حلمي مثل حلم اي امراءه تتمنى تجيب اولاد:06:
عشت امني نفسي لكن اللهم لك الحمد ع نعمك الكثيره
كل ماقريت موضوع عن الحمل وعن نفسيات الحوامل وعن مشترياتهم وعن تعبهم وعن انتظارهم اعيش دورهم واقول الله يتتم لهم بخير والله نفسي بطفل اضمه بكل حنان واخفي وجهي في حظنه وابكي واقول وينك ياقلب امك وحشتيني تدري انك عاق بعدك عني اكبر عقوق والله لوجيت لعطيك كل حياتي والله لاتفرغ لك بصير لك كل شي بخلي حظني سرير بخلي يدي سور تحميك بعد الله بخلي شعري تسحب فيه ع كيفك بخلي اصابعي تعض فيها لين تطلع سنونك فديتها بخلي علبة مكياجي العاب والوان لك بخلي جدار البيت لشخابيطك فديت اصابعك بس قولي ليه ماجيت لحد الحين انا ياقلبي انحرمت من امي غصب عني كنت صغيره ادور عليها واناديها وهي بعيده عني وانت اليوم تعاقبني الله يخليك لاتحرمني وجودك تعال نور بيتي تعال احي بيتي بصراخك تعال خرب نومي بطلباتك كل ما اروح السوق اوقف عند محلات ملابس الاطفال واجلس اشم الملابس واتخيل ولدي لابسها والف واشوف عربية واتخيل ولدي فيها واشوف دبدوب واتخيلك تبكي وتطلب مني اشتريها ااااااااااااااه يارب لاتحرمني يارب
كل يوم اوقف عند المرايه واتخيل اني حامل ومصدعه ولما اكون لوحدي اتخيل اني احس بغثيان وانط ع الحمام واحاول ارجع واحط اصبعي في حلقي لين تحمر عيوني شوي وتطلع معدتي من فمي الظاهر المعده صدقت:hahaha:
العام تعرفت ع جارتي وكانت توها طالعه من النفاس وانط واروح لمحل الاطفال وكان عندي 700 والله ماعندي الاهي وكنت محتاجه لهالفلوس عشان اشتري اشياء ضروريه المهم دخلت المحل حق الاطفال وانا اتخيل اني بقضي لولدي واخذ هذيك البدل والبجامات والطواقي والشربات وانسق ويجي الحساب الف ومئتان زوجي بغى يصفقني قال والله لو انك امه ماشريتي كذا جلست اترجاه قدام الناس قال بس مخصومه منك قلت عادي واروح محل الكوشات واقول غلفها وبجي بكره اخذها وصار شكلها يجنن لما قدمتها الجاره انصدمت من كبر الهديه حتى كل اللي كانو فيه يحسبوني اعرفها من زمان داخلها بالهديه ومن كبرها مغطى وجهي واصدم بطاوله كانت في طريقي والله ستر بغيت اطيح قدام الحريم بهديتي
المهم تحركت بوادر الامومه وينط عرق الامومه واروح اشتري تحليل الحمل وكل شهر مافي نتيجه ومن كثر مانقهر ودي احط خطين في التحليل ومرات ودي احط خمس خطوط :16:
المهم كل قريباتي اللي تزوجو بعدي اللي حامل واللي والد واللي في الاربعين الله يبارك لهم وانا اتبطح في الصاله للغرفه واحط ايدي في سرتي عشان اسمع فيه نبض ولا لا واحيانا اقلب الحمام مختبر واحماض وكيمياء كاسه من الكلوركس نصف كاسه من البول المركز يخلط المقدار وننتظر النتيجه :06:
اه ياطول الانتظار ودي الله يرزقني باربعه تؤم اعوض السنين ياترى هل بصير ام هل بيكون عندي طفل اغاغيه واناديه والبه واسبحه وانومه في حظني يارب ماتحرمن من هالشعور
الله يرزقني وكا من تتمنى الطفل والله ان بقلبي غصه ودي بطفل يعوضني ايام عشتها مثل اليتيمه ودي افرح بقية عمري بطفل اذا ضحك انفتحت لي السعاده واذا بكى بكيت معاه والله اني لادلعه وابسطه بس هو فين وينك يمه وينك طال غيابك تعال قبل يندفن جسمي بالتراب تعال خلني اضمك بقلبي واقول ياعالم انا ام الله يرزقني ويرزق من يتمنى
خمس ورود @khms_orod
عضوة نشيطة
يلزم عليك تسجيل الدخول أولًا لكتابة تعليق.
عشق القهوة
•
اللهم امين يارب جميعا
خمس ورود
•
الله يرزقنا انا وانتي بتوام قطعتي قلبي وانا اصلا ابي من يصبرني ااااااه بس ياربالله يرزقنا انا وانتي بتوام قطعتي قلبي وانا اصلا ابي من يصبرني ااااااه بس يارب
الله يرزقني ويرزقك وعقبال مانتشاور في اكلات تفيد الحوامل اللي معاهم تؤم يارب
الصفحة الأخيرة