السلام عليكم ورحمه الله وبركاته..
انا بصراحه من عشاق هالمنتدى والي احبه كثير لعده اسباب اهم شي الاستفاده اللي استفدتها من هالمنتدى
لكن احيانا اطلع منه وانا ضايق صدري ادخل على موضوع وحده كاتبه مشكلتها او وحده تبي تستشير البنات بفستان او اثاث او حاجه ثانيه وتعالي عاد شوفي الردود اللي مالها داعي وحده تقول ..وع وش هذا مو حلو مره ..بصراحه بايخ ..ووحده اشوفه عادي
وفيه من الاخوات كثير يكتبون مواضيع يفضفضون فيها يمكن لان ماعندهم احد او مااحد يفهمهم وهي مسكينه داخله عشان احد يساعدها وتنصدم المسكينه من ردود البنات اللي بعضهم مدري وش يحسون بهاالردود اللي لو ماردت ازين
بصراحه شي يقهر كثير
انا اقول لا تعطين رايك لا ابدي رايك بس بذوق وبنيه طيبه مو بالكلام الجارح والتنكيد واذا ماعجبك الموضوع خلاص حبيبتي لاتعلقين اطلعي من الموضوع وانتهت السالفه
ثاني شي نبي نغير عن الردود الممله والسطحيه مثل(يسلمووو...مشكوره...يعطيك العافيه ...الخ)ادري هي مافيها شي بس احسها روتين فالردود تلقينه فأغلب المواضيع يعني ردي بدعوه او تعليق عالموضوع انك استفدتي منه او هالموضوع نبهك على شي انتي غافله عنه ان شاء الله عرفتو قصدي
وانا والله ماكتبت هالموضوع الا عشان هالمنتدى يكبر ويكبر ويصير منتدى كله خير وكله فائده...
اعذروني هذرتي واجده اشوفكم على خير ان شاء الله...
(انا بصراحه ماعرفت وين القسم المناسب لها الكلام ياليت مشرفاتنا ينقلونه القسم المناسب)
زهره البنفسج حنين @zhrh_albnfsg_hnyn
عضوة نشيطة
يلزم عليك تسجيل الدخول أولًا لكتابة تعليق.
عذبة الكلمة
•
انا معاك في هذا الشي احيان انزل موضوع واكون مبسوطه فيه لكن لما احصل ردود تستفزني احس بقهر بس تعودت احيانا اطنش الاعندها ردحلو تكتبه والا ماعندها لاتكتب رد يجرح والا ينرفز واتمنى انك تنقلين الموضوع الى المجلس العام
الصفحة الأخيرة