حملت ولكن؟؟؟؟؟؟؟؟

مرحبا ياحبيباتي ماتصدقون وش كثر فرحانه لأنظمامي لكم في هذا المنتدى الرائع
وأتمنى تقبلوني أخت وصديقه لكم وتفيدوني وأفيدكم انا كانت أخر دوره لي في 6/4/1429 وكان المفروض تجي
في6او7/5/1429 بس ماجات وقلت ياحي ياقيوم ترزقني بالحمل وللعلم كان آخر شهر 5 ادخل السنه الثالثه من زواجي واتظرت حتى 11/5/1429وكان يوم الجمعه وجاب زوجي التحليل المنزلي وقال لازم تحللين وانا رافضه مو شى
بس خلاص كافي صدمات لأني حللت قبل 10 ايام من الدوره وطلعت النتيجه سلبيه وتحطمت مع ان زوجي كان يقول انا متأكد انك حامل لأني كنت أشتكي من بعض الأعراض المهم وأزيدكم بعد ماقتنعت ورحت للمستشفى وحللت تحليل هرمون الحمل ونفس النتيجه سلبيه عشان كذا لما شفت جهاز تحليل الحمل جاني شد عضلي ورفضت وبشده
بس لما شفت زوجي زعل قلت يابنت قومي سويه وطلعت يابنات من الحمام اكرمكم الله موصدقه طلع خطين واضحين وضوح الشمس رحت عند زوجي وقلت شوف هذا صدق ولا حلم لما شافه صاح وقال صدق والله صدق انا ماتحملت قمت بكيت وربي بكيت من الفرحه الحمدالله أخيرا بأصير أم واليوم الثاني دايركت للمستشفى حللت وكانت نسبة الحمل في الدم 437 وفي الأسبوع الرابع وقال الدكتور بعد اسبوع تجي عشان نسوي الأشعه ونشوف وضع كيس الحمل المهم في أخر الأسبوع الخامس نزل علي دم بسيط وخفت ورحت المستشفى وسويت الأشعه المهبليه وكن
الكيس داخل الرحم وقام وصفلي الدكتور دافستون بس النزيف استمر وكل ماله يكثر وكانت تنزل قطع متوسطه وفي
أخر الأسبوع السادس نزلت قطعه كبيره وفيها حاجه بيضاء من الوسط وكانت شوي شديده قمت اخذتها ورحت
المستشفى وسويت اشعه وكن الرحم فاضي سقط الحمل وتوقف النزيف بعده بأربعة أيام وسويت أشعه للرحم وقال
الدكتور مايحتاج تنظيف راح الحمل وأنا الحين مره تعبانه نفسياً وجسدياً اسأل الحي القيوم ان يعوضني ويعوض كل مسلمه انه على كل شئ قدير
اللي ابي اعرفه الحين هل المشي في الأسواق لمدة ساعه وأكثر يسقط الحمل؟
هل شغل البيت مثل الكنيس والغسيل يسقط الحمل؟
هل الدرج سبب ايضاً ؟؟؟؟
اتمنى تفيدوني لأني أحس اني سبب نفسي:44: