حملي المفاجئ

السلام عليكن جميعا حبيت اطرح قصتي هني ومدري احد مرت عليها بنفس القصة او ﻻ وياريت اللي عندها فكرة تنصحني..عندي 5اوﻻد 3بنات و2صبيان والحمدلله رب العالمين الله يحفظهم ويحفظ اوﻻد الجميعوعندي واحد متوافي وانا بالشهر التاسع ..المهم منهم اثنين ولادة طبيعي والباقي قيصري صاحبني السكر وكان حجم الطفل كبير من جذي الوﻻدة قيصري. المشكلة اخر اثنين جبتهم وما ارتحت بين الحمل الاول والثاني غير 7شهور بس ف الاخير قررو لي مع وﻻدتي ربط واستخرت وتوكلت ع الله قلت خلاص تعبت من الحمل ومشاكل السكر وتعب القيصريات جبت بنت ف الشهر السابع مع الاسف كنت اكلم الدكتورة اثناء العملية سويتي ربط تقولي ايه حبيبتي وانا صدقت واستانست الحمدلله رب العالمين...عقب ولادتي ب7شهور تفاجأت اني حامل كبف واشلون قدرت الله كتب لي اني احمل بس عندي السكر واااااااااااي متعب هبوط لدرجة انه يوصل 1،5...رحت حق الدكتورة كشفو ع طلع حمل صحيح مو برع الرحم بس الحين اللي مخوفني عندي التصاقات ف العمليات كثيرة وكل العمليات بمكان واحد هل ياثر علي هذة المره اللي عندها فكرة ياريت تطمني واذا كان الربط صحيح فيه تأثير الحين علي وع الجنين والا ﻵ والله خايفة خايفة بس الحمدلله توكلت ع الله وهو بيسهل لي اموري بس احس متعبه جسمي تعبان ومو قادر يشيلني والله.....ياريت اللي تقرا موضوعي تدعي لي بتيسير اموري وتسهيل ولادتي ...لكم مني خالص الشكر.