حبيبتي جربي زبدة الكاكاو انا كنت استخدم زبدة الكاكاو بس مو فازلين بس اكيد اللي من فازلين حلو احاول انزلج الصورة انا عن نفسي استخدم كريم الترطيب من بالمرز رووعة فيه جليسرين وتلاحظين النعومة من اول استخدام

بنات مادري شو مشكلة النت مب قادرة احمل الصور بنات بليز ابغي تفاعل انا احاول احمل الصور وراجعة بقوة

غرشة عسل ياعمري انتي والله انك عسل بجد
انا معاكي قلبا وقالبا خخخخخخخخ
وامنى استفيد منكم لاني ماراح اقدر افيدكم بشي لاني مهمله بقووووووووووووووه ومااستخدم اي شي مو مني والله بس احس مافي وقت يومي كله شغل بالبيت وعيالي مو مخلين عندي وقت شقاوه الله يهديهم مو طبيعيه لكن ان شاء الله اتحمس معاكم

selen حبيبتي الحين بحطلك اشيا ما تاخذ من وقتك تقدرين
تحطينها يوم تتسبحين ^^

ابدا اول شي بالليفة اي ليفة تستخدمون
انا صراحه على قد ما جربت
مافي احسن من الليفة المغربية
وهي صورة اللي عندي

الصابون المغربي تقدرون تحصلونه بكل مكان واايد حلو عالجسم ينظف واايد
انا يا يبين لي هذا من المغرب لكن تحصلون انواع كثيرة في دبات وغيره


راح اخبركم عن شي مادري اذا تعرفون عنه لكن انا من مدة طويلة
خبرتني وحده تايلندية عنه وقالت انه سر بياضهم ونضافتهم
وبعدين سمعت من وحده مغربية انهم يحطونه على جسمهم
واللي هو حنه الجسم بنات ركزوا حنة الجسم تختلف عن حنة الشعر هذي ما تصبغ موول
ومثل الكركم تنظف الجسم انا ما لاحظت بيااض فعال لكن النتيجة مرضية وجسمي حسيته نظيف
تقدرون حتى تستخدمون الكركم ما جربته لكن سمعت كلام حلو ويحطونه للعرايس ف اكيد نتيجته حلوه


طبعا كلكم اظن عارفين الملح والحليب صراحه بنات جربته لمناطقي الحساسة بس بعدني ما كملت اسبوع
والله اتمنى القى نتيجة راح اعطيكم النتايج

بنات راح تحصلون صورة كريم كب في بداية الموضوع
انا اخلط شوي من كريم كب مع هذي السنفرة واحطهم تقريبا
ربع ساعة ولا عشر دقايق جربته من اسبوع تقريبا والنتيجة عايبتني
جسمي بدا يبيض واحس انعم




بعد ما اسبح واخلص
امسحه على جسمي يخلي جسمي رطب وناعم
وقريت في مكوناته في جليسرين وانتوا عارفين الجليسرين شو يسوي
على فكرة جربوا تحطون جليسرين و ليمون على كوعكم وركبتكم
النتيجة روعة في 3 ايامن جربوها ولا حظوا حتى لو نص ساعة في اليوم
انا ما عرف حد جربها وما بيضت ولا نعمت هذي المناطق


وحتى هذا الكريم جلسوليد الاحمر رهيب للكوع والركب


خلطات سريعة :
طبعا اكيد عرفتوا ان بشرتي دهنية ^^
من جي انا استخدم هذي الخلطة ومكتوبة في بداية الموضوع
بيض + نشا + شوفان
واللي بشرتها جافة تستبدل البيض بشي ثاني البيض ينظف ويهي
احس بنضارة لما احطه طبعا احطه 10 دقايق ولا ربع ساعة يعني لما ينشف اغسله
احط كل يومين


وهذي خلطة الزنجبيل :
مقاديرها مكتوبه في بدايه الموضوع
ما تنفع للي عندهم حب شباب وهذي الاشيا
واللي عندهم بشرة دهنية ( ههه ادري ذليتكم بالبشرة الدهنية )
انا حطيته يومين ورى بعض ويهي احمر
ف بحطها ف الاسبوع مرة لان المرة الاولى يوم حطيتها حسيت الدهون فعلا خفت
وحسيت ويهي صار نظييييييف

مستحضرات عالخفيف :
هذي المستحضرات خفيفة
وتنفع للي ماعندهم وقت مثل سيلين ان شالله تعيبج


الله يسلمكم دايما مرتين ولا ثلاثه ف الاسبوع استخدم هالمستحضر العجيب
انا احط شوي منه على قطن وامسح رقبتي والله شي رهييب جربوه وشوفو
وسعره واايد رخيص وتحصلونه ف كل مكان

هذا صابون اغسل فيه ويهي حلو واايد تحصلونه ف مذر كير
في لوز حلو ولما تحطينه على ويهج بتحسين بنضارة ف ويهج

الله يسلمكم يا بنات هذا لصاحبات البشرة الجافة واايد مفيد يغذي بشرتهم
كبسولات فيها زيت تمسحينه على ويهج
او حتى ترومون تحطونه بعد ما تسوون الفيشل


واتمنى ما اكون قصرت
وابي تفاعلكم يا بناااااااات
حتى اللي ما يستخدمون شي
يخبرونا مشاكلهم ونساعدهم
يد بيد نوصل للي نبيه