطباء افتقارى اليه وغناه عنى وعن العالمين شكوت اليه كيدهم ومكرهم و حسدهم اقول لكم حاجه والله هؤلاء الظالمين لم يقدروا الله حق قدره ألم يعلموا ان الله على كل شىء قدير و أن الله قد أحاط بكل شىء علما...................
لكن طبعا زى ما بيقول المصريين العيار اللى ما يصيبش يدوش ..........كلامهم تعب نفسيتنا وصعبت علينا نفسنا و كنا لسه طالعين من موضوع فشل عملية مستشفى الملك عبد العزيز........................ .وذات يوم كنت اتصفح منتديات الحمل والولاده ع النت عموما ومنتداى المفضل عالم حواء................و دى بداية الفرج................الله الودود اذا اراد امرا هيأ له الأسباب
أثناء تصفحى قرأت أخت كاتبه موضوع عن دكتور اسمه محمد خالد فى مستشفى عرفان و باجدو اكيد كلكم تعرفوه هى كاتبه انه كويس لكن مش بيتكلم مع المرضى و دائما مكشر عملت بحث ع النت لقيت ناس كثيره تذم فيه و فى طريقته_أكرر وبإلحاح الفضل كله لله وحده لا أشرك به احدا ابدا_المهم سالنا عنه دكتور نعرفه فى عرفان قال ان هو ربنا مسدده ...............المهم قلت لزوجى تعالى نروح ونشوف مش هنخسر حاجه ثم ان الامر كله بيد الله من اوله الى اخره.......................... .و ذهبنا كالعاده زى كل مره عند اى دكتور وحكيت له القصه و العمليات اللى عملتها سألنى علاطول سنك كام قلت له 36 سنه و عمل سونار وقال لى عاوزه تعمل لى كمان محاوله قلت اه ..................طبعا انا رحت له بحكم خبرتى فى العمليات فى الوقت اللى المفروض نبدأ فيه............على الفور كتب لى الحقن الديكابيبتيل وقال ابدأى
ملحووووووووووووظه هااااامه جدا العمليه دى تقريبا الوحيده اللى كانت سرا سرا سرا لا يعلم عنها احد الا الله ثم انا و زوجى المهم خلصت الديكابيبتيل و ذهبت له بدأ فى الحقن المنشطه كان نوع اول مره اعرفه لكن طبعا هو نفس الماده الفعاله ولكنها اسماء تجاريه وأخذت الحقن وذهبت له جددها مره واحده ثم حدد ميعاد عملية السحب
يااااااااااااااااارب تعلم انى اعلم ان الفضل لك وحدك و الحمدلله تمت عملية سحب البويضات عادى و قعدت ف المستشفى للساعه 7 مساء وقرر ميعاد ترجيع الاجنه رابع يوم من السحب ................ و يوم الترجيع دخلت حوالى الساعه 1 ظهرا وجاء الدكتور ورايت الاجنه اثناء الترجيع كانوا4 اجنه 2 ممتاز 2 جيد جدا وده كويس وتوفيق من عند ربنا بالنسبه لحالتى والدكتور سمى الله واجرى الله ع لسانى هذه الايه _وما رميت اذ رميت ولكن الله رمى_ وذهبت للغرفه وع فكره دى اكتر عمليه اتحركت فيها بعد الترجيع وانا فى المستشفى لانى كنت عاوزه اذهب للحمام هناك شىء جدير بالذكر فى هناك اخت تعمل مع الدكتور فى المعمل احسبها من الصالحات فما رايتها الا دائمة الذكر والتسبيح وان شاءالله تكون احد اسباب السداد........................ .............
طول هذه المده لم نرى من الدكتور الا كل خير كلمة حق أقولها لوجه الله..........قال الدكتور 17 يوم وتعملى تحليل بيتا HCG .........طول المده دى ال17 يوم كنت عايشه عاااااااااادى جدا دون بذل مجهود ............لكن بعد15 يوم نزلت افرازات بنى اتصلت بالدكتور وقلت له قال اعملى التحليل بكره ..............هذا ما كنت اخاف و احذر..........
كنت بأقول لزوجى بلاش نروح ياما عملت تحليل الحمل ده وكانت النتيجه دائما اقل من1,. .......قال لازم نعمله احنا متوكلين على الله..............زكان عندى امل رغم ان وجع الدوره شغال جاااااامد والافرازات البنى موجوده...كان عقلى يقول دوره وقلبى يقول المره دى حمل ..........وعقلى وقلبى كلهم ثقه فى الله ارحم الراحمين.................زو ذهبنا الى المستشفى العصر اعطيتهم العينه ورحنا نتغدى وقلت لزوجى انا هدخل احضر النتيجه وانت انتظرنى بالخارج لان مش هتلاقى مكان تركن وكده كده مش هنقابل الدكتور لان اكيد دى اعراض دوره............ وفعلا رحنا بعد ساعتين لاحضار النتيجه وانتظرنى هو بالخارج..............سألت قالوا لسه ثلث ساعه و انتظرت وسألت تانى قالوا خذيها من المعمل هى بتتطبع...................نظرت الى الورقه من بعيد الخط مش زى كل مره الخط تقيل المره دى...........وقربت من الورقهPOSITIVE 205 وسألت الممرضه دى انا قالت ايوه............لااله الا الله وحده صدق وعده و نصر عبده و أعز جنده وهزم الاحزاب وحده
ولا حسيت بنفسى جريت من المعمل على السلالم و اتصلت بزوجى كبر هلل سبح اناااااااااااااااااا حااااااامل و لا عمرى كني احلم ان اليوم ده ييجى واقول الكلمه دى لولا ان من الله علينا شاء الله ان تفرج فى هذا التوقيت على يد هذا الدكتور فى هذه المستشفى رغم انهم مش واخدين شهره واسعه.....وحاجه ايضا جديره بالذكر انا شفت هناك اثناء متابعتى ناس كتير ما شاء الله نجحت العمليه معاهم اكرر اكرر هذا من فضل الله وحده لا شريك له الله الله الله لا اشرك به احدا ولا فضل لاحد الا الله والدكتور سبب سدده الله فى عمليتى انا و غيرى ليقضى امرا كان مفعولا...........
الحمدلله يا ربى الحنان المنان........وخبيت الخبر انا وزوجى عن الجميع الا أختى فى مصر و صديقتى المقربه جدا والمقيمه معى فى جده وأعلنا الخبر للأهل فى حوالى نهاية الشهر السابع........................ ........انا اختصرت كتير قوى عشان ما اطولش عليكم ...............أى استفسار عن أى شىء أنا حاضره
الآمله فى الله @alamlh_f_allh
عضوة نشيطة
يلزم عليك تسجيل الدخول أولًا لكتابة تعليق.
سهرررر
•
الف مبروك ويخليها لك ويصلحها يرزق من يشاء ويذل من يشاء اللهم انى اسالك ان ترزق كل محروم ويرزقك انتى بالولد
الصفحة الأخيرة