شكرا ياغرام الطائف ......... تجربتك حلوووه ربي يسعدك :)

السلام عليكم ورحمة الله وبركاته ،،، شكرا غاليتي REME

بذكر لكم قصة حصلت لي من فترة ،،، رحنا زوجي وأنا لسوق دبي للأوراق المالية يوم الخميس الصبح عشان نسجل فيه وناخذ رقم مستثمر والصراحة أنا ما كان لي خاطر أني أروح بس رحت ،،، اللي قد راحت له بتعرف كيف الوضع فيه وكيف الزحمة والله أنا ما كنت حابه أروح خصوصا أن ما تقدرين تمشين في المكان من زحمة الريايل فيه ،،،

المهم دخلنا وعطونا أرقام يعني لازم ننتظر لين ما يجينا الدور وقعدنا ننتظر ورقمنا كان بعيد ما أذكر كم بس شكلنا بنطول لين ما يجي دورنا ،،،

أنا كنت حاطه في شنطتي كتيب أذكار اليوم والليلة وقعدت أقراه ولما خلصت كنت متضايقة لأن دورنا بعده مطول فجلست أستغفر من كل قلبي وفي نيتي أن الله يسهل علينا ونخلص وأرجع البيت خصوصا أني مخليه ولدي في البيت ،،، وبعد مدة من الوقت وسبحان الله وحدة كانت قاعدة وراي نادتني وقالتي كم رقمج أنا استغربت بس قالتلها تعرفون شو سوت عطتني رقم قريب لأنها ما تحتاجه والله يسر أمورنا وخلصنا وخذنا أرقام المسثمرين ورجعنا البيت ،،، بس ما تصدقون والله سبحان الله الاستغفار شي عجيب وانا كل ما اتضايق من شي أو يكون شي متعسر في حياتي أتذكر هذا الموقف واستغفر لأني موقنه في أن الله بيستجيب لي

واسمحولي وأن شاء الله ما أكون طولت عليكم وتستفيدون من قصتي ،،

وأحب اشكر كل الأخوات اللي قالولنا قصص حلوه عن الاستغفار وشكر خالص ل Reme
صاحبه الموضوع الشيق واللي لازم نحطه في بالنا ،،،

اختي Nights Soul
جزاج الله خير والله يسعدج ياااااااااااااااارب
مشكورة انج شاركتنيا بتجربتج الي تشجعنا على الاستمرار في الذكر
والله يوفقج يارب

استغفر الله العظيم اللذي لا اله الاهو الحي القيوم واتوب اليه
اللهم اغفر للمسلمين والمسلمات الاحياء منهم والاموات

خواتي غرام الطائف و Nights Soul

جــــــزاكم الله كل خير عالتشجيع وذكر تجاربكم

أدعو لي الله يحقق لي ما اتمنى

أختكم المحتشمه

يارب الله يرزقج بكل الي تتمنية
والله يوفقكم يارب