رهـ الاحساس ـف :

ماشاء الله هذا مو رسم مبتدئين هذا رسم محترفين ماشاء الله ولاحول ولاقوة الا بالله الله يحفضلك عيالك بس كيف اتقنتي رسم الرسوم حطيتي صوره خلف الزجاج؟؟ بالتوفيق

ماشاء الله هذا مو رسم مبتدئين هذا رسم محترفين ماشاء الله ولاحول ولاقوة الا بالله الله يحفضلك...

طيبة الكويتية :

سلام للجميع اول شي آسفه على التأخير بالرد بس مو بايدي, كنت كل ما احاول ادخل الموقع تطلع لي رساله تقولي فيه شي غلط. المهم. اشكر الجميع على مرورهم و اعطائي دفعه قويه للأمام :26: :26: هذي ورود مني للجميع. أختي " نور عيني جنان" الحمدلله انه اعجبتج الصور. أختي " nani 1" ان شاءالله راح استمر بس دعواتكم. اختي " الوعد الحق 1" شاكره لج مرورج اختي " طيف و لحظات الأشواق" والله مبتدئه بدليل اني احط الرسمه خلف الزجاج و اشفها بالتحديد بعدها ابدي تلوين. و الفن خليناه لأهله

سلام للجميع اول شي آسفه على التأخير بالرد بس مو بايدي, كنت كل ما احاول ادخل الموقع تطلع لي...

طيبة الكويتية :

سلام يا اختي " كنانة" بالنسبة لسؤالج, نعم لوح الزجاج انزله و انظفه من الغبار بالماي و الصابون هذا اول شي. بعدها احط الرسمه اللي ابيها بعد تكبيرها في الخلف و احددها و لما يجف التحديد ابدي بالتلوين و اللوح مازال على الأرض علشان الألوان ما تسيل نفس ما تفضلتي. عارفه يا كنانة الشي هذا مع انه جميل لكن متعب لأنج لما تنزلين اللوح ما تقدرين تشغلين المكيف لا يخترب. يعني تبقين من الخيسه لين تخلصين كل شي والله يكون بالعون يارب.

سلام يا اختي " كنانة" بالنسبة لسؤالج, نعم لوح الزجاج انزله و انظفه من الغبار بالماي و الصابون...

حسبي الله العظيم :

طيبة الكويتية :

اختي "dubai2" شاكره لج رايج بالرسمات, و هذا عمل مبتدئه لأنه توني ما صارلي شهر و نص من بديت ارسم على الزجاج, لكن لإني حابه الموضوع فقريت عنه وايد وايد و شريت كتاب علشان ازيد الحصيله اللي عندي. اما شرح الطريقه مالت الرسم على الواح زجاج البلكونات اهي طويله لكن ولا يهمج من عيوني الثنتين تامرين أمر. اول شي تختارين الرسمه اللي تبين ترسمينها على الزجاج. و تطبعينها من الكمبيوتر بحجم الصفحه العاديه A4, اذ كان الزجاج اكبر مثل زجاج البلكونات او الشبابيك تودين الرسمه اللي طبعتيها عند اي مكتبه و تكبرينها , بالنسبه لرسمة غرفة ولدي سويتها حجم A1, صج انها كانت صغيره شويه لكن مثل ما شفتي كملتها من فوق و تحت بالفراشات. اما الرسمه مالت غرفت نومي فكان فيه مجال اني اقص الرسمه بالنص بدون ما ااثر عليها و اكبر كل نص بحجم A1, و بعدها ترجعين تلصقينهم مع بعض باي لاصق. علشان تكون عندج الرسمه كامله كبيره. قصدي من كل اللي كاتبته انج ممكن تتحكمين بمقاس الرسمه اللي ناويه ترسمينها على حسب مقاس الزجاج اللي راح ترسمين عليه. نروح لنقطه ثانيه و اهي الألوان و نوعيتها. شوفي انا استعملت وايد انواع بالرسم كلهم للزجاج لكن باختلاف الماركه, مثال: تستعملت الوان اسمها WACO هذي تحصلينها بأغلب المكتبات, بحكم انه اسمج دبي اعتقد انج من الامارات من دبي. تحصلين النوع هذا في دبي في مكتبة المجرودي في ديره سيتي سنتر او اللي بجميرا. او المكتبات في الشارقه في حلوان شارع واسط مقابل المستشفى القاسمي. و هذا النوع اهو اللي استخدمته في الغالب حق التلوين نوع ثاني استخدمته بالتلوين اسمه Pebeo vitrea160, هذا شريته من مكتبة دبي للتوزيع. في دبي المكتبة هذي في بناية الياسمين و بنفس المكتبة تحصلين وايد تشكيله كبيره للألوان من نفس الماركة. النوع هذا من الألوان يقولج تدخلينه الفرن بحرارة 160 لمدة 40 دقيقه. بس الله يسلمج طنشت الموضوع هذا لأنه اللوح كبير ما يصير ادخله الفرن, و بعدين عباله من له خلق. النوع الثالث من الألوان اسمه, Camel GLASS COLOUR. النوع هذا معبأ بقطاره و سهل جدا في الاستخدام. لكن مشكلته انه تشكيلة الألوان اللي تلقينها مو وايده. الألوان هذي من الشارقه شاريتها من مكتبة بحلوان في شارع واسط. مقابل المستشفى القاسمي. مكتبة اسمها دار الهجره. و شفتهم بمكان ثاني بشارع الوحده بالشرقه بعد بجانب BHS , تذت ماني غلطانه اسمه مركز الوفا. الله يعينج و انتي تقرين وايد والله. النوع الرابع من الألوان DECOR fin , من مكتبات شارع واسط بعد في الشارقة. و هذا بالنسبة للألون. اما تحديد الرسمه ففي ثلاث الوان للتحديد, اسود و ذهبي و فضي. من ماركات مختلفه مثل WACO - Hobby line - Pebeo. الأنواع الثلاثه هذولي ممتازين لأني استخدمتهم كلهم. و لا تنسين تشترين التنر علشان تغسلين فيه الفرش او تخففين الألون. و هذا لا تشترينه من المكتبة, لنه بيكون حجمه صغير و ممكن تحصلين بره حجم اكبر وايد بنفس السعر. يعني تحصلينه بمحلات الصحيه او ملوت الصبغ. و الفرش تكون احجام مختلفه و لكل لون فرشه بروحه يكون احسن. الحمدلله بجذي نكون خلصنا من الأساسيات و نبدي عاد بالشغل التقيل و الخيسه و الحر. الله يسلمج يا اختي اول شي تنزلين لوح الزجاج مال البلكون. و تنظفينه بالماي والصابون عدل. بعدها الرسمه اللي انتي كبرتيها تثبتينها بالخلف من الزجاج و تبدين تحددين. التحديد ما يطول لين ينشف نص ساعه تقريبا او ساعه مو اكثر. بعدها تبدين تلوينين. التلوين اهو اللي ياخذ وقت لين ينشف من جذي يفضل لما تبدين بالرسم على زجاج البلكون يكون بالنهار علشان لين الليل تقدرين تشيلينه و ترجعينه مكانه و تشغلين المكيف اخيرا و تنامين. اهم شي بالتلوين انج توزعين اللون عدل و ما تبين ضربات الفرشه. الطريقه اللي استخدمتها اهي اني اغمط الفرشه باللون و انقط اشوي اشوي لين اعبي المكان اللي ابيه. جذي ممكن اللون يكون غامق. اذا تبينه فاتح بعد ما تحطين الفرشه باللون تغطينها بالتنر, راح تخف درجته. فيه لماعي يكون بدون صمغ, و له وايد الوان . الذهبي والفضي و الأحمر و الأخضر و الأزرق و غيره و غيره. ممكن تنثرينه على الألوان قبل ما تنشف يعطيها لمعه حلوه. و هالطريقه استخدمتها للفراشات في غرفة ولدي. و فيه لماعي ثاني معاه صمغ جاهز. هذا الوانه محدوده و ماله داعي تحطين اللون قبله. تحطينه اهو علطول على المكان اللي تبين تلونينه. هذا كل شي بالنسبة للتلوين. و بعد ما تخلصين تلوين تتركين الرسمه تنشف براحتها. و ثاني يوم من الرسم او ثالث يوم اللي تكونين متأكده تمام انه الألوان نشفت. فيه ماده اسمها Protective varnish ماركة واكو اللي سبق و ذكرتها باللألوان. بالفارنيش هذا الله يسلمج تدهنين الزجاج كله. الأماكن اللي ملونتها علشان تحمينها من التنظيف. و سلامتج و لج طولة العمر. اتمنى اكون افدتج ما هذرت وايد فوق راسج. و سلام

اختي "dubai2" شاكره لج رايج بالرسمات, و هذا عمل مبتدئه لأنه توني ما صارلي شهر و نص من بديت...