حملي

كيفكم بنات
بقولكم سالفتي وابي مشورتكم
انا حملت بعد طول فتره كان لي حمل وسقطت بسبب نفس
من اول يوم من زواجي ونا اشوف قريبتي بالحلم وكل حلم يختلف عن الثاني......تفسير الحلوم ان البنت دايم تذكرك ولا تذكر الله وعينها ضيقه على كل شي عندك ونك مصابه بنفس منها
مااكذب عليكم اني رقيت بس بعدها بشهر شفتها بالحلم نفسها وتفسير الحلم بعد انصبتي بعين ولازم ترقين اذا ودك تحملين
والله يا اخوات صرت ارقي وبعد فتره اشوفها بالحلم
سبحان الله اذا رب العالمين احب عبده واراد له الخير ينبهه ويحذره حتى من اقرب الاشخاص اللي حوله
هم بعد اشوفها شكل البنت الله يسامحها ماعندها شغله اللى انا لاحول ولا قوه الى بالله ....تخيلو يا اخوات انها بس تشوفني لازم تحط عينها على كل شي حتى لو شي تافه والله كرهت حتى المجلس اللي تكون فيه صرت اتجنب اماكنها ....بديت ادعي بعد كل صلاه واتحسب عليها وانا ابكي كل ما شفت طفل صغير احضنه واتحسب عليها
استمريت على الرقيه والحمدالله بعد طول صبر حملت ونا الحين بالشهر الرابع بس محتاره اقول والى ما اقول ماودي اخبر احد من العائله اخاف يوصلها الخبر احسها ماتخاف الله
والله ان صار شئ لجنيني والله اموت ماتدرون شلون جاني بعد طول فتره ودعاء واستغفار..
وش رايكم يا اخوات الكل يسالني هاه ماحملتي اقول لا
تكفون ابي مشورتكم والله اني ضايعه ما اتخيل بعد الولاده اقولهم اني ولدت!!
ولا ودي يصير شي لا قدر الله بسببها.....
ابي مشورتكم تكفون