حملوني في الاسعاف و السبب .. أهل زوجي

السلااااااااام عليكم

بصراحه انا ما فكرت اكتب مشكلتي الا من بعد ما تعبت منها واسودت الدنيا في عيني راح اسرد لكم مشكلتي من بدايتها

تزوجت قبل خمس سنوات وكان عمري 18 سنه ،، زوجي كان على قد حاله بس فهمني ان راح نتزوج واهله راح يوقفون معانا لين الله يفرجها ،، انا كنت احب زوجي وضحيت بكل شي عشانه ما طلبت حفله زواج ولا شي مثل باقي البنات ،، تصدقون ان اهلي عملوليحفله خطوبه على حسابهم وامي اتصلت بام زوجي وقالت لها عزمي اللي تبينهم وفعلا البيت كان اكثر المعازيم فيه من اهل زوجي ،، حتى المهر شريت منه اشياء بسيطه ورجعته لزوجي ،، المهم لما تزوجنا سكنا في بيت زوجي بس قعدنا عندهم جم يوم وسافرنا اسبوع واحد لما رجعنا من السفر كان الوقت متأخر واتصلت في اهلي وقالوا لي احنا ننطرج فقلت لزوجي خل نروح لبيت أهلي المهم رحنا ومن الصبح رحنا بيت زوجي بس لاحظت ان والد زوجي كان عند الباب وكان ما يبغي يسلم علينا فقام زوجي راح له وسلم عليه وانا بعد نفس الشي رحت له وسلمت عليه ولما دخلت سلمت على امه واخته ورحت غرفتي وامه واخته لحقونا على الغرفه فتحت الشنط جدامهم وعطيتهم هداياهم حتى اني عطيتهم بعض الاغراض اللي كنت شاريتها لي انا ،، ومع الايام كنت احس انهم متغيريين علي فكنت اتقرب منهم كل شي اقولهم بس لاحظنا ان لما كنا ندخل البيت كانت امي زوجي تركض على غرفتها قلت حق زوجي شوف امك شنو فيها واخذ بخاطرها فلما سألها قالت له لا بس يمكن تكونون شاريين شي ما تبوني اشوفه المهم زوجي اخذ بخاطرها بس شوي شوي ابتدت المشاكل انا اسلم واهم ما يردون ما ادري ليش وتغيروا علينا مع العلم اني طيبه زياده عن اللزوم وعمري ما اتواجهت معاهم ،، المهم خلاص الوضع تأزم وايد مثلا لما كنا نطلع كانت امي تقولي لا تقفلين باب غرفتك عيب هذوله اهلج بس لما كنا نطلع ونرجع اشوف بعض الاغراض في الغرفه متغير مكانها عرفت انهم يدخلون غرفتنا في غيابا ويفتشون فيها فعشان جذي قفلتها وغيرت القفل لان كان عندهم مفتاح اضافي بس عاد بعد هذا الموضوع تأزم الوضع مع ان ما قلنا لهم انك تدخلون غرفتنا او شي بس اهم تغيروا وايد حتى ان زوجي راح وكلمهم تخيلو شنو رد ابوووه قاله انتوا لما احنا نطلع تدشون غرفنا وتفتشونها ((مع ان قسما بالله العظيم احلف وانا صايمه اني عمري ما دخلت غرفهم واهم مو موجودين فيها اصلا حتى واهم موجودين ما دخلت الا بعض المرات اللي ينعدون على الأصابع)) بس عاد الوضع تأزم ما تتخليون معاملتهم لنا حتى زوجي راح حق امه يبكي لها يقول لها يمه حرام عليج ريحيني بس اهي ما اهتمت فيه ،، بعدها عرفت اني حامل فقلت حق زوجي روح بشر امك اكيد بتفرح وبتخف المشاكل فلما راح يقولها حتى كلمه مبروك ما قالت له الا قالت له من متى اكيد من زمان وانتوا خاشين المهم زوجي رجع واهو متضايق كنت احس ان الدموع في عينه بعدها تخيلو ان اخوه تزوج وامه عزمت الكل إلا انا ما عزمتني مع اني كنت معاهم في نفس البيت ،، تضايقت وايد وانا كنت حامل وصادتني حاله نفسيه ونمت في المستشفى تصدقون انهم ما سألوا عني ،، بس عاد لما اهلي وزوجي شافوني شلون كانت اعصابي منهاره اهلي قالوا لي تعالي سكني عندنا لان ظروف زوجي الماديه ماكانت تسمح ان نسكن في شقه بروحنا ،، تخيلول يوم زوجي كان يشيل اغراضنا من بيتهم تدرون امه شنو قالت له قالت له في ثيابك في خزانه اخوك روح اخذها وقالت له عطني مفاتيح البيت اللي عندك ،، ما ادري خواتي امه قاسيه وايد ويمكن تكون سبب المشاكل اخته لان عمرها 35 وللحين ما تزوجت ،، بس بعد لو امه تبي تراضي ولدها ما بتهمها بنتها ،، المهم خواتي زوجي وايد كان متضايق من امه يقول ما جبرت خاطري بكلمه فكان ما يزورها تدرون شنو عملوا اهل زوجي فضحونا عند الناس حتى عند اقاربي انا يقولون زوجته خذته منا ما تخليه يزورنا مع اني ما كنت اتدخل بس اهو كان قلبه مليان عليهم ،، تخيلوا كانوا الناس يزورونا ويقولون لي ليش تمنعين زوجي انه يزور اهلج وزوجي بعد تخيلوا ان امه فضحته عن اصدقائه كانت تتصل فيهم تقولهم ابي اسألكم عن ولدي لان ما يزورني مع انها ما فكرت انها تتصل فيه او تسأل عنا ،،بصراحه انا ما تحملت المشاكل كلها وانا حامل تدرون شنو صار فيني رحت المستشفى وانا في الشهر السابع كنت اقولهم ما احس بحركه الجنين من اسبوع تدرون طلع الجنين ميت في بطني ،، امه اول وحده عرفت بالسالفه لان زوجي اتصل بمسئول عمله وقاله ما راح اقدر اداوم اليوم وقاله السالفه بعدها مسئول زوجي اتصل ببيت اهل زوجي لان ما كان عنده رقم زوجي وقالهم قولوا حق فلان (( اللي اهو زوجي )) يجيب معاه تقرير من المستشفى يعني ام زوجي عرفت بالمصيبه بس ما كلفت روحها انها تزورنا او حتى تجبر خاطر ولدها بعد هذي المصيبه او انها تواسيه بكلمه وحده تدرون شنو قالت كانت تقول للناس انها مثل ما حرمتني من ولدي الله حرمها من اللي في بطنها:44: بعد اربعين يوم عملو لي طلق صناعي وولدت الجنين الميت وكانت بنت المشتفى عملوا لها تحاليل وطلع انه لا يوجد اي سبب للي صار بس قالوا السبب حالتي النفسيه ، بعدها بفتره ابوي توفى وطبعا ام زوجي او اخته ما كلفوا نفسهم انهم يجون يعزون ، بس بصراحه انا شلت في نفسي على زوجي وكنت كارهه الزواج كنت متحسفه اني تزوجت بس امي واهلي مستحيل يرضون بالطلاق انا ادرى ان زوجي ماله ذنب بس انا كنت تعبانه وايد ، المهم بعد 6 شهور كنت انا حامل قلت حق زوجي خلنا نروح نزور اهلك يمكن يحنون او شي ، ورحنا وسلمنا عليهم بس كنت احس انهم وايد شايليين علي وقلبهم متروس بس كنت اتحمل وشوي شوي ما اقول ان الوضع صار ممتاز لكن تحسن شوي لاني كنت احاول اتحمل تصرفاتهم مع اني كنت ارجع البيت وانا متضايقه وابكي واتزاعل مع زوجي ،، المهم لما ولدت زوجي اتصل وقالهم وزارونا في المستشفى بس دوام الحال من المحال لان اخو زوجي الكبير تزوج وسكن عندهم واهله عناد فينا او ييمكن بسبب نفاق اخوه وزوجته صاروا سمن على عسل تخيلوا الحين بعد خمس شنوات عندها 3 اطفال وانا الحمدالله عندي اثنين بس اهل زوجي يفرقون في المعامله كثير بينا وبينهم يحبونهم تخيلوا نروح بيت زوجي مليان العاب وام زوجي اللي ما كانت ترضى ان زوجي يدخل البيت عند الباب بالحذاء((الله يعزكم)) صارت ترضى ان بيتها يصير مثل الحديقه يمكن عشان ان اخو زوجي حالته الماديه ممتازه بس احس انهم كانوا لازم يوقفون معانا احنا لان حالت زوجي الماديه ضعيفه شوي يعني اهل زوجي مو مقصرين عنهم العاب واكل ومحبه لهم ولاولادهم ،، وحق اولادي ولا لعبه ولا شي حتى زوجي يقولها يمه ليش تفرقين تقوله بعد انتوا طلعتوا وخليتونا واحنا ما سوينا لكم شي تخيلوا كل اللي صار وما سووو شي ،، انا صج ساكنه في بيت اهلي بس اخواتي مو قادره كل ما ازورهم واشوف شلون عازيين ويحبون اخو زوجي وزوجته وعياله اموووت من القهر اقول ليش ما حبونا مثلهم ،، حتى لما يصير حفله زواج عندهم زوجه حماي اول وحده تروح معاهم وانا ما يقولون لي ليش ما اشرفهم:44: انا تعبانه يا اخواتي في بعض الناس يقولون لي ان اللي صار بسبب شكلي وجمالي وانهم غيارنيين من هذا الشي وعشان جذي صار اللي صار بس والله يا اخواتي ياريتني ما كنت جميله ولا صار اللي صار ،، يقولون لي ان اخته اللي ما تزوجت اهي السبب انه غيرانه مني بس اقول على شنو يا حسره احنا حالتنا الماديه ضعيفه شوي مع انها الحمدالله احسن من قبل بكثير ،، يعني اذا بسبب الزواج عندها زوجه اخوها الكبير ليس ما تغير منها ،، ناس يقولون بسبب حب زوجي لي بس يعني كل واحد يحب زوجته وزوجي يحبني بسبب تضحيتي ويقولي انا ادري انج عمرج ما غلطتي على اهلي ولو كنت اشوف انج انتي اللي غلطانه عليهم جام ما راح ارضى ،، احس انه جمالي صار نقمه مو نعمه ما تتخيلون حالتي يا اخواتي والله كل يوم مشاكل وهواش مع زوجي بسبب اهله وشلون يفرقون ،، حتة لو انا قلت ما راح ازورهم بس لما زوجي وعيالي يروحون يشوفون ويقولون لي ماما نبي العاب مثلهم مع اني ادري ان زوجي يشوف وايد ويسكت ما يقولي ،، صحيح انا ساكنه في بيت اهلي وامي الله يعطيها طول العمر ويشفيها مو مقصره اصلا اهلي وابوي الله يرحمه ساعدوني كثير حتى من النواحي الماديه والله يا جماعه الخير ان لما ابوي توفي ساءت حالت اهلي الماديه بس مع هذا امي مو مقصره ادعوا لها الله يشفيها وتمشي على ريلها واخواني بعد مو مقصرين يحبون اعيالي يقولون لي مو كفايه احنا نحبهم ليش تضايقين نفسج ،، يقولون اللي اللي ما يحبج لا تحبينه بس والله يا اخواتي مو قادره انا اموت باليوم الف مره ليش يعزونهم علينا ليش يفرقون تخيلو ان زوجي قبل فتره طاح في الشغل ونام في المستشفى واجروا له عمليه واهله ما زاروه ولا شي اتصل لهم قالها يمه ليش ما زرتوني قالت له اوكي بنزورك وفعلا زاروه بس كانوا مثل الاغراب ما ادري شلون امه تقدر جذي انا ام لو الله لا يقول احد من عيالي يصيده شي بسيط امووت بس امه غير ما يهمها ما يهزها ولا شي ما هزتها شوفت ولدها تعبان وطايح بسرير المستشفى زارته عشر دقابق ومشت حتى اخته ما كلفت روحها تزوره ،، انا تعبانه يا جماعه اقول ليش يفرقون وخايفه من بكره لما العيال يكبروم ما راح يعرفون اهلهم يعني الا في المناسبات لما اقول حق زوجي اللي خايفه منه يقول وانتي ليش تهتمين اذا اهلي مو هامينهم عيالي ولا انهم يعرفونهم ،، قبل جم يوم كنت رايحه السوق شفت اخت زوجي وامه ومن معاهم عيال اخو زوجي يشترون لهم العاب وملابس بصراحه ما تحملت رجعت البيت والمغرب تعبت شوي رحت المستشفى قالو لي ضغطج نازل وقلبج نبضاته زايده وشالوني في الاسعاف عشان يودوني المستشفى الرئيسي بس الحمدالله رخصوني و اليوم انا احسن بس تعبانه يا جماعه معقوله كل اللي صار بسبب شكلي او جمالي او بسسب حب زوجي لي والله تعبانه شنو الحل نكلمهم جربنا وبلا فايده ،، اتقرب لهم حاولت بس ما يحبوني ،، اطنش خايفه من باجر عيالي يكبرون وما يعرفونهم ،، سااااااااااااااااااااااااااااااااااااااعدوني واسمحولي على الاطاااااااااااااااااله