حملك خفيف ... ماشاء الله

صباح الخير...
بنات انا الحين في الشهر الثامن انا مستغربة من شي بس قولوا ماشاء الله ...
حملي هذا احسه خفيييييييييييييييييييف جدا رغم اني في الشهر الثامن .. اول كنت احس بشوية ثقل يمكن في السابع بس من دخلت الثامن والله يابنات لو مو الشد اللي يجيني من تحت وحركة البيبي ورفسته مااقول انه بطني فيه شي...
رغم كل حمولاتي السابقة ( حلوة حمولاتي تراها جمع حمل ههههههه) الثامن كان اثقل شهر في حمولاتي السابقة.. وهذا حملي خفيييييييف مرة ..
ايش رأيكم يابنات ممكن يكون اللي في بطني ولد ... انا متأكدة اني مااتوهم .. تصدقوا احلامي قبل احمل كانت تقول اني باحمل واجيب ولد وانا حملت من غير تخطيط وكنت استخدم العزل بس قدر الله وحملت وقبل احمل حلمت حلم عرفت منه اني حامل وفعلا حللت وطلعت حامل ولمن فسرت الحلم عند وحدة متخصصة قالتلي بتجيبي ولد وكل احلامي تدل على الولد .. احلام اول مرة احلم بها في حمولاتي ..( تراني قاعدة افضفضلكم) يعني لاتقولولي انها في بالك.. ماسبق وحلمت بها على بناتي السابقين .. وعندي احلام من قبل احمل تقول انها ولد .. بس يابنات:icon33:السونار مرتين قال بنت وعند دكتورتين مختلفتين ... انا حزينة احيانا اقول الله مو راضي علي عشان كذا ماراح يرزقني لان كل اللي حولي عندهم بنات واولاد انا بس اللي عندي بنات .. ( لاوحدة تتفلسف علي وتقولي متخلفة ورجعية .. احنا مجتمعنا ذكوري ومهم يكون اخ لبناتي) وزوجي زعلان يبغى ولي العهد..( والله اني اموت على الارض اللي يمشوا عليها بناتي وزوجي ماتتصوروا لاي درجة يدلعهم .. حتى الناس يقولوله انت مزود دلعهم حبتين) يعنينحبهم وهم صديقاتي .. لكن انا من جد حزينة وماني متحمسة مرة للولادة ولا للتجهيز ..( يارب ماني معترضة على اختيارك لي .. اجبر بخطري يارب وخاطر زوجي...) اتمنى اللي عندها دعوة حلوة ومشاركة حلوة او اللي حابة تفضفض تكتب كلمة حلوة واللي بتنتقد وتقول متخلفة وولد وبنت تسكت ... انا مؤمنة بالله وراضية باختياره لكن النفس الانسانية تواقة للنوعين ... لان جارتي عندها اولاد وكانت تمووووت وتجيب بنت وربي رزقها اخيرا ببنتين يعني مو مسألة الولد افضل من البنت لو كان عندي اولاد كنت اتمنيت البنت ...
اعذروني على الاطالة بس مالقيت غيركم افضفض له .. وهل يابنات خفت حملي تدل على الولد