حملي ونفسيتي

السلام عليكم خواتي
مادري لو مكان موضوعي صح ولا لا
بنات أمس اكتشفت اني حامل الحمدلله
وانا ماكنت متوقعه
بنات والله ادري هذا رزق من الله وفيه حريم يتمنون الحمل
وفيه اللي اتاخرت سنين وخسرت بالالاف عشان تحمل
بتقولون لي أحمدي ربج
والله أحمد ربي الف مره على هذي النعمه
بس كل ماذكر اني حامل اتضايق غصبا عني
أحس اني استعجلت
انا عندي بنت وولد وبنتي عمرها سنه وجبتهم ورا بعض
يعني مارتحت و هم صغاروتعرفون المعاناه
غير جسمي تعبان وفيني فقر دم ونقص حديد وفيتامينات
انا كنت ابي ااجل الحمل لعقب سنه
بس سبحان الله حملت مع اني كنت أخذ احتياطي
نفسيتي تعبانه وكله أفكر لو اجهض احسن
استغفر الله والله مش بأيدي بس ذبحني التفكير
وعقب استغفر الله واقول حرام ليش تفكيري متخلف
حد يرفس النعمه!
بنات خبرني كيف أبعد هالتفكير وارضى بالواقع
يارب لك الحمد والشكر