عيوني قالت لي الدكتورة ان كل التحاليل سليمة والحمد لله , وهي عملت لي تحليل (تكسوبلازما) عشان تتأكد ان ماعندي جرثومة ,لان وجود جرثومة للحامل طبعا يخليها تجهض , والحمد لله مافي وكمان سوت لي تحليل هرمن الحليب عشان تتأكد انه مو مرتفع لانه اذا كان عالي معناها الوحده تجهض في كل حمل , لكن لقته عندي طبيعي والحمد لله , وقالت لي غير معروف السبب . وان لازم آخذ حبوب حمض الفوليك حبة كل يوم الى ان يتم الحمل عشان تمنع الاجهاضات المتكرره , وكمان حبوب (دفستون) بس في الشهر ايلي ابغى احمل فيه عشان يثبت الحمل ويمنع حصول اجهاض . وطبعا هذا الكلام من دكتورتي وهي استشاريه وممتازه .
وشوفي الحمد لله دحين قالت لي باذن الله راح يستمر الحمل بس استمر للشهر الخامس على الحبوب(دفستون) .وشوفيني كل ما اروح زيارة للدكتورة تلاقيني ميتة خوف ..

فانتي لازم قبل ماتحملي تسوي التحليلين هذه حتى لو من نفسك تروحي لاي مختبر وتسويها . وطبعا النسبة الطبيعيه لهرمن الحليب من (4 إلى 24) اما لو كانت اعلى فمعناها لازم تاخذي دواء ينزله ..

اسال الله ان يعوووضك خير ويرزقك بالذريه الصالحه ان شاءلله :26:

أختي شوفي جبت لك اسماء التحاليل ايلي مهمة وانا سوتها لي الدكتوره وهي :

1- Toxoplasma IgG
2- Toxoplasma IgM
3- Cmv igm
4- cmv igm
وطبعا لاتنسي تحليل هرمون الحليب وايلي هو prolactin

الف الف الف شكر لك يا اختي داااااااااانه يارب يسهل عليك حملك ويرزقك وتقر عينك بمولودك

بسألك كلها عن طريق الدم؟؟؟؟؟؟؟؟؟؟

نعم .. كلها عن طريق الدم والنتيجه تطلع بعد 3 أيام أعتقد . وانا في كل الاجهاضين سوتها لي الدكتورة للاطمئنان .

والله اني حآسه بيكي لاني مريت بنفس الشي , بس اذا طلعت النتايج كويسه معناها باذن الله ماعندك مشكله والمفروض من دحين تبدئي تاخذي حبوب حمض الفوليك بس يكون مكتوب عليه(1 مل) كل يوم تاخذي حبه , حتى لو صار حمل بعد كم شهر ما تضر أصلا حمض الفوليك لنها حديد , لكن اذا صار حمل لازم تغيري من (1 مل) الى (5 مل) لانه حق الحوامل . وكمان الشهر ايلي تنوي فيه الحمل بمجرد ماتنتهي من الدورة خذي دوفستون كل يوم حبه صباح وحبه مساء , او بمجرد ما تعرفي انك حامل تاخذيها على طول لانها مثبتة وتنمع الاجهاض , وتستمري الى الشهر الخامس او مثل ما تحددلك الدكتورة .
وترى اذا بغيتي شي او استفسار انا حاضره بس راسليني على الخاص أفضل .